Reviews for மோகமுள்

கிட்டத்தட்ட ஒரு மாத வாசிப்புக்குப் பிறகு இந்தப் புத்தகத்தை முடித்ததில் பரவசம்! வார்த்தைகளால் விவரிக்க முடியாத, என்னால் என்ன உணர்கிறேன் என்று விளக்கவும் முடியாத அனுபவம். இன்னும் இது போன்ற படைப்புகள் வேண்டும்!

1950களின் கும்பகோணம், தஞ்சாவூர், பாபநாசம், சென்னை என்று பல தரப்பட்ட மனிதர்களுடன் சிறிது நாட்கள் வாழ்ந்து வந்தது போன்று இருந்தது இந்த நாவலை வாசித்து முடித்தபோது.

பாபு, யமுனா, ராஜம், வைத்தி, ரங்கண்ணா, பார்வதி, ராமு, தங்கம்மா — இப்படி பட்டியலிட்டால் இந்த நாவலில் வரும் அனைவரது பெயரையும் என்னால் கூறிவிட முடியும், அந்த அளவு ஒன்றிப் படித்து முடித்தேன்.

மிகப் பழமையான, பிரபலமான, வெளிவந்த நாள் முதல் தற்போது வரை பலராலும் படிக்கப்பட்டு, பாராட்டப்பட்டு, விமர்சிக்கப்பட்டு, படமாகவும் எடுக்கப்பட்ட நாவல் இது.

மனிதர்களின் பலம், பலவீனம், கோபம், பகை, பெருமை, சிறுமை, மகிழ்ச்சி, வருத்தம், செழிப்பு, வறுமை, காமம், ஞானம் என அனைத்தையும் பல கதாபாத்திரங்கள் மூலம் நமக்கு காட்டியிருக்கிறார் தி.ஜானகிராமன் அவர்கள். காலம் கடந்து வாசித்தாலும் இப்போதும் ரசிக்க வைக்கிறது இந்தப் புத்தகம்.

மோகமுள் என்பது பாபுவின் வாழ்க்கையில் முக்கிய பங்கு வகித்தவர்களைப் பற்றிய ஒரு முதிர்ச்சிக் கதை. 1930-1940களின் கும்பகோணம், பாபநாசம், தஞ்சாவூர் பகுதியை பின்னணியாகக் கொண்டது. நாவல் மிகவும் நீளமானது (663 பக்கங்கள்), அன்றாட வாழ்க்கை, விழாக்கள், குடும்ப இயக்கவியல், சமூகப் பிரச்சினைகள், குறிப்பாக இசை கற்றலின் நுண்ணிய அம்சங்களை விரிவாக விவரிக்கிறது. இறுதியில் பாபு தன் வாழ்க்கை நோக்கத்தை கண்டடைந்து, தான் விரும்பும் வகையில் இசையில் சிறந்தவனாக மாற நடவடிக்கை எடுக்கிறான். இதயத்தை வெதுவெதுப்பாக்கும் முடிவு.

தனிப்பட்ட முறையில் இந்தப் புத்தகத்தை படிப்பதை மிகவும் நேசித்தேன். தஞ்சாவூர் மாவட்டத்தில் கோடை விடுமுறைகளையும் தொழில் வாழ்வின் ஆரம்ப நாட்களையும் கழித்தவன் என்ற முறையில் இந்த நாவல் தகவல் களஞ்சியமாக இருந்தது. கும்பகோணத்தைச் சுற்றி ஓடும் காவிரி போன்ற அமைதியான காலத்திற்கும் இடத்திற்கும் என்னை அழைத்துச் சென்றது. கதையின் முடிவில் பாபுவின் வயதில் இருக்கும் ஒருவன் என்ற முறையில் அவன் எதிர்கொண்ட பிரச்சினைகளை புரிந்துகொள்ள முடிந்தது. ஒட்டுமொத்தமாக நிறைவான, நல்ல உணர்வை அளிக்கும் கதை.

அற்புதம் என்ற ஒற்றை வார்த்தையே போதும்! 800 பக்கங்களுக்கு மேல் நீளும் இந்த செவ்வியல் நாவலை இறுதியாக படித்து முடித்தேன். ஜானகிராமனின் எழுத்து நடையும், பாபு மற்றும் யமுனாவின் வாழ்க்கையின் சில ஆண்டுகளை நம்மை அழைத்துச் செல்லும் விதமும் மிகவும் பிடித்தது.

இப்போதுதான் படிக்கத் தொடங்கியிருக்கிறேன். எதிர்பார்ப்பு அதிகமாக உள்ளது!

கதை மிகவும் எளிமையானது — கல்லூரிப் படிப்புக்காக வீட்டை விட்டு வந்த ஒரு இளைஞன், பாடகரின் மகன், தீவிர ஆர்வமிக்கவன் — அவன் தன் வாழ்க்கையில் என்ன செய்கிறான் என்ற கதை. கடந்தகால காதலும் மோகமும் மீண்டும் எதிர்கொள்ளும்போது எல்லாம் சிக்கலாகிறது.

இதில் வெறுமை என்பதே இல்லை. இளமையான, நன்கு கையாளப்பட்ட, யதார்த்தமான கதை — தன் மோகம், காதல், இளமை உணர்வுகள், சமூகம் இவற்றுக்கிடையே போராடும் இளைஞனின் கதை. மற்ற தி.ஜா நாவல்களைப் போல இது ஒரு கோணத்தில் மட்டும் செயல்படவில்லை — சமூகக் கருத்துகள் இருக்கின்றன, ஆனால் கதை அவற்றை நிரூபிக்க அல்ல, அவற்றின் வெறுமையை சித்தரிக்கவே நகர்கிறது.

உலகம் சிதையும்போது அது கருமையாகவோ அடைபட்டதாகவோ ஆகாமல் மேலும் தெளிவாகவும் அழகாகவும் மாறுகிறது. நன்கு எழுதப்பட்ட, கவர்ச்சிகரமான வாசிப்பு அனுபவம்.

மோகமுள் நாவல் மறைந்த எழுத்தாளர் தி.ஜானகிராமன் அவர்களால் 1956ல் எழுதப்பட்டது. முதல் பதிப்பு வெளியாகி இன்றுடன் 60 ஆண்டுகளாகியும் காலத்தால் அழியாவண்ணம் தமிழ் புத்தகவாசிகளிடத்தில் ஒரு செவ்வியல் புதினமாகக் கொண்டாடப்படுகிறது. 1995ல் ராஜ ஞானசேகரன் அவர்கள் இந்நாவலைத் தழுவி திரைப்படமாக வெளியிட்டார், ஆனால் வணிக ரீதியாக வெற்றியடையவில்லை.

இந்நாவலை வாசிக்க வேண்டுமென்ற ஆர்வம் என்னுள் பல ஆண்டுகளாக இருந்தது, ஆனால் அதற்கான வாய்ப்பு சமீபத்தில்தான் அமைந்தது. எனது 10ம் வயதில் தூர்தர்ஷனில் இத்திரைப்படத்தைப் பார்த்ததாக ஞாபகம். கதை வாசிப்பிலிருக்கும் சுவாரசியத்தை திரைப்படத்தில் கொண்டுவர முடியவில்லை என்ற உண்மை படம் பார்த்தவர்களுக்குப் புரிந்திருக்கும்.

கதையின் மையக்கரு — முதிரா இளைஞன் முதிர் கன்னி மேல் ஈடுபாடு கொண்டு அவளை அடைய முற்படுவதும், அதன்பின் எழும் தவிப்பின் தொடர்ச்சியாக அவள் மீது விளையும் மோகம் பற்றியதாகும். மோகத்தை மட்டுமே முன்னிருத்தாமல் நாயகனின் இலட்சியமான கர்நாடக சங்கீதத்தையும் முன்னிருத்திச் சொல்லப்பட்டிருக்கிறது.

அன்றைய சமூக கோட்பாடுகள், நடைமுறைப் பழக்கவழக்கங்களை எதிர்த்து முற்போக்கான கருத்தை தன் இயல்பான நடையில் ஆசிரியர் முன்னிருத்தியிருப்பது மிகவும் பாராட்டிற்குரியது. நாவல் வெளிவந்த காலகட்டத்தில் பல்வேறான எதிர்மறை விமர்சனங்களை நிச்சயம் பெற்றிருக்கும்.

கதையின் காலம் தோராயமாக 1930-1950. கதை சுழலும் இடம் தஞ்சை மாவட்டத்தில் காவிரிக் கரையில் அமைந்த கும்பகோணம். கதையில் வழக்காடப்பட்டுள்ள சொற்கள் எனக்கு அதிகம் பரிட்சயமானதாக இல்லை, அதனால் தொடக்கத்தில் தடுமாற்றமும் சலிப்பும் உருவானது. எனினும் தி.ஜாவின் எழுத்து நடையைப் பற்றி கேள்விப்பட்டிருந்ததால் தொடர்ந்து வாசித்தேன். முதல் 100-120 பக்கத்தில் தோன்றிய சிரமம் மெல்ல மெல்ல குறைந்தது.

கதையின் நாயகன் பாபு கர்நாடக இசையில் ஆர்வமிக்க 20 வயது அந்தணர்குல வாலிபன், நாயகி யமுனா மராட்டிய வம்சாவழியில் தோன்றிய தமிழ்-மராட்டியக் குடும்பப் பெண்.

ரங்கண்ணா, தங்கம்மா, வைத்தி, ராஜம், பார்வதி, பாலூர் ராமு — இவர்கள் மறையாமல் நம் கண் முன் நிற்கும் கதாபாத்திரங்கள். கதை முழுவதும் பாபுவின் பார்வையில் வருவதால் மற்ற மாந்தர்களின் இயல்பு அவனின் சிந்தனை ஓட்டத்தினூடே பார்க்கப்படுகிறது.

தங்கம்மாவின் பாத்திரப்படைப்பு மிகவும் சுவாரசியமானது. பாபுவின் மீதான காதலுக்காக தன் உயிரை விடுகிறாள். வறுமையால் விலங்கிடப்படும் அவளின் நிலமை, இல்லாததை நினைத்து ஏங்கி தற்கொலை செய்யும்போது துக்கம் தொண்டையை அடைக்கிறது.

நாவல் முழுதும் வரும் உரையாடல்கள் மனித உறவுகளின் ஆழத்தை மிகச்சிறப்பாக எடுத்துரைக்கின்றன — தந்தை மகன் உறவு, நட்பு, காதல், குரு சிஷ்ய உறவு, சகோதர உறவு. ஆசிரியர் காமம் என்ற தணலை கையாண்டிருக்கும் விதம் விரசமாகத் தோன்றாமல் மனிதனின் அக உணர்வுகளின் பிரதிபலிப்பாகத் தோன்றுகிறது.

மாந்தர்களின் அக உலகையும் அதிலிருக்கும் சிக்கல்களையும் தனது இயல்பான பாணியில் சித்தரித்துள்ளது தமிழ்ப் புதினங்களுக்குப் புதிதாக இருந்திருக்கும்.

தி.ஜாவின் கதைகள் அனைத்தும் மனிதர்களின் மென் உணர்வுகளை தொட்டுச் செல்லும். மோகமுள் நாவல் அத்தனை நெருக்கமாகக் காரணம் கதையும் கதாபாத்திர வடிவமைப்பும் மட்டும் அல்ல — கதைவழியே ஆங்காங்கே தொட்டுப் போகிற மனிதரின் மென்உணர்வுகள் தாம்.

மோகமுள்... எளிமையான ஆனால் அருமையான நாவல்.

பாபுவுக்கு யமுனா மேல் ஏற்பட்ட தெய்வீகக் காதலை நாகரீகமாக ஏற்றுக்கொள்ள வைக்கும் ஜானகிராமன் அவர்களின் எழுத்து நடை.

அந்தக் கால கும்பகோணத்துக்கும் மெட்ராஸ்க்கும் அழைத்துச் செல்லும் இந்தக் கதை.

நாவலின் இடைப் பகுதியில் சிறிதளவில் விறுவிறுப்பு குறைந்திருந்தாலும் கதையின் முடிவில் விறுவிறுப்பு அதிகரித்து ஏற்றுக்கொள்ளக் கூடிய முடிவுடன் முடிவது மோகமுள் நாவலின் வெற்றி.

மோகமுள் — தலைப்பே மனதை கொத்திக்கொண்டு பறந்துவிடுகிறது.

வயதில் மூத்த பெண்ணை திருமணம் செய்துகொள்வது, லிவிங் டுகெதர் நடைமுறைகளை இலகுவாக ஏற்றுக்கொள்ளும் இந்த காலகட்டத்திலேயே இப்புத்தகம் தாக்கத்தை ஏற்படுத்துகிறது என்றால், முதல் பிரசுரம் வெளியான 1964ஆம் ஆண்டு கடுமையான தாக்கத்தையும் சர்ச்சைகளையும் உருவாக்கியிருக்கும் என்பதில் ஐயமில்லை.

யமுனா மீது பாபு காதலில் விழுந்ததில் வியப்பேதுமில்லை — படிக்கும் நம்மையே யமுனா கவர்ந்துகொண்டு விடுகிறாள். அவள் அழகு, வயது, உரைநடை எல்லாமே நம்மை வசீகரிக்கிறது.

தஞ்சாவூர், கும்பகோணம் வாசகர்களுக்கு மனதிற்கு நெருக்கமான புத்தகமாக மோகமுள் கண்டிப்பாக இருக்கும்.