Reviews for கோசலை

தமிழ்பிரபாவின் மற்றுமொரு தரமான படைப்பு. முதல் நாவல் பேட்டையை விட இதில் படைப்புத் திறனும் கதை சொல்லும் திறனும் கூர்மையாகி உள்ளது. பிற்பாதி கதை நகர்வு கொஞ்சம் மந்தமாக இருந்தது.

கோசலையின் தந்தை சாதியை காரணம் காட்டி திருமணத்தை எதிர்க்கிறார். சாதி ஒழிய வேண்டுமென்றால் அதை சுட்டிக்காட்டாமல் எப்படி முடியும் என்ற கேள்வி எழுகிறது.

தமிழ்பிரபாவின் எழுத்து ஒரு திரைப்படம் போல் கண் முன்னே விரிகிறது. நாவலின் அறிமுக அத்தியாயமே அதற்கு எடுத்துக்காட்டு. ஊனம் என்பது சமுதாயத்தில் தான் உள்ளது, கோசலையின் உடலில் இல்லை என்பதே இந்த நாவலின் கருப்பொருள். இந்நாவலின் மூலம் கோவேறு கழுதைகள், கருக்கு போன்ற தமிழின் முக்கியமான படைப்புகளும் அறிமுகப்படுத்தப்பட்டிருக்கின்றன. கோசலை கனவில் வரும் மாய எதார்த்தக் காட்சிகள் நினைவில் நிற்கும்.

தமிழ்பிரபாவின் இரண்டாவது நாவல். சமூகத்தால் ஒதுக்கித் தள்ளப்படும் பெண்ணின் வாழ்க்கையை யாருடைய இரக்கத்தையும் வேண்டாத கதாபாத்திரமாக எழுதியிருக்கிறார். இந்த நாவலும் சிந்தாதிரிப்பேட்டையை களமாக கொண்டு எழுதப்பட்டுள்ளது. ஒரு எளிமையான நாவல், வாழ்க்கை மீதான நம்பிக்கையை அதிகப்படுத்தக்கூடிய எழுத்து.

கற்பி, ஒன்று சேர், புரட்சி செய் என்ற அம்பேத்கரின் சொற்களுக்கு ஆதாரமாக கோசலை நாவல் முழுவதும் திகழ்கிறது. கோசலை கதாபாத்திரம் அந்தச் சொற்களை தன் வாழ்வாகவே மாற்றிக்காட்டுகிறாள். சமூகத்தின் ஒடுக்குமுறைகளை கல்வியாலும் அன்பாலும் எதிர்கொள்ளும் கோசலையின் கதை மிகச்சிறந்த படைப்பு.

கோசலை நாவலின் காட்சிகள் மனதில் பதியும் வகையில் எழுதப்பட்டுள்ளன. சமூகத்தின் விசித்திரமான பார்வையிலிருந்து தப்பிக்க முயலும் கோசலையின் உள்ளுணர்வுகள் நம்மையும் சிந்திக்க வைக்கின்றன. ஜன்னல் வழியாக வெளியே பார்க்கும் கோசலையின் காட்சி — மனிதர்கள், மரங்கள், மின்கம்பங்கள் எல்லாம் பின்னோக்கிச் செல்வது — நாவலின் உணர்வுப்பூர்வமான நடையை பிரதிபலிக்கிறது.