திரைப்படத்திலிருந்து (அசுரன்) சற்று வேறுபட்டது, இந்தப் பதிப்பையும் மிகவும் ரசித்தேன்! மொழி எனக்குப் புரிந்துகொள்ள சற்று கடினமாக இருந்தது, ஆனால் ஒட்டுமொத்தமாகக் கதை இறுதி வரை ஈர்த்துச் சென்றது.

நேர்கோட்டு அல்லாத கதைசொல்லல் சில நேரங்களில் புரிந்துகொள்ள கடினமாக இருந்தது, ஆனால் கதையின் தாக்கத்திற்கு வேறு வழி இருந்திருக்க முடியாது என்று நினைக்கிறேன். இங்கே முடிவு ஒரு க்ளிஃப்ஹேங்கராக இருக்கிறது — திரைப்படம் அப்படி இல்லாததில் மகிழ்ச்சி.

வித்தியாசமான புத்தகம். உள்ளூர் சுவை கொண்ட ஏதாவது வாசிக்க விரும்பியதால் ஓரளவு ரசித்தேன். மிகவும் தேவையான மாற்றம் இது. கதையால் பிடித்துக்கொள்ளப்பட்ட உணர்வு ஒருபோதும் வரவில்லை. பரபரப்போ, துரத்தலோ, ஏதாவது மர்மமோ காத்திருப்பதாக இல்லை.

பூமணி ஒரு நெருக்கமான குடும்பம் எப்படி இருக்கும், ஒரு நூல் அறுந்தால் என்ன பிரச்சனைகள் வரும் என்பதை அழகாகச் சித்தரிக்கிறார். நல்ல புத்தகத் தோழன்.

சாதிய அடையாளங்களைக் கடந்து எழுதியிருக்கும் வெக்கை — பூமணிக்கு வாழ்த்துகள். கதை ஒரு பழிதீர்த்தலும் அதன் பின் விளைவுகளின் நீட்சியுமாகச் செல்கிறது. பலமும் பலவீனமும் வட்டார மொழி வழக்கிலமைந்த நடை.

கதை நாயகனையும் அவரது தந்தையையுமே மையமாக வைத்து, அவர்களிருவரின் திட்டமிடல்களும் தப்பி ஒளியும் பாங்கும் த்ரில்லர் பாணியில் விரிவடைந்திருந்தாலும், கதை ஒரு சார்பிலமைந்து எதிரிகளுக்கான இடமில்லாமல் பயணிப்பது முரண்.

சாதீயத்தை நேரடியாகத் தொடவில்லை என்றாலும் அதிகார அரசியல், பணத்தால் மறுக்கப்படும் நீதி, சுரண்டல்கள், ஆதிக்க மக்களின் முகமும் பேராசையும், அதன் வழியே மண்ணின் மீதான போராட்டமும், அதை எதிர்த்துப் போராடும் தனிக்குடும்பமுமே கதையின் உயிர்நாடி. கதாமாந்தர்களின் உறவு வழி அன்பு மனம் நெகிழ வைக்கிறது.

குற்றம் எவர் செய்தாலும் குற்றமே. நீதியின் பக்கம் அநீதியே அதிகம் இருக்கிறது என்று ஆசிரியர் நினைத்திருக்கலாம். இருந்தும் மனசாட்சி குற்றவாளிகளைச் சட்டத்தின் முன் நிறுத்த வேண்டிய கட்டாயமும் இருக்கிறது.

அதிகாரத்தை எதிர்க்கும் எளியவர்களின் கதை. அவர்களோடு நாமும் மலைகளையும் வயல்களையும் கிராமங்களையும் சாலைகளையும் கடப்பது போல் பிரமை தருகிறது. செலம்பரம் அடுத்து என்ன செய்தான் என்று அறிய ஆவலைத் தூண்டினாலும், அவர்களின் வாழ்வின் ஒரு பகுதியைக் கண்முன் நிறுத்திய அருமையான வார்த்தைகள்!

எட்டு நாட்கள், எட்டு அத்தியாயம். நக்சல்பாரிகள். கிராமம் முழுவதும் ஒருவரின் பண்ணையாதல். சிறிய விஷயமாகப் பெரிய கொலைகள். இதுபோன்ற பெரிய விஷயங்களை சிறியதாகவும், கொலை செய்து பதுங்கி வாழும் எட்டு நாட்கள் எவ்வளவு பெரியது என்றும் சொல்லும் புத்தகமாதலால் ஏற்படும் வெக்கை — மனதில்.

கொலை செய்தது சிதம்பரம் எனும் சிறுவன். பதுங்கி அலைந்தது பூமணி. ஒளிந்து நின்று பார்ப்பவர்கள் வாசகர்கள்.