Reviews for சோலைமலை இளவரசி

கதையின் களம் என்னை வியப்பில் ஆழ்த்தியது. கல்கியின் வரலாற்றுப் புனைவுகளை மட்டுமே படிப்பவன் நான். இந்தச் சிறிய நாவல் 100 ஆண்டுகள் இடைவெளியில் இரண்டு கதைகளைக் கொண்டிருக்கிறது, இரண்டும் ஒன்றோடொன்று இணைக்கப்பட்டவை.

உலகநாத தேவர், மாணிக்கவள்ளி, சோலைமலை அரசர், குமாரலிங்கம், பொன்னம்மா, பொன்னம்மாவின் தந்தை — அனைவரும் ஒரே ஆள்கள். 18-ஆம் நூற்றாண்டில் ஆங்கிலேயரை எதிர்த்துப் போராடும் உலகநாத தேவர், 19-ஆம் நூற்றாண்டில் சுதந்திரப் போராட்ட வீரன் குமாரலிங்கம். உலகநாத தேவர் ஆங்கிலேயர் கையில் மடிகிறார். அதே கதை மீண்டும் நிகழுமா? கல்கியின் அற்புதமான படைப்பு!

சோலைமலை இளவரசியில் கல்கி மறுபிறப்பு மற்றும் வரலாற்றின் சுழற்சி இயல்பு என்ற கருத்தாக்கத்தை ஆராய்கிறார். இந்தப் புத்தகம் 1947-ல் வெளியானது என்பது குறிப்பிடத்தக்கது — அப்போது மறுபிறப்புக் கரு தமிழ் இலக்கியத்திலும் திரைப்படத்திலும் இன்று போல் பரவலாக ஆராயப்படவில்லை. மகதீரா அல்லது காங்குவா போன்ற நவீன திரைப்படங்கள் பார்த்தவர்களுக்கு இக்கரு புதிதாகத் தெரியாது, ஆனால் அக்காலத்தில் இது மிகவும் புதுமையான முயற்சி.

புத்தகம் விரைவாகவும் ஈர்க்கும் விதமாகவும் படிக்கக்கூடியது. ஆனால் முடிவு திடீரென்று முற்றுப்பெறுகிறது, வாசகர்களுக்கு சரியான முடிவு கிடைக்காத உணர்வை ஏற்படுத்துகிறது. ஒட்டுமொத்தமாகப் பார்த்தால் படிக்கத் தகுந்த புத்தகம்.

சோலைமலை இளவரசி கல்கியின் மற்றுமொரு சிறந்த வாசிப்பு. கதாபாத்திரங்களின் கடந்தகால மற்றும் நிகழ்கால வாழ்க்கையைச் சுற்றி நிகழ்வுகள் சுழல்கின்றன. கதாபாத்திரங்களுக்கிடையேயான உரையாடல்கள் அவர்களின் ஆழ்ந்த காதலை வெளிப்படுத்துகின்றன.

எக்காலமும் நிலைத்திருக்கும் எழுத்தாளர் கல்கி, காதல் உரையாடல்களை இயல்பான முறையில் கையாண்டுள்ளார். கடந்தகால நிகழ்வுகளையும் நிகழ்கால நிகழ்வுகளையும் தெளிவாகப் பிரித்து, அழகாக இணைத்துள்ளார். காதல் வலிமிகு முடிவில் வெல்கிறது, "விதி மாற்ற முடியாதது" என்று கதை கற்பிக்கிறது. குறுகிய வாசிப்பு, தவறவிடக்கூடாத வித்தியாசமான நாவல்.

என் மனதில் எழும் உணர்ச்சிகளை விவரிக்க வார்த்தைகள் இல்லை. கண்களில் கண்ணீருடனும் மனதில் ஆழ்ந்த சோகத்தோடும் எழுதும் வரிகள் இவை.

கல்கி எழுதும் அனைத்து வகை ஸ்வபாவங்களும் மனதைக் கவரும் விதமாக இருக்கும். எனினும் அவரின் காதல் வர்ணனைகளுக்கு என் இதயத்தில் ஒரு தனி இடம் உண்டு. அவ்வர்ணனைகளில் இருக்கும் ஆழ்ந்த உணர்ச்சிகள் ஒவ்வொன்றும் என்னை அணைக்காமல் சென்றதில்லை.

குமாரலிங்கம்-பொன்னம்மாளின் கதையும், உலகநாதபாண்டியன்-மாணிக்கவள்ளியின் கதையும் ஒரே விதத்தில் அமைந்தது திகிலாக இருந்தது. அவர்களை அறிந்த சில நிமிடங்களிலேயே அவர்கள் மீதும் அவர்களின் காதல் மீதும் அளவு கடந்த விருப்பம் ஏற்பட்டது. எப்படியேனும் அவர்கள் காதல் வென்றுவிடாதா என்ற ஏக்கம் இருந்தது.

இத்தகைய முடிவுடன் கதாசிரியர் என் இதயத்தை உடைத்துவிட்டார்.

சங்ககால இராஜ வாழ்க்கைக்கும் தற்கால தேசத் தொண்ட வாழ்க்கைக்கும் நடுவில் சிக்கித் தவிக்கும் குமாரலிங்கத்தின் கதை தான் சோலைமலை இளவரசி.

குமாரலிங்கம் தனது பூர்வ ஜென்ம நினைவுகளால் சிக்கித் தவிக்கிறான். 300 ஆண்டுகளுக்கு முன்பு ஆங்கிலேயரை எதிர்த்த மாறனேந்தல் இளவரசன் உலகநாத தேவனாகத் தன்னைக் கனவில் காண்கிறான். ஆங்கிலேயரிடம் இருந்து தப்பிக்க சோலைமலை அரண்மனைக்குள் புக, அந்நாட்டின் இளவரசி உதவிக்கரம் கொடுக்கிறாள். இருவரும் காதலில் திளைத்திருக்கையில், விதி அவனை ஆங்கிலேயர்களிடம் சிக்க வைக்கிறது.

அந்த இளவரசியைத் தற்போது உதவும் பொன்னம்மாளாக நேரில் பார்க்கிறான். கனவில் கண்ட நிகழ்ச்சிகள் நேரிலும் நடக்க ஆச்சரியத்தில் ஆழ்கிறான். நிகழ்காலத்திலும் ஆங்கிலேயரிடம் சிக்கித் தப்பித்து வரும் அவன், பொன்னம்மாள் சித்தப் பிரமை பிடித்தவளாக இருப்பதைக் காண்கிறான். தன்னையே சோலைமலை இளவரசியாக வரித்து அக்கால நிகழ்வுகளில் மூழ்க, குமாரலிங்கம் மனம் நொந்து சாமியார் ஆகிறான்.

விறுவிறுப்பாகச் செல்லும் கதை, எதிர்பாரா முடிவுடன் அமைந்துள்ளது.

எனக்கு மிகவும் பிடித்த அமரர் கல்கியின் மற்றுமொரு அற்புதமான படைப்பு. சரித்திரப் புகழ் பெற்ற புத்தகமாக இருக்குமோ என்ற ஆர்வத்தோடு வாசிக்கத் தொடங்கினேன். தொடக்கத்தில் கண்ணைக்கட்டி காட்டில் விட்டது போல இருந்தாலும், சுதந்திரப் போராட்டத்தின் முக்கிய நிகழ்வான 1942 வெள்ளையனே வெளியேறு இயக்கத்தின் சமகாலத்தில் கதை தொடங்குகிறது.

யாரும் எதிர்பாராத திருப்பம் — கனவு உலகத்தையும் நிகழ்காலத்தோடு கற்பனை கலந்த தொனியில் கிழக்கிந்தியக் கம்பெனி காலத்தை சுதந்திரப் போராட்டத்தோடு இணைத்துள்ளமை அதிசிறப்பு. நெஞ்சில் நீங்கா இடம் பிடித்த தலைவன் குமாரலிங்கம் என்ற மகாராஜா உலகநாதன். அனைவரையும் ஈர்க்கும் அழகிலும் அறிவிலும் சிறந்த தலைவி பொண்ணம்மாளாகிய இளவரசி மாணிக்கவள்ளி.

அந்தக் காலத்திலேயே இவ்வாறான கற்பனை கலந்த விருவிருப்பான கதையை கல்கி என்ற மாமனிதரால் மட்டுமே படைக்க இயலும். சற்றும் எதிர்பாராதபடி கதை முற்றுப் பெற்றது.

1947 காலக்கட்டத்தில் இப்படி ஒரு கற்பனையும் இணை உலகக் கருத்தாக்கமும் கொண்ட கதையைப் படைத்திருக்க முடியுமா என்று வியப்பாக இருக்கிறது. அதிலும் அரசியல் கலந்த கதையாக அமைந்தது மேலும் ஆச்சரியத்தை அளித்தது.

நல்ல புத்தகம்! கதாபாத்திரங்களின் நிகழ்கால மற்றும் கடந்தகால வாழ்க்கையை இணைத்து கல்கி வித்தியாசமான பாணியில் கதை சொல்லியிருக்கிறார். ஒட்டுமொத்தமாக ரசிக்க வைத்த புத்தகம்.

நல்ல கதை. கல்கியின் எழுத்து நடை ரசிக்க வைத்தது.

கனவு உலகிலும் நிஜ உலகிலும் நடந்த காதல் கதை. முடிவு நன்றாக அமையவில்லை என்பது ஒரு வருத்தம்.