Reviews for அவமானம்

அட்டை ஓவியமும் தலைப்பும் கவர்ந்ததால் வாசிக்க வேண்டிய பட்டியலில் வைத்திருந்தேன். பல நாட்கள் கழித்து வாங்கி வாசிக்க முடிந்தது.

சிறிய புத்தகமே என்றாலும் படித்து முடிக்க சற்று தாமதமானது. முதல் சிறுகதை படித்ததும் அடுத்த கதைக்கு நகர சிறு தயக்கம் ஏற்பட்டது - அவ்வளவு ஸ்வாரஸ்யம். ஆனால் அவமானம் கதையை படிக்க ஆரம்பித்ததும் நிறுத்த முடியவில்லை. ஒவ்வொரு வரியும் மிகுந்த ஆழமான கருத்துடையதாக இருந்தது.

இந்த கதையில் வரும் மாந்தர்கள் என்னை ஆட்கொண்ட விதம் அலாதியானது. மிகவும் சிந்திக்க வைத்தது. அதன் பிறகு வந்த ஒவ்வொரு சிறுகதையும் சமூகத்தின் மீது கேள்விகளை முன்வைக்கிறது. நேரடியான, அழுத்தமான, நேர்மையான படைப்பு.

இவரின் அறிமுகம் எனக்கு உலகநாயகன் கமல்ஹாசன் மூலம். பிக் பாஸ் நிகழ்ச்சியின் தொகுப்பாளராய் வந்தபோது, புத்தக பரிந்துரைகளை ஆரம்பித்திருந்தார். அவமானம் அந்த பரிந்துரை பட்டியலில் முதலில் இடம்பெற்ற நூல். தலைப்பும், எழுத்தாளரின் பெயரை அவர் உச்சரித்து பரிந்துரை செய்த விதமுமே, இதனை படிக்க வேண்டும் என்று தூண்டிக்கொண்டிருந்தது.

காலித் கதையில் நமக்கு நெருக்கமானவர்களுக்கு நேரவிருக்கும் துன்பம் முன்கூட்டியே தெரியப்பெற்று மனம் அலைக்கழிக்கப்படுவதை அழகாக சொல்கிறார். அவமானம் கதையில் சுகந்தியின் வாழ்க்கையும், அவளை சுற்றியுள்ள மனிதர்களும், கனவுகளாய் விரியும் காதல்களும், அவளை அனுதினமும் அவமானப்படுத்தும் இரவுகளும் நெஞ்சை நெருடுகின்றன.

திற கதையில் நடப்பது இன்றளவும் அரங்கேறுகிறது என்று நினைக்கையில் அருவருப்பாக இருக்கிறது. மொத்த தொகுப்பினில் என்னை மிகவும் பாதித்த கதை இது. சஹாய் கதையில் மதவெறி சண்டைகளின் கொடுமையை சொல்கிறார். மிருகத்தனம் கதை மிகவும் ரசித்தேன் - மிருகங்களிடம் உள்ள தாய்மைக் குணம் மனிதனிடம் இல்லாமற் போவதை சொல்கிறது.

ஜவ்வுமிட்டாய் கதையில் 12 வரிகளில் மிரட்சியை காட்டுகிறார். விட்டுக்கொடுத்தல் 4 வரிகளில் பெற்றவரின் கதறலை சொல்கிறது. ஒவ்வொரு கதையிலும் மண்ட்டோவின் மேதைமை வெளிப்படுகிறது.

பிக் பாஸ் 4-ல் கமல் ஹாசன் இந்தப் புத்தகத்தைப் பற்றிச் சொன்னதைக் கேட்டு இந்த எழுத்தாளரை அறிந்தேன். தமிழில் மொழிபெயர்க்கப்பட்ட இந்தப் புத்தகத்தை வாங்கி 45 நிமிடங்களில் படித்து முடித்தேன். சாதத் ஹசன் மண்ட்டோவின் முதல் புத்தகம் இது எனக்கு. ஒரு பாலியல் தொழிலாளியின் மன உலகத்தை ஆழமாகச் சித்தரிக்கும் கதை. மிகவும் ஈர்க்கும் எழுத்து.

இருண்மையான, கடுமையான எழுத்து. மண்ட்டோவின் கதைகள் மனதில் ஆழமான தாக்கத்தை ஏற்படுத்துகின்றன.

நன்றாக எழுதப்பட்டுள்ள கதை. ஒரு விபச்சாரியின் அவமானம் எந்த அளவு அவளை பாதிக்கிறது என்பதை அருமையாக விவரிக்கப்பட்டுள்ளது.

படித்து முடித்தபின் எதுவோ தவறியுள்ளது போன்ற உணர்வு. ஏதோ குறைகிறது என்ற எண்ணம் இருந்தாலும், வாசிக்க வேண்டிய நூல்.

மண்ட்டோவை முதல் முறையாக வாசித்தேன். கண்ணீரும், ரத்தமும், சதையுமான எழுத்துகள். அரை பக்கத்திற்கு ஒரு சிறுகதை எழுத முடியுமா, அதுவும் அவ்வளவு ஆழமாக? நீங்காத பிரம்புடன் கொடுக்கும் எழுத்து.