Reviews for நூலக மனிதர்கள்

நூலகம் பலரின் வாழ்க்கையில் ஒளியேற்றியது. நூலகங்களின் மூலம் பலர் அரசாங்க அதிகாரிகளாகவும், நாட்டின் மிகப்பெரிய தலைவர்களாகவும் உருவாகியுள்ளனர். எஸ்.ராமகிருஷ்ணன் அவர்கள் தான் போன நூலகத்தைப் பற்றியும், அங்கு சந்தித்த நூலக மனிதர்கள் குறித்த நினைவுகளையும் மிக எளிமையான எழுத்துக்களில் பகிர்ந்து கொள்கிறார்.

இந்த வருடம் வாசித்த புத்தகங்களில் மிகவும் பிடித்தமானதும், வாசிப்பில் மன நிறைவு தந்ததுமான ஒரு புத்தகம். நூலகங்கள் மற்றும் அங்கு வரும் மனிதர்கள் பற்றிய 32 கட்டுரைகள் கொண்ட இது, பலரின் வாழ்க்கையில் நூலகம் ஒளியேற்றிய அரிய கதைகளைப் பதிவு செய்கிறது.

எஸ்.ராமகிருஷ்ணன் அவரது நாவல்களை விட அனுபவக் கட்டுரைத் தொகுப்புகள் மிக ஈர்ப்புடையதாக இருக்கும். இந்தப் புத்தகமும் அந்த வகையில் சேர்ந்ததுதான். பல விஷயங்கள் மிக உணர்ச்சிப்பூர்வமாக எழுதப்பட்டிருந்தது. நூலகத் தொடர்பு அடியோடு விடுபட்டிருந்த நிலையில் மீண்டும் நூலகத்திற்குச் செல்லவேண்டும் என்ற ஆவலாய் தூண்டுகிறது.

எஸ்.ரா-வின் கட்டுரை தொகுப்புகளுக்கென்று ஒரு தனி அழகு உண்டு. நேர்த்தியான சிந்திக்க வைக்கும் எழுத்து நடை. இதில் வரும் சில தொகுப்புகள் என்னுள் ஆழ்ந்த தாக்கத்தை ஏற்படுத்துகிறது. படிப்பின், வாசிப்பின் முக்கியத்தை உணர்த்தும் கட்டுரைகளால் நிறைந்த அருமையான புத்தகம்.