Reviews for நூலக மனிதர்கள்

புத்தகங்களை வாசிக்கத் தொடங்க விரும்பும் அனைவருக்கும் இந்தப் புத்தகம் சிறந்த தொடக்கமாக அமையும். நூலகத்தின் அழகையும் அதன் மூலம் ஏற்படும் மாற்றத்தையும் உணர்த்துகிறது.

நூலக மனிதர்கள் உண்மையிலே ஒரு வித்தியாசமான வாசிப்பு அனுபவம். வாசிப்பு ஒருவரை எப்படி இப்படியெல்லாம் யோசிக்க வைக்கிறது என்று வியப்பளிக்கிறது. அருமையான புத்தகம், அனைவரும் வாசிக்க வேண்டிய ஒன்று. சோர்வுக்கு நல்ல புத்துணர்ச்சி தரும் வகையில் உள்ளது.

எஸ்.ரா-வின் கட்டுரைகளைப் படிப்பது சுவையானது. வித்தியாசமான மனிதர்களைப் பற்றிப் படிப்பது சுவாரசியமானது. நூலகத்தில் தான் சந்தித்த மனிதர்களைப் பற்றி எழுதியதைப் பற்றி படித்தது அலாதியான அனுபவம். நிச்சயம் படிக்க வேண்டிய புத்தகம்.

எஸ்.ரா-வின் நூலக மனிதர்கள் மனதுக்கு மிகவும் நெருக்கமான ஒன்று. சிறு வயது முதல் நூலகம் செல்லும் அனுபவமும் பழக்கமும் உள்ளவர்களுக்கு இந்தப் புத்தகம் நல்ல அறிமுகமாக இருக்கும். மிக அற்புதமான மனிதர்களின் கதைகள், வாழ்க்கைகள், ஏராளமான அனுபவங்கள் ஒரு சேர வாசிக்க முடியும்.

புத்தகம் வாங்கிப் படிப்பதாக இருந்தாலும் நூலகத்திற்கு அவசியம் சென்று படிக்க வேண்டும், குழந்தைகளையும் குடும்பத்தையும் வாராவாரம் கூட்டிச் செல்ல வேண்டும் என்ற எண்ணத்தை விதைக்கும் அழகிய ஆழமான கட்டுரைகளைக் கொண்ட நூல்.

ஆசிரியர், தான் இதுவரை நூலகத்தில் சந்தித்த மனிதர்களையும், அங்கு நிகழ்ந்த அற்புதமான நிகழ்வுகளையும் படம்பிடித்துக் காட்டுவதாக அமைகிறது இந்நூல். புத்தகத்தின் தலைப்பில் கவரப்பட்டு வாங்கிய எஸ்.ரா-வின் மற்றுமொரு புத்தகம். புத்தகத்தில் வியப்பூட்டும் நூலக மனிதர்கள் ஏராளமானவர்கள்.

வாசித்த புத்தகங்களில் மிகச் சிறப்பானதை என் உணர்வால் சொல்ல முடிகிறது. ஒவ்வொரு கட்டுரையும் நூலகத்தின் மீதான அபிமானத்தையும், வாசிப்பின் மகத்துவத்தையும் உணர்த்துகிறது. மறக்க முடியாத வாசிப்பு அனுபவம்.

இது நூலகம் பற்றிய புத்தகமல்ல; நூலகங்களைத் தன் வாழ்வின் முக்கியமான பகுதியாகக் கொண்டிருக்கும் மனிதர்களின் தனித்துவமான கதைகளின் கட்டுரைத் தொகுப்பு. அனைத்து கதைகளும் அருமையாக இருந்தன. ஒரு மனிதர் தன் படித்த புத்தகங்களை திருப்பிக் கொடுக்கும்போது, அதற்குள் ஒரு ரூபாய் நோட்டு வைத்துச் சென்ற அழகான நினைவு மனதில் நிற்கிறது.

நூலக அனுபவங்களின் பயணத்தை எடுத்துக்காட்டும் அற்புதமான புத்தகம். வாசிப்பின் போது தனிநபர் நூலக நினைவுகளும் வந்து சேர்கின்றன. அனைத்து புத்தக் காதலர்களும் படிக்க வேண்டிய இனிய புத்தகம்.

புனைவிற்குள் சந்திக்கும் மனிதர்களை விடவும் நிஜத்தில் சந்திக்கும் மனிதர்கள் இன்னும் சுவாரசியமானவர்கள் போல என எண்ண வைக்கும் அளவிற்கு, நூலகம் எனும் சிறு பிரபஞ்சத்திற்குள் புழங்கும் வித்தியாசமான மனிதர்களின் கதைகளை தனக்கேயுரிய கவித்துவ நடையில் கட்டுரைகளாக்கி இருக்கிறார் எஸ்.ரா. நூல்களின் மீதும் வாசிப்பின் மீதும் ஆர்வத்தை ஏற்படுத்தும் அருமையான புத்தகம்.