Reviews for ரோலக்ஸ் வாட்ச்

உண்மையானது எது, பொய்யானது எது என்ற குழப்பம் ரோலக்ஸ் வாட்ச்சுக்கு மட்டுமே வரும். நடந்தவற்றைக் கோர்வையில்லாமல் தொகுதிகளாகத் தருகிறது இந்த நாவல்.

புத்தகத்தின் நீளம் சற்றுக் குறைவாக இருந்திருக்கலாமோ என்று தோன்றியது. கதாநாயகன் தான் சந்தித்த பலதரப்பட்ட கதாபாத்திரங்களைப் பற்றி பகிர்ந்துகொள்கிறார்.

பிற கதைகள் போல முதல்-முடிவு என்ற அமைப்பில்லாமல், ஜி.நாகராஜனின் நாளை மற்றும் ஒரு நாளே, குறத்தி முடுக்கு போன்று நகர்கிறது இந்த நாவல்.

நிறைய சம்பவங்களையும் அனுபவங்களையும் சுவாரஸ்யமாகப் படைத்திருக்கிறார் ஆசிரியர். கல்லூரிக்கால அத்தியாயங்கள் மிகவும் எதார்த்தமாக இருக்கின்றன.

கதையின் ஓட்டம் பல இடங்களில் தாவிக்கொண்டே இருந்ததைத் தவிர்த்திருக்கலாம் என்று தோன்றியது.

மிக எளிய நடையில் இருந்த இந்த நாவல், இதுவரை அறிந்திராத அரசியல் தரகர்களின் வாழ்க்கையைப் பற்றி கூறுகிறது. பல இடங்களில் என் பெயர் ராமசேஷன் நாவலை நினைவுபடுத்தியது.

இது ஒற்றைக் கதையாக கையாளப்பட்டிருந்தால் இன்னும் நன்றாக இருந்திருக்கும். பல நிகழ்வுகளின் தொகுப்பாக இருப்பதனால் சந்திரனின் கதையை ஒன்றிக் கவனிக்க இயலவில்லை. எனினும் ரோலக்ஸ் வாட்ச் என்ற பெயர் காரண நிகழ்வு மிகக் கவித்துவமாகவும் தத்துவார்த்தமாகவும் சொல்லப்பட்டிருக்கிறது.

இந்த எழுத்தாளர் மீது ஏனோ ஒரு ஈர்ப்பு, ஆனால் வாசிக்க முடியவில்லை. இந்த நாவலை வாசிக்க வாசிக்க பக்கங்கள் புரண்டதே தெரியவில்லை.

அரசுக்கும் நமக்கும் இடையில் இருக்கும் தரகர்கள் தான் கதையின் மாந்தர்கள். நாயகன் எவ்வாறு ஒரு ஆடு புலி போல் காரியங்களை திறம்பட நடத்துகிறான் என்பது ஒரு மேஜிக் ஷோ அல்ல, எல்லாம் கரிய தரிசனம்!

வாழ்வின் எந்த உயரம் சென்றாலும், நம்மை சுற்றி ஒரு கூட்டம் இருக்கத்தான் செய்யும். அதைத் தக்க வைக்க ஒரு போலி சாயல் நம்மில் உள்ளது — நாயகன் அவனே. நம்மை நேசிப்பது ஒருவர் ஆயினும் அதுவே ஆதுரம், ஆனால் நாம் அதை என்றுமே எண்ணுவதில்லை.

தொடர்புகள் தான் இங்கே மென்மை. செயலை முடிக்க பணம் மற்றும் தகுந்த ஆளுமை தான் இந்தக் கதையின் ஆடல். பல அடுக்குகள் கொண்ட ஆனால் எளிமையான ஒரு நாவல்! போலிகள் ரோலக்ஸில் மட்டுமல்ல, மனிதர்களிலும் உண்டு!