Reviews for வசந்த கால குற்றங்கள் [Vasantha Kaala Kutrangal]

மூன்று கதைகள் ஒன்றோடொன்று பின்னிப்பிணைந்து விரியும் விதம் அருமை. ஒரு காவல்துறை அதிகாரியின் இன்னொரு சாதாரண நாளின் வடிகட்டப்படாத யதார்த்தத்தை இக்கதைகள் காட்டுகின்றன.

ஓர் குடும்பப் பெண்ணிற்கு ஒரு காமுகனிடமிருந்து வரும் மிரட்டல் தொலைபேசி அழைப்புகள், தொடர்ந்து கடத்தல் நிகழ்வுகள். பெற்றோர் சம்மதம் இல்லாத காதல் ஜோடியின் பிரச்சனைகள். புதிய நகைக்கடை ஒன்றில் சாமர்த்தியமான திருட்டு.

இப்படி மூன்று வழக்குகள் காவல் துறையை நாட, மூன்றிலும் காய்கள் சமகாலமாக நகர, காவல்துறை உதவி ஆணையரின் சாமர்த்தியம், பொறுமை, வெறுப்பு, கோபம், ஏமாற்றம் என்று அனைத்து உணர்வுகளையும் தழுவி ஓடும் விறுவிறுப்பான நாவல்.

1980களில் எழுதப்பட்ட இக்கதை, ஒரே நேரத்தில் இரண்டு குற்ற வழக்குகளையும் ஒரு காதல் பிரச்சனையையும் சந்திக்கும் காவல்துறையை சித்தரிக்கிறது.

செல்வச் சீரழிவில் வளர்ந்த சுனில் என்ற இளைஞன் ஒரு குடும்பப் பெண்ணை தொல்லை செய்து அவளது குழந்தையை கடத்துகிறான். மறுபுறம், சிறையிலிருந்து வெளிவந்த அருமுகம் ஒரு நகைக்கடையை கொள்ளையடிக்க திட்டமிடுகிறான். மூன்றாவதாக, பிரசன்னா என்ற இளைஞனின் காதல் பெற்றோர் எதிர்ப்பால் சிக்கலில் மாட்டுகிறது.

சமூக செல்வாக்கு உள்ளவர்கள் தண்டனையிலிருந்து தப்புவதும், சாதாரண மனிதர்கள் அவதிப்படுவதும் எப்படி என்பதை யதார்த்தமாக காட்டுகிறது. இன்றைய சூழலுக்கும் மிகவும் பொருந்தும் கதை.

ஒரு வசந்த காலத்தில் ஒரு காவல் நிலையம் சந்திக்கும் மூன்று வழக்குகள். ஒரு பெண்ணிற்கு வரும் ஒரு ஆபாச அழைப்பு, சைகோ இளைஞன் ஒருவனிடமிருந்து. அவன் த்ரில்லுக்காக அவளின் பெண் குழந்தையை கடத்தி செல்கிறான்.

ஒரு தேர்ந்த பூட்டுடைப்பவன் தன்னுடைய சாமர்த்தியத்தை நிரூபிக்க ஒரு நகைக்கடையை கொள்ளையடிக்க திட்டமிடுகிறான். ஒரு காதல் ஜோடி பெற்றோர் எதிர்ப்புடன் கமிஷனர் அலுவலகம் வருகிறார்கள்.

இந்த மூன்று வெவ்வேறு சூழல்கள் எவ்வாறு கையாளப்படுகிறது, ஒவ்வொரு கதாபாத்திரத்தின் மனஓட்டம் எவ்வாறு செல்கிறது என அலசுகிறது. காவல் நிலையத்தின் பரபரப்பையும் அவர்கள் தினந்தோறும் எதிர்கொள்ளும் சவால்களையும் எடுத்துரைக்கிறது.

சுமாரான புத்தகம். படிக்கலாம் என்றாலும் பெரிதாக ஈர்க்கவில்லை. எதிர்பார்ப்பை முழுமையாக பூர்த்தி செய்யவில்லை.

இந்த புத்தகம் எழுத ஜோலார்பேட்டை காவல் நிலையத்தில் 14 நாள் ஆசிரியர் தங்கியதாக தகவல். அந்த அர்ப்பணிப்பு பிரமிக்க வைக்கிறது!

குற்றவாளிகளையும் குற்றம் செய்பவர்களையும் தவறாக மட்டுமே நாம் பார்க்கிறோம். குற்றவாளிகள் குற்றம் செய்ய காரணம் என்ன என்பதை அவர்களது கூட்டிற்குள் சென்று பார்த்திருக்கிறார்.

குற்ற உணர்ச்சி என்பதே சிறிதும் இல்லாமல் புரியப்படும் குற்றங்களினால் ஏற்படும் விளைவுகளின் கதை. சமுதாயத்தின் பல தளங்களில் இயங்கும் பலருக்கும் சட்டம் எவ்வாறு தனித்தனி விதங்களில் செயல்படுகிறது என்பதை அழுத்தமான முரண்நகையுடன் பதிவு செய்கிறது.

பெரும்பாலான போலீஸ் கதைகள் காவல்துறையினரை மேலோட்டமாகவே சித்தரிக்கும். ஆனால், இந்நாவலின் ஆசிரியர் காவல் நிலையத்தில் தங்கி அதன் செயல்பாடுகளை நேரடியாக ஆராய்ந்து எழுதியதால் ஒரு காவல்துறை அதிகாரியின் நிஜ வாழ்வு எவ்வாறு இருக்கும் என்ற அரிதான உண்மை நமக்குத் தெரிகிறது.