Reviews for வைகை நதி நாகரிகம்

இந்த நூல் பெருத்த ஏமாற்றத்தைத் தந்தது. கீழடி ஆய்வுகள் குறித்து நிறைய தகவல்கள் கொண்ட கட்டுரைத் தொகுப்பாக இருக்குமென்று நினைத்தேன். ஆனால் ஏற்கனவே தெரிந்த சில தகவல்களும், சங்க இலக்கியப் பாடல்கள் சிலவும் கொண்ட நூலாக இருந்துவிட்டது. ஆய்வு நூல்கள் போல அல்லாமல், வெறும் ஊகங்களின் அடிப்படையில் அமைந்த கட்டுரைகளே இடம்பெற்றிருந்தன.

நூல் தொகுக்கப்பட்ட விதமும் பிடிக்கவில்லை. வெவ்வேறு தளங்களில் எழுதப்பட்ட கட்டுரைகளை அப்படியே எடுத்துக் கொடுத்ததால் ஒரே தகவல் மீண்டும் மீண்டும் வந்திருந்தது. இரத்தினச் சுருக்கமாக எழுதியிருந்தால் 40 பக்கங்களுக்குள் முடிந்திருக்க வேண்டியதை 100+ பக்கங்களாக நீட்டி 200 ரூபாய் விலைக்கு விற்பது ஏற்புடையதாக இல்லை.