Reviews for கதா விலாசம்
16 reviews total
user_8561
★ 5/5 Feb 02, 2026அருமை. பல எழுத்தாளர்களையும் அவர்களின் சிறந்த படைப்புகளையும் எழுதியிருப்பது மகிழ்ச்சி அளிக்கிறது. ஒவ்வொரு கதையும் ஆழமான விவாதத்தைத் தூண்டும் வகையில் அமைந்துள்ளது. கட்டாயம் வாசிக்க வேண்டிய நூல்.
user_8560
★ 4/5 Feb 02, 2026நல்ல நூல். பல தமிழ்ச் சிறுகதை எழுத்தாளர்களை அடையாளம் காண உதவியது. அவர்களிலிருந்து எனக்கு பிடித்தவர்களைத் தேர்ந்தெடுக்க முடிந்தது. அருமையாக எழுதப்பட்ட நூல்.
user_8559
★ 5/5 Feb 02, 2026சில புத்தகங்கள் வாசிக்க வாசிக்க முடிவடையவே கூடாது என்று தோன்றும் — அதில் ஒன்றுதான் இது. மொத்தம் 50 அத்தியாயங்கள், 50 தமிழ் எழுத்தாளர்கள். ஒவ்வொரு அத்தியாயமும் ஒரு எழுத்தாளரையும் அவர்களது ஒரு சிறுகதையையும் அறிமுகப்படுத்துகிறது.
இந்த சிறுகதையை எஸ்.ராமகிருஷ்ணன் தன் வாழ்க்கையில் நடந்த சம்பவத்தோடு பிணைத்து கூறியதுதான் சிறப்பு.
user_8558
★ 5/5 Feb 02, 2026எஸ்.ராவின் எழுத்துக்களை அறிமுகம் செய்து கொண்டது இந்த புத்தகம் வழியே. எளிமையான, மிகவும் அழகிய நூல்.
user_8557
★ 4/5 Feb 02, 2026பல்வேறு சிறந்த கதைகளின் அறிமுகம் கிடைத்தது. புத்தகம் படிக்கும் ஆர்வத்தை தூண்டும் படைப்பு.
user_8556
★ 5/5 Feb 02, 2026புகழ்பெற்ற எழுத்தாளரின் அனுபவங்களும் பார்வையும் வழியாக தமிழ் இலக்கியத்தின் பரந்த நிலப்பரப்பை கண்டுகொள்ள உதவும் சிறந்த நுழைவாயில்.
user_8555
★ 5/5 Feb 02, 2026ஒரு சிறந்த எழுத்தாளன் என்பதற்கு அறிகுறி அவன் ஆக்கங்களுக்காக கருப்பொருள் தேடி எதுவும் ஆராய்ச்சி செய்ய வேண்டிய அவசியம் இல்லை என்பதை எஸ்.ரா இந்த கட்டுரைத்தொகுதியின் மூலம் நிரூபித்திருப்பது பாராட்டுதலுக்குரியது. அதற்கு மேலும் ஒருபடி சென்று அன்றிலிருந்து இன்றுவரை உள்ள எழுத்தாளர்களின் எழுத்துக்களை கௌரவித்து அவர்கள் எழுதிய படைப்புகளை நம் போன்ற வாசகர்களுக்கு அறிமுகம் செய்து வைக்கும் பாணி மிகவும் பெருமைப்படவேண்டியதொன்று.
இந்த அற்புத மனிதரின் எழுத்துக்கள் நம்மை அறியாமல் எப்படி நம் இதயங்களை வருடிக்கொள்கின்றன என்பது ஒரு புரியாத புதிர். இவரின் ஒவ்வொரு கலை சார்ந்த படைப்பும் இயற்கைக்கும் இவருக்கும் உள்ள சொந்தத்தை பிரதிபலிக்கும் வண்ணம் பறைசாற்றிக் கொண்டே இருக்கிறது.
ஒவ்வோர் அத்தியாயங்களையும் வாசிக்கும்போது ஏற்படும் அனுபவம் இவருக்குண்டான கலைநயம் இயற்கையின் கொடை போல் நம்மை பிரமிக்க வைக்கின்றது. ஆக மொத்தத்தில் எஸ்.ராவின் இந்த படைப்புக்கு நான் வழங்கும் நட்சத்திரங்கள் ஓராயிரம் — ஆனால் உங்கள் கண்களுக்கு தெரிவது ஐந்தே ஐந்து மட்டுமே!
user_8554
★ 5/5 Feb 02, 2026வாழ்வின் அரிய தருணங்களை, பொதுவில் பேச தயங்குகிற விஷயங்களை, மனித வாழ்வின் மெல்லிய உணர்வுகளை பேசிவிட்டு அந்த உணர்வுகளை தன் கதைகளின் பேசுபொருளாக ஆக்கிக் கொண்ட எழுத்தாளரையும் அவரின் சிறுகதையினையும் அறிமுகம் செய்திடும் புத்தகம் தான் கதாவிலாசம்.
எஸ்.ராவின் புனைவெழுத்தை விடவும் அவரது அபுனைவு எழுத்தினை மிகவும் விரும்புபவன் நான். அவருடைய அபுனைவு எழுத்து நேரடியாக பேசுவதைப் போன்ற ஒரு தோற்றத்தை எனக்கு ஏற்படுத்துகிறது. அவருடைய "துணையெழுத்து" என் விருப்பமான புத்தகங்களில் ஒன்று.
கிட்டத்தட்ட "துணையெழுத்து" போன்ற அனுபவக்கட்டுரைகளின் தொகுதிதான் இதுவும். ஆனால் ஒவ்வொரு கட்டுரையும் ஒரு எழுத்தாளரையும் அவருடைய எழுத்து குறித்தான ஒரு அறிமுகத்தையும் செய்வது ஒன்றே வித்தியாசம். புத்தகம் முழுக்க வித்தியாசமான மனிதர்களையும் அவர்களை அலைகழிக்கும் அல்லது மகிழ்ச்சியாக வைத்திருக்கும் ரகசியங்களையும் நம் முன் விரித்துக் கொண்டே போகிறார் எஸ்.ரா.
எஸ்.ராவின் எழுத்தை மிக மென்மையான எழுத்தாகவே நான் உணர்வேன். வாசித்து முடித்திடும் போது ஒரு மன நிறைவும் சக மனிதர்கள் மீது பிடிப்பினையும் ஏற்படுத்தக் கூடியது அவருடைய எழுத்து. அவர் வழியே நிறைய ரஷ்ய எழுத்தாளர்களையும் மொழியாக்கம் செய்யப்பட்ட சிறந்த நூல்களையும் தெரிந்து கொண்டேன்.
user_8553
★ 4/5 Feb 02, 2026வாசகர்களுக்கு புதிய இலக்கிய உலகங்களைத் திறந்து காட்டும் ஊக்கமூட்டும் நூல். தமிழ் வாசிப்புப் பழக்கத்தில் ஒரு திருப்புமுனையை ஏற்படுத்தும் ஆற்றல் கொண்டது.
user_8552
★ 5/5 Feb 02, 2026எஸ்.ராமகிருஷ்ணன் எழுதிய மற்றுமொரு சிறந்த நூல். தற்காலத் தமிழ் இலக்கியத்தின் மிகச் சிறந்த எழுத்தாளர்களில் ஒருவர் அவர்.