Reviews for உடையார் - பாகம் 2

வல்லவராயர் வந்தியத்தேவரை அறிமுகம் செய்யும்போதும்; உடையார் ராஜராஜ சோழருக்கும் இளவரசர் ராஜேந்திர சோழருக்கும் இடையிலான பிணக்கை மறைமுகமாக எடுத்துரைத்து பின்னர் வெளிப்படையாக உணரவைக்கும்போதும்; இருவரும் சந்தித்துக்கொண்டபோது சோழ தேசத்தின் மகோன்னதமான இரண்டு மனிதர்கள் ஒருவரையொருவர் இறுக்கித் தழுவிக் கொண்ட காட்சி நெகிழ்ச்சியளிக்கிறது.

ஆறு தொகுதி தொடரின் இரண்டாம் பாகம், ராஜராஜ சோழன் காலத்தில் பல்வேறு சமூகப் பிரிவினரின் வாழ்க்கை நிலைமைகளையும் சமூக-கலாச்சார அம்சங்களையும் பேசுகிறது. கோவில் கட்டுமானம் தொடங்கிய பின் எதிர்கொள்ளும் தடைகளே முக்கிய கதைக்களம்.

முதல் பாகம் படித்து முடித்தவுடன், அடுத்த பாகத்தைப் படிக்க மிகவும் ஆவலாக இருந்தது. இரண்டாம் பாகமும் அருமையாக இருந்தது. கோவில் கட்டுவதற்கான ஏற்பாடுகள் ஆரம்பித்து, பல்வேறு மக்கள் தஞ்சையைச் சுற்றி குடியேறிவிட்டனர். போர்களின் இழப்புகளை விகர்ணன் போன்ற கதாபாத்திரங்கள் மூலம் அழகாகச் சித்தரிக்கிறார்.

பாலகுமாரனின் உடையார் இரண்டாம் தொகுதியைப் படித்து முடித்தேன். "எழுத்து சித்தன்" என்று அழைக்கப்படும் இவரின் நுணுக்கமான வரலாற்று ஆய்வும் கதைசொல்லலும் அற்புதம். சோழர் கால நிர்வாகம், சமூக அமைப்பு, கலாச்சாரம் பற்றிய விரிவான தகவல்கள் கொடுக்கப்பட்டுள்ளன.

படிக்கப் படிக்க ராஜராஜ சோழர் காலத்து மறவராய்ப் பிறந்திருக்கலாமே என்று தோன்றுகிறது. தந்தையும் மகனும் சந்திக்கும் காட்சி கண்ணுக்குள்ளும் நெஞ்சுக்குள்ளும் புகுத்தப்பட்டு விட்டது.

மாபெரும் சோழர் காவியம் தொடர்கிறது... அடுத்த பாகத்திற்கு ஆவலாக காத்திருக்கிறேன்.

உடையார் 2-வில் கதாபாத்திர விரிவாக்கத்தில் பாலகுமாரன் அசாதாரணமானவர். குறிப்பாக ராஜேந்திர சோழன் கதாபாத்திரத்தை கட்டமைத்த விதம் மிகவும் சிறப்பு.

சோழர் வரலாற்றை அழகாகச் சித்தரிக்கும் நல்ல நாவல். படிக்கும்போது அக்காலத்திற்கே பயணிப்பது போன்ற உணர்வு.

வந்தியத்தேவன் அறிமுகம் மிகவும் பிரமாதம்! கதை நன்றாக போய்க்கொண்டிருக்கிறது. பாகம் 3-க்கு ஆவலாக காத்திருக்கிறேன்!

ஆறு தொகுதி தொடரின் இரண்டாம் பாகம், ராஜராஜ சோழன் காலத்தில் பல்வேறு சமூகப் பிரிவினரின் சமூக-கலாச்சார அம்சங்களையும் வாழ்க்கை நிலைமைகளையும் முக்கியமாகப் பேசுகிறது. பெரிய கோவில் கட்டுமானம் தொடர்பான கதை அதிகம் முன்னேறவில்லை.