Reviews for பாரதியார் கவிதைகள்

மனம் கலங்கும் நேரத்தில் இந்தப் புத்தகத்தை எடுத்தால் ஐந்து நிமிடத்தில் நிம்மதி கிடைக்கும். சிறுவயது முதல் படித்து வருகிறேன், ஒவ்வொரு முறையும் புதிதாகப் படிப்பது போல் இருக்கும். சிந்தனையும் காதலும் நிறைந்த கவிதைகள்!

ஒவ்வொரு காலையும் ஒரு கவிதை படிப்பது என் பழக்கமாக மாறிவிட்டது. பாரதியின் வரிகள் காலைப் பொழுதை மறக்க முடியாததாக மாற்றின!

பாரதியார் கவிதைகள் என் மூச்சோடு கலந்துப்போனது. வாசிக்க வாசிக்க அதனுள் மூழ்கிப்போனேன். வார்த்தைகளின் வலிமையில் என்னை கரைத்தேன். புரட்சிக்கவி என்பதின் அர்த்தத்தை முழுதாய் உணர முற்பட்டேன். அவர் வாழ்ந்த காலத்தில் எந்தவிதமான அங்கீகாரம் இல்லாத போதும் தேசத்தின் மீதும் மக்கள் மீதும் அவர் கொண்டிருந்த அன்பிற்கு அளவே இல்லை. இன்னும் கூட அவரைப் புரிந்துக் கொள்ளாதவர்கள் வாழ்கிறார்கள் என்பது கோபத்தை உண்டாக்குகிறது.

"பகைவனுக்கருள்வாய் நன்னெஞ்சே" என்று பாடிய மாகவி பாரதியார், தமிழ்க் கவிதையின் உச்சம். ஒவ்வொரு தமிழ்க் கவிஞனும் அவரது கவிதைகளால் ஈர்க்கப்படுவது தவிர்க்க முடியாதது.

இப்பேற்பட்ட மாகவியின் படைப்புகளை மதிப்பிடும் தகுதி எனக்கு இல்லை என்றாலும், அவரது எண்ணங்களின் ஆழமும் எளிமையான மொழியில் புரட்சியை வெளிப்படுத்திய திறனும் என்னை வியக்க வைத்தன. மறுமலர்ச்சி பற்றிய அவரது சிந்தனைகள் அற்புதமானவை!