Reviews for யவன ராணி

சங்க காலத்தையும் கிரேக்கர்கள் மற்றும் ரோமானியர்களையும் அற்புதமாக விவரிக்கிறது. யவன ராணிக்காகவே படியுங்கள்!

படிக்கத்தக்க நல்ல புத்தகம்.

சாண்டில்யனின் மாபெரும் படைப்புகளில் ஒன்று! மிகவும் கவர்ந்திழுக்கும் கதை. உண்மையான வரலாற்றின் அடிப்படையில், சாண்டில்யன் தனது சொந்தக் கற்பனையையும் கதை சொல்லும் திறனையும் இணைத்துள்ளார். இது அவரது சிறந்த படைப்பாக இருக்கலாம்.

அருமையான கதை, கடல் புறாவிலிருந்து மிகவும் வேறுபட்டது. ஆனால் கதை சொல்லும் விதம் சாண்டில்யனுக்கே உரிய பாணியில் அமைந்துள்ளது — கதாபாத்திரங்களின் உணர்வுகளையும் எண்ணங்களையும் அடிக்கடி விவரிப்பது கதைக்கு அப்பாற்பட்டதாக இருக்கும். ஆனாலும் திருப்பங்களுக்கும் சுவாரசியத்திற்கும் பஞ்சமில்லை.

மிக மோசமான புத்தகம். இதை ஏன் கொண்டாடுகிறார்கள் என்று புரியவில்லை.

சலிப்புத்தட்டும் கதை, சுவாரசியமில்லா எழுத்துநடை. 2000 ஆண்டுகளுக்கு முன்னால் நடக்கும் கதையில் 'பாரதம்', 'இந்து மதம்' எல்லாம் எங்கிருந்து வந்தது? எழுத்தாளர்களுக்குக் கொஞ்சமேனும் வரலாற்று அறிவும் பொறுப்பும் வேண்டாமா?

சாண்டில்யன் எழுதிய யவன ராணி மிகவும் புகழ்பெற்ற நூல்களில் ஒன்று. கரிகால சோழன் இளமையாக இருந்தபோது சோழ நாட்டைக் கைப்பற்றிய ராணியின் வரலாற்றுப் புனைகதை இது.

முதல் பாகத்தில் காதல், சூழ்ச்சி, வில்லனின் தந்திரம், சோழ ஆதரவாளர்களின் உபாயம் என கதை நிறைந்துள்ளது. அடுத்த பாகத்தைப் படிக்கத் தொடங்கப் போகிறேன்.

சோழ வம்சத்தின் மாபெரும் மன்னர்களில் ஒருவரான கரிகால சோழனின் கதையை இந்நாவல் விவரிக்கிறது. படைத்தலைவன் இளஞ்செழியன் யவனக் கடற்படைத் தளபதி டைபீரியஸின் பிடியிலிருந்து தன் நாட்டை எவ்வாறு மீட்டான் என்பதே கதையின் சாரம்.

புத்தகம் நன்றாக இருக்கிறது. சாண்டில்யனின் கடல் புறா படித்தவர்களுக்கு இது பரிந்துரைக்கத்தக்கது. அடுத்த பாகத்தைப் படிக்க ஆவலாக உள்ளேன்.

ஏதோ சோகச் சிந்தனையில் மனம்போன போக்கில் புகார் கடற்கரையில் நடந்து கொண்டிருக்கும் இக்கதையின் நாயகனும் புகார் நகர சோழப்படை உபதலைவனுமான இளஞ்செழியன் காலில் ஏதோ தட்டுபட, கீழ் நோக்கிய அவன் கண்களில் நெருப்பில் உருகும் மெழுகே உருகக்கூடிய பேரழகு கொண்ட ஓர் ஏந்திழையின் உடலைக் காண்பதாகத் தொடங்குகிறது இப்பெரும் நாவல்.

காலில் இடர்பட்டவள் யார் என்பதில் தொடங்கி, அவள் தன் நாட்டிற்கே எதிரி என்றும் ஆட்சியைப் பிடித்து ராணியாக முடி சூட வந்தவள் என்றறிந்த பின்னும், அவளைக் காணும் பொழுதெல்லாம் தனக்கெனத் தன் அத்தை மகள் பூவழகி என்னும் அழகிய வஞ்சிக்கொடி உள்ளதையும் மறந்து சற்று மனத்தடுமாற்றம் அடையும் இளஞ்செழியன், ஒரு கட்டத்தில் நாட்டைக் காப்பாற்ற எதிர்கொள்ளும் அபாயங்களும் அதிலிருந்து மீள்வதும் அவனின் சிந்தனைத் திறமையைப் பறைசாற்றுகின்றன.

காற்றை விட வேகமாக ரதத்தில் வந்து போர் புரியும் மாவீரன் என்று பெயர் பெற்ற இளஞ்செட்சென்னியான தன் தந்தையையும் சூழ்ச்சியால் கொன்று, தன்னையும் சிறை வைத்த தாயாதியிடமிருந்து எவ்வாறு தப்பினான், பின் வேளிர், சேர மற்றும் பாண்டிய மன்னர்களின் கையில் சிக்கிய தன் நாட்டைத் தளபதி இளஞ்செழியன், மாமன் இரும்பிடர்த்தலையார் மற்றும் ஆசை நாயகி அல்லியுடன் சேர்ந்து எவ்வாறு மீட்டான் நம் சரித்திர நாயகன் திருமாவளவன் என்னும் கரிகாலன் என்பதே யவன ராணி எனும் இந்நாவல்.

துறவறம் பூண்டு அடிகளாக அறிமுகமானாலும், தன் நாடு மாற்றார் கைக்குச் செல்லாமல் இருக்க அடிகள் பிருமானந்தரும், கருவூர் சமண மடத்தின் சமண அடிகளும், இளவல் கரிகாலனின் ஆசை நாயகியான அல்லியும், இரும்பிடர்தலையாரும் செய்யும் ஒவ்வொரு முயற்சியும் அவர்களின் பேரன்பையும் நாட்டுப்பற்றையும் எடுத்துரைக்கிறது.

தன் ஆட்சியைத் தமிழகத்தில் நிறுவ வந்து, காதல் என்ற ஒன்றிற்காகத் தன் இன்னுயிர் ஈந்த யவன ராணியும், குருவே ஆனாலும் ராணிக்கு எதிரானதால் குருவையே எதிர்க்கத் துணிந்த அலீமாவும், என்றும் மனதில் நிற்பார்கள்.

கரிகாலன் என்றால் கல்லணை கட்டிய மன்னன் என்று மட்டுமே பலருக்குத் தெரியும். ஆனால் இவன் இயற்பெயர் என்ன, இவன் ஆட்சி எத்தகையது, எவ்வாறு ஆட்சியில் அமர்ந்தான் என்ற வரலாறு பலரும் அறியாதது.

படித்தேன், நல்ல நூல்.

ஒவ்வொரு கதாபாத்திரமும் சந்திக்கும் ஒவ்வொருவரையும் வியப்பில் ஆழ்த்துவது நன்றாக அமைந்திருந்தது. கடைசிப் பகுதிக்குச் சற்று முன்புள்ள அத்தியாயங்களில் வரும் நகைச்சுவை அருமை.

யவன குருமார்கள் சொன்ன விவரங்கள் என்று யவன ராணி பல இடங்களில் கூறியதும், அந்தக் கணிப்பின் மீதுள்ள நம்பிக்கையும், விதி மீதுள்ள நம்பிக்கையும் கதையை நன்கு சுழல விட்டதென்றே கூறலாம்.