புரியாத புதிர் நீயடா!!!: Puriyaatha puthir neeyadaa (Tamil Edition)

பிடிக்காத திருமணங்களின் இணையும் இரு மனங்கள்...

நாவலில் இருந்து ஒரு டீசர்

திவ்யா சாப்பிட உட்கார்ந்ததுமே, "கல்யாண கார்ட் டிசைன் பார்த்து கொடுக்கவே இல்லையே நீ.. அப்புறம் நானே பார்த்து ஒன்னை கொடுத்துட்டேன்" என்று கோதாவரி சொல்ல, அவள் இட்லியைப் பிசைந்து வாய்க்குள் தள்ளிக் கொண்டே, "எனக்கு தான் இந்த கல்யாணமே வேணாம்னு சொல்றேன் ல" என்று கடுப்பாக சொல்லிக் கொண்டாள். அவள் அதனை திரும்ப திரும்ப சொன்னதுமே கோதாவரிக்கு சுர்ரென்று எகிற, "இங்க பாரு திவ்யா சின்ன வயசுல போட்ட முடிச்சு இது... உன் இஷ்டத்துக்கு எல்லாம் நடக்க முடியாது... உனக்கு கல்யாணம்ன்னு ஒன்னு நடந்தா அது அனிருத் கூட தான்" என்று அவள் தாய் கோதாவரி கரித்துக் கொட்ட, அவரை முறைத்துப் பார்த்தவளோ "அவன கட்டுறதுக்கு நான் கன்னியாவே இருந்திடுவேன்" என்று புலம்பிக் கொண்டே சாப்பிட்ட பாதியில் எழுந்து கொள்ள, அப்போது தான் வீட்டினுள் நுழைந்த அகல்யாவோ அவள் தோளில் கையை வைத்து அமர்த்திய " சாப்பிடுடி " என்றாள் அழுத்தமாக. அகல்யா வேறு யாருமல்ல, திவ்யாவின் நெருங்கிய தோழி தான்..அவர்கள் பக்கத்து வீட்டு பெண் தான்.. அவளுடன் ஒன்றாகவே கல்வி கற்று இப்போது ஒன்றாகவே வேலை செய்பவள்.. திவ்யா அளவிற்கு பணத்தில் புரளவில்லை என்றாலும் நடுத்தர குடும்பம் தான்.. கோதாவரியோ " அகல்யா நீயே சொல்லு.. நம்ம அனிருத்துக்கு என்ன குறைச்சல்?? " என்று கேட்க அவளோ, "பார்க்க சினிமா நடிகன் போல இருக்கார்.. கல்யாணம் பண்ணிக்க வேண்டியது தானே திவ்யா " என்றாள் அகல்யா.. திவ்யாவோ " நீ வேற புரியாம பேசாத அகல்யா.. அவன் மேல எனக்கு லவ் கொஞ்சமும்.இல்லடி.. கூடவே வளர்ந்ததால் எப்போவுமே சண்டை போட தான் தோணுது... அவனை கல்யாணம்.பண்ணுறதும் காட்டுக்குள்ள போய் வாழுறதும் ஒன்னு தான்...பொண்ணுன்னு எழுதி இருந்தாலே வெறிக்க வெறிக்க பார்க்கிறவன்டி அவன்... சரியான ஜொள்ளு.. என் பிரெண்ட்ஸ் ஒருத்திய கூட.விடல.. எல்லாருக்கும் லவ் லெட்டெர் கொடுத்து இருக்கான்... அந்த லிஸ்ட்ல தப்பிச்சது நீ மட்டும் தான்...அடுத்த வீட்டு பொண்ணு என்கிறதால உன்னை விட்டு வச்சு இருக்கான்.. இவங்க கிட்ட அவன் திருகுதாளத்தை சொன்னா அது வாலிப வயசாம்.. என்ன பாவம் செஞ்சேனோ இந்த குடும்பத்தில வந்து பிறந்திட்டேன்.." என்றாள். கோதாவரியோ, "நீ சொன்னாலும் சொல்லல்லன்னாலும் விடல வயசில அவன் பண்ணின தப்பு தான் அது... இப்போ எவ்ளோ பொறுப்பா ஷியாம்.கூட சேர்ந்து கம்பெனியை நடத்திட்டு இருக்கான் தாலி கட்டிட்டா இந்த காதல் மண்ணாங்கட்டி எல்லாமே தானாவே வந்திடும்.. " என்று சொல்லிக் கொண்டே இருக்கும் போது,"இங்க என்ன பிரச்சனை?" என்று கேட்டபடி திவ்யாவின் தந்தை நரசிம்மன் சாப்பிட வர , அவருடன் சேர்ந்து அனிருத்தின் தந்தை தேவராஜ்ஜும் வர , அனிருத்தை பற்றி பேச முடியாமல் அனைவரும் மௌனமாகி போனார்கள்..