மௌன மழை: Mouna Mazhai (Tamil Edition)

முரணான கதைக்கரு எனது பாணியில்... துணையை பரிமாற்றிக் கொள்ளும் எலைட் கலாச்சாரத்தில் சிக்கிக் கொள்ளும் நாயகனும் நாயகியும் எதிர்கொள்ளும் பிரச்சனைகளும் அதில் இருந்து அவர்கள் மீண்ட கதையும்... டீசர்

புவனின் பின்னே பயத்துடனேயே நடந்து சென்றாள் கஸ்தூரி... எல்லாமே புதிதாக இருந்தது... ஆண் பெண் பேதம் இன்றி அணைத்து வேறு கொண்டார்கள்... அவள் நினைத்துக் கொண்டது என்னவோ, அவன் அழைத்து வந்தது எங்கேயோ... அந்த இடமே அவளுக்கு அருவருப்பை தான் கொடுத்தது... அவள் கண் முன்னாலேயே புவனை ஒருத்தி அணைத்து அவன் கன்னத்தில் முத்தம் பதிக்க, அவளுக்கோ இதயத்தில் சுர்ரென்று வலி... முதன் முறை கணவனின் அந்தரங்கத்தை இன்று தான் அறிந்து கொள்கின்றாள். இருவரையுமே மிரட்சியாக அவள் பார்க்க அந்த பெண்ணோ, "இது தான் உன் வைஃப் ஆஹ்?? இழுத்து போர்த்தி வச்சு இருக்க??" என்று கேட்க அவனோ சத்தமாக சிரித்தபடி, "இன்னைக்கு வந்திட்டா தானே... இனி மொத்தமா உறுவிடலாம்" என்றான். அருவருத்துப் போனாள் பெண்ணவள். என்ன மாதிரியான வார்த்தைகள் இவை... சட்டென எட்டி புவனின் கையை பற்றிய கஸ்தூரியோ, "நான் வீட்டுக்கு போறேன்" என்றாள். "என்னடி விளையாடுறியா?" என்று பற்களை கடித்தபடி சீறினான். "எனக்கு பயமா இருக்கு" என்று அவள் தட்டு தடுமாறி சொல்ல, "என்னடி பயம்?? வாழ்க்கைன்னா அனுபவிக்க தான். ரொம்ப முரண்டு பிடிச்சா சாவடிச்சிடுவேன் பார்த்துக்கோ... கொஞ்ச நேரத்துல கப்பில் ஸ்வாப்பிங் நடக்கும்... ஒழுங்கா கோப்ரேட் பண்ணு" என்றான். "அப்படின்னா??" என்று அவள் அதிர்ந்து கேட்க, அவனோ "கார் கீஸ் எல்லாமே ஒரு ஜார் உள்ளே போட்டு அதுல மாறி மாறி எடுப்போம்... யாரோட கார் கீ என் கிட்ட வருதோ அவன் பொண்டாட்டி கூட நான் இருப்பேன்... என் கார் கீயை எடுக்கிறவன் கூட நீ போகணும்..." என்றதுமே அவளோ கைகளை அதிர்ந்து வாயில் வைத்துக் கொண்டாள். அவள் சுதாரிக்க கூட நேரம் கொடுக்காமல், "ஹேய் புவன் இதுவா உன் பொண்டாட்டி??" என்று கேட்டபடி, அவனை அணைத்து விடுவித்த அவன் நண்பனோ, சற்றும் தயங்காமல் கஸ்தூரியையும் அணைக்க போக , கண்ணீருடன் சட்டென ரெண்டடி பின்னால் சென்றாள். அவன் நண்பனோ புவனிடம், "என்ன மேன் இது??" என்று கேட்க, கஸ்தூரியை முறைத்த புவனா, "ஹக் ஹிம்" என்றான். அவளோ இல்லை என்று தலையாட்டினாள்... புவனுக்கு கோபம் சுர்ரென்று ஏறியது.. "கொன்னுடுவேன் பார்த்துக்கோ, ஹக் ஹிம்" என்றான். அவள் இதழ்கள் அழுகையுடன் கீழ் நோக்கி வளைய, இல்லை என்று தலையாட்டினாள். "நீ கட்டி பிடிடா... என்ன பண்ணுறான்னு நான் பார்க்கிறேன்" என்றான். நொறுங்கி விட்டாள் அவள்... அவனை அடிபட்ட பார்வை பார்த்தாள். அவளை காக்க வேண்டியவன் அவன்... ஆனால் செய்து கொண்டு இருக்கும் வேலை என்ன?? அவன் நண்பனும்.அவளை அத்தனை பேர் மத்தியில் இறுக அணைத்துக் கொண்டான். அவளுக்கு அழுகை விம்மலாக வந்தது.. கன்னத்தில் முத்தம் வேறு... குமட்டிக் கொண்டு வந்தது... உணர்விழந்த சிலையாக அவள் நிற்க, "ஹாய் புவன்" என்று அவனுக்கு இப்போது கையை குலுக்கியது அவினாஷ் தான். அவனும், "ஹாய் அவினாஷ்" என்று சொல்ல, "ஐ லைக் யோர் வைஃப், ஆஷா மேல நிறைய நாள் உன் கண் இருக்குன்னு தெரியும்... நம்ம ஏன் ஸ்வாப்பிங் சீக்ரெட் ஆஹ் பிளான் பண்ண கூடாது?" என்று கேட்டான். அவனோ, "நைஸ் ஐடியா.. லெட்ஸ் டூ தட். இது என்னோட கார் கீ" என்று புவன் தன்னுடைய கார் கீயை காட்ட, அவினாஷும் தன்னுடைய கார் கீயை காட்டி விட்டு அங்கே அவனையே வெறித்துப் பார்த்தபடி நின்ற கஸ்தூரியை ஆழ்ந்து பார்த்தான். அவளோ அவனை பார்த்துக் கொண்டே எச்சிலை கூட்டி விழுங்கிக் கொண்டாள்.