இந்தப் புத்தகத்தைப் படித்து முடிக்கும்போது என் ரூம்மேட்ஸ் நான் மெண்டல் என்று நினைத்திருப்பார்கள், அவ்வளவு சிரிப்பு! ஆசிரியர் நகைச்சுவையை அள்ளி வீசியிருக்கிறார், ஒவ்வொரு பக்கத்திலும் சிரிக்க வைக்கும் தருணங்கள் நிறைய.

மிகவும் வித்தியாசமான, புதுமையான மொழிநடையில் எழுதப்பட்ட படைப்பு. நாவலில் வரும் இயக்குநர் ஸ்ரீ ஒரு புகழ்பெற்ற இயக்குநரை நினைவுபடுத்தினார். கதைக்களம் முழுவதும் உண்மையும் கற்பனையும் நேர்த்தியாகப் பின்னப்பட்டிருக்கின்றன. மது மற்றும் காமக் காட்சிகள் நிறைய இருக்கின்றன, வாசகர்களை கவர ஆசிரியர் இவற்றை ஒரு கருவியாகப் பயன்படுத்தியிருக்கிறார். பிடித்தது.

தமிழ் சினிமா உலகின் பின்புலத்தில் எழுதப்பட்ட முக்கியமான ஒரு படைப்பு. சினிமாவைப் பற்றிய எந்த தமிழ் நாவலும் அட்ரஸ் செய்யாத நிகழ்வுகள், மனிதர்கள், அவர்களுக்கிடையேயான சமகால உறவுச் சிக்கல்களை விறுவிறுப்பாகவும், தன் சிக்னேச்சர் பகடியோடும் அராத்து கையாண்டிருக்கிறார்.

கதை சொல்லல் முறை மற்றும் மொழி ஆகியவற்றிலும் புதுமையாக முயற்சித்திருக்கிறார்.

கண்டிப்பாக படிக்கவேண்டிய நாவல்.

சுவாரஸ்யமான கதை நடையில் எழுதப்பட்ட நாவல், படிக்க ஆரம்பித்தால் முடிக்காமல் கீழே வைக்க முடியாது. அராத்து கதையின் வேகத்தையும் கதைக்களத்தையும் இறுக்கமாக வைத்திருக்கிறார். சினிமா உலகின் மனிதர்களை வேறு ஒரு கோணத்தில் காட்டுகிறார், அவர்களின் உணர்வுகளை அழகாக வெளிப்படுத்தியிருக்கிறார்.

சினிமா துறையில் இருக்கும் ஒரு தனி மனிதன் தன் ஏற்ற இறக்கங்களை எப்படி எதிர்கொள்கிறான் என்பதை அருமையாகச் சொல்லியிருக்கிறார். நல்ல படைப்பு.

ஒரே மூச்சில் படிக்க வைத்த நாவல். அராத்துவின் உயிர் மெய் 1&2 படித்திருக்கிறேன், இரண்டையும் ஒப்பிடுவது சரியல்ல. ஆனால் அவரது எழுத்து தொடர்ந்து என்னை ஈர்க்கிறது. அராத்து சாரிடமிருந்து தீவிர இலக்கியத்தை எதிர்பார்க்கவில்லை, ஆனால் இந்த நாவல் என்னை உட்கார வைத்தது, எந்த இடத்திலும் சலிப்பு ஏற்படவில்லை. மசாலா படம் பார்க்கும் உணர்வு. வித்தியாசமான எழுத்து நடையை உருவாக்கிக் கொண்டிருக்கிறார். புத்தகத்தில் சில எழுத்துப் பிழைகள் இருந்தன, ஆனால் கதையின் வேகம் அதை மறக்க வைத்தது. தொடருங்கள் அராத்து சார்!