Reviews for நான்காவது நாள்

கதை என்னை முந்தைய புத்தகம் போல் உற்சாகப்படுத்தவில்லை. கடைசி ட்விஸ்ட் சிரிப்பு வரும் அளவுக்கு இருந்தது. ஆனால் இந்தப் புத்தகத்தின் நையாண்டிகள் மிகவும் பிடித்தது. ஆரிய படையெடுப்பு மற்றும் திராவிட சித்தாந்தம் பற்றிய எடுப்பு இந்தப் புத்தகத்தில் மிகவும் கிண்டலான முறையில் பயன்படுத்தப்பட்டிருந்தது — அது மட்டுமே என்னைக் கவர்ந்தது.

ஆனால் கதை ஈர்க்கவில்லை, கணிக்கக்கூடிய சோப் டிராமா டிடெக்டிவ் கதை போல் இருந்தது.

12-ம் வகுப்பு படிக்கும்போது ராஜேஷ் குமார் நாவல்கள் வாசித்திருக்கிறேன், அதன் பிறகு அகதா கிறிஸ்டி-யின் க்ரைம் த்ரில்லர் புத்தகங்களும் வாசித்த அனுபவம் உண்டு. இந்திய அளவில் அமிஷ் திரிபாதி, அஸ்வின் சங்கி போன்ற எழுத்தாளர்களையும் வாசித்திருக்கிறேன்.

முதல் முறையாக பகுத்தறிவு-சுயமரியாதை அரசியல் கலந்த ஒரு த்ரில்லர் புத்தகம் தமிழில் படிப்பது சுகமாகவும் மகிழ்ச்சியாகவும் இருந்தது. எளிமையான எழுத்து நடை, இடையில் புன்னகைக்கவைக்கும் நக்கல் நையாண்டிகள், சமகால அரசியல் நிகழ்வுகளுடன் திராவிட இயக்க எழுத்தாளர்களுக்கே உரிய பாணியில் எழுதப்பட்ட கதை.

Thus Spoke Zarathustra என்று ஃபிரீட்ரிக் நீட்சே எழுதிய புத்தகத்தின் ஊடாகத் தான் ஜராதுஸ்திரா பற்றி தெரியும். அதை தமிழ் புனைவுலகிற்கு அறிமுகப்படுத்தியிருப்பது அருமை.

மூன்று வெவ்வேறு கதைக் களங்கள், அவற்றை இணைக்கும் ஒற்றைப் புள்ளி என கதையை சுவாரசியமான நடையில் எழுதியிருக்கிறார். கதையின் முடிவில் பேரறிஞர் அண்ணாவின் ரெபரென்ஸ் தான் அல்டிமேட். இன்னும் கதை நீண்டிருக்கலாம் என்றும் தோன்றியது. வாய்ப்புள்ள நண்பர்கள் அவசியம் வாசிக்கவும்.