நான் அன்றாடம் பேசுவதைப்போல எழுதிக் கொண்டிருப்பதும் எனக்கு வழக்கம்தான்.புகழ்பெற்று பத்திரிகையில் மட்டுமல்லாமல் சிற்றிதழ்கள் பலவற்றிலும் தனிச்சுற்றுப் பத்திரிகைகளிலும் எழுதிவந்திருக்கிறேன். எழுதிவருகிறேன்.

இவ்வகையில் என் இனிய நண்பரும் தொழிலதிபரும் பொதுச்சேவையில் மிகுந்த ஈடுபாடும் கொண்ட நண்பர் அடைக்கலராஜ் அவர்கள் ‘தமிழ் வாசல்' என்றொரு மாத பத்திரிகையைத் தொடங்கி அதில் என்னை எழுதுமாறு கேட்டுக்கொண்டார்.

நானும் மாதப் பத்திரிகைதானே என்பதால் எழுத நேரமிருக்கும் என்று மகிழ்வோடு நான் சந்தித்த நபர்கள், சிந்தித்தச் செய்திகள், பயணத்தில் கண்ட அதிசயங்கள், பட்டிமன்ற, சினிமா படப்பிடிப்பு அனுபவங்கள் இவற்றையெல்லாம் சில மாதங்கள் எழுதினேன் அவற்றை இப்போது ஒரு சிறு நூல் வடிவில் தொகுத்திருக்கிறேன்.

இந்நூலும் வழக்கம்போல் எங்களது 'அமுதம் பதிப்பகம்’ வெளியீடாகவே வெளிவருகிறது இந்நூலைப் படியுங்கள் படித்த செய்திகளை பகிர்ந்து கொள்ளுங்கள். பாராட்ட நினைத்தாலும், விமர்சிக்க நினைத்தாலும் என்னோடு தொடர்பு கொள்ளுங்கள்.....

அன்புடன் கு. ஞானசம்பந்தன் Show more