Reviews for நகுமோ லேய் பயலே

சில கட்டுரைகள் நன்றாக சிரிக்க வைக்கின்றன, சில கட்டுரைகள் உள்ளடக்கத்தை மட்டும் நிரப்புகின்றன. குறுகிய கட்டுரைகளைக் கொண்ட புத்தகம் வாசிக்க விரும்பினால் இதைத் தேர்ந்தெடுக்கலாம். எழுத்து பாணி நன்றாக இருக்கிறது.

சில இடங்களில் குப்பீரென சிரிக்க வைத்தன, சில இடங்களில் களுகென சிரிக்க வைத்தன.

முதல் அதிகாரம் தவிர மற்ற அதிகாரங்கள் மிகவும் சோம்பலானவை. ஒரு புத்தகம் முழுவதும் படிப்பதற்கு கடினமான அனுபவம்.

படிப்பவர்களுக்கு புன்னகையை வரவழைக்கும் நிச்சயத்தன்மை உடைய கட்டுரைகள். குறிப்பாக பி.மாசானமுத்துவின் அலப்பறைகள் அமோகம்.

நகைச்சுவையான கட்டுரைகளின் தொகுப்பு — சில இடங்களில் மத்தாப்பு போல சிரிப்பை உண்டுபண்ணும். பல இடங்களில் இது புஸ்வானமாகிவிடுகிறது. — கலைச்செல்வன் செல்வராஜ்

இந்தப் புத்தகத்தை மிகவும் ரசித்தேன் — படிக்கும் போதெல்லாம் புன்னமுறுவல் என் முகத்தில் வந்தது. நிச்சயம் பரிந்துரைக்கப்படும் புத்தகம்!

வெகு நாட்களுக்குப் பிறகு சிரிக்க சிரிக்க ஒரு புத்தகம். எள்ளலும் துள்ளலும் நிறைந்த எழுத்துக்களின் மூலம் இதுவென்றல்லாது எது வேண்டுமானாலும் சுவாரசியமாக எழுத முடியுமென்பதற்கு செல்வேந்திரனே சான்று. தமிழில் இயங்கும் சமகால எழுத்தாளர்களை பற்றி அறிந்தவர்க்கு கூடுதல் சிரிப்பு!

அச்சு ஊடகங்களில் பணியாற்றும் அனுபவத்திலும், தமிழின் இலக்கியத் தளத்தில் கொண்ட மிகுந்த பரிச்சயங்களினாலும் இலக்கியம்/பதிப்பு/ஊடகம் தொடர்பான பகடியும் எள்ளலும் தெறிக்கும் கட்டுரைகளை சிறப்பாக எழுதியிருக்கிறார் எழுத்தாளர். சொந்த பயண/குடும்ப அனுபவங்களையும் சுய எள்ளலுடன் எழுதியிருக்கிறார். வெடிச்சிரிப்பு இலட்சியம், புன்முறுவல் நிச்சயம் என்கிற உன்னத நோக்கோடு எழுதத் தொடங்கியிருப்பார் போலும். நெருக்கடி மிகுந்த கொரோனா காலத்தில், சிரிப்போடே எளிதில் படித்துக் கடக்க தகுந்த புத்தகம்!

செல்வேந்திரன் கமல் அவர்கள் பரிந்துரை செய்த "வாசிப்பது எப்படி" என்ற நூலைத் தேட போய் எழுத்தாளரின் இந்த புத்தகத்தை படிக்க நேர்ந்தது. புத்தகத்தின் தலைப்பே வித்தியாசமாக இருக்கிறது. 23 கட்டுரைகளில் அவருடைய அனுபவத்தை பகடியாக எழுதி நம்மை சிரிக்க வைக்கிறார் எழுத்தாளர். தினந்தோறும் நாம் கடந்து போகும் மனிதர்களையும் சம்பவங்களையும் நகைச்சுவையாக ரசிக்கும் படி சொல்லும் ஒரு புத்தகம். மன அழுத்தத்தை போக்கும் ஒரு மிகச் சிறந்த நூல் இது. மீண்டும் ஒரு முறை படித்து சிரிக்க காத்திருக்கிறேன். நீங்களும் படித்து சிரிக்க பரிந்துரைக்கிறேன்.

ஆசிரியரின் "வாசிப்பது எப்படி" புத்தகம் முன்பே படித்திருக்கிறேன். இந்தப் புத்தகத்தின் அட்டைப் படமும் தலைப்பும் என்னை ஈர்த்தது.

கொரோனா ஊரடங்கு நாட்களில் வீட்டுக்குள்ளேயே முடங்கிய வேளைகளில் தான் எதிர்கொண்ட அனுபவங்களை நகைச்சுவை உணர்வோடு ஆசிரியர் பதிவு செய்திருக்கிறார் இந்த கட்டுரைத் தொகுப்பில்.

நாகர்கோவில் எக்ஸ்பிரஸில் பிரயாணம் செய்தபோது அண்ணாச்சி உடன் நடந்த உரையாடல், புலிக்குட்டி விஜயின் கோபத்தைக் கட்டுப்படுத்த மேற்கொண்ட முயற்சிகள், நெல்லை to சென்னை பஸ் பயணத்தின்போது 2 குடிகாரர்களால் ஏற்பட்ட வேதனைகள், பள்ளிப் பருவத்தில் நாடகம் நடித்த அனுபவம், இடை இடையில் எழுத்தாளர் பி. மாசானமுத்துவின் பொன்மொழிகள் மற்றும் கவிதைகள் என பல வடிவங்கள்.

எனக்கு மிகவும் பிடித்த கட்டுரைகள் — பார்த்த முகம், தூஸ்ரா, அம்மா பதிப்பகம், ஈரட்டி இலக்கிய மாநாடு, இலக்கிய வாசகனின் இணையற்ற பாவனைகள்.

ஆசிரியரின் நகைச்சுவை உணர்வு எனக்கு ரொம்ப பிடித்திருந்தது. பல இடங்களில் குபீர் சிரிப்பை அடக்க முடியவில்லை. சிறுகதை, நாவல், கவிதைகள் தவிர்த்து மனதுக்கு லேசாக சிரிக்கும் வகையில் ஒரு புத்தகம் படிக்க விரும்பினால் இந்தப் புத்தகம் படியுங்கள்.