Reviews for தெற்கிலிருந்து ஒரு சூரியன்: திராவிட நூற்றாண்டில் ஒரு பயணம்!

தமிழகத்தின் அறுபது ஆண்டு அரசியல் வரலாற்றில் தவிர்க்க முடியாத பெயர் கருணாநிதி. அவரை விமர்சித்தும் கொண்டாடியும் இருக்கிறது இந்தப் புத்தகம்.

சுதந்திரத்திற்குப் பின் சமூக நீதி அடைய எப்படி மடைமாற்றப்பட்டோம், இந்தப் பயணத்தை தி.மு.க எப்படி வழிநடத்தியது என்பதை பல நிபுணர்கள், ஆளுமைகள், தலைவர்களின் தொகுப்பாகப் படைத்திருக்கிறார்கள். கலைஞர் என்றால் உழைப்பு, உழைப்பு, உழைப்பு என்பதை இந்நூல் பக்கத்துக்குப் பக்கம் பறைசாற்றுகிறது.

கருணாநிதி என்ற பெயர் இந்திய அரசியலில் எவ்வளவு முக்கியம் என்பதை இந்தப் புத்தகம் உணர்த்துகிறது. அவர் மீது இவ்வளவு காலமாக இருந்த பார்வையையே இந்நூல் மாற்றிவிடுகிறது.

தமிழ்நாட்டில் திராவிட இயக்கத்தின் வரலாற்றையும் அது மாநிலத்தின் வளர்ச்சியில் ஏற்படுத்திய தாக்கத்தையும் சிறப்பாகத் தொகுத்திருக்கிறார்கள். திராவிட இயக்கத்தை ஆதரிக்கலாம் அல்லது எதிர்க்கலாம் — ஆனால் புறக்கணிக்க முடியாது.

திராவிடக் கட்சிகளின் சாதனைகளையும் கலைஞர் கருணாநிதியின் பங்களிப்பையும் புரிந்துகொள்ள நல்ல நூல்.

கல்லூரி இளைஞர்களைக் கழகத்தின் பக்கம் ஈர்க்கும் ஆற்றல் கொண்ட தொகுப்பு. என்னைப் போன்ற இளைஞர்களை திராவிட இயக்கத்தின் மீது ஆர்வம் கொள்ளத் தூண்டியது.

கலைஞரை இன்றைய தலைமுறையினருக்கு அறிமுகப்படுத்த மிகச்சரியான நூல். நிறைய பேருக்குப் பரிசாக அளித்திருக்கிறேன் — அந்த அளவுக்கு பிடித்திருந்தது.

புத்தகத்தின் அமைப்பு சுவாரசியமாக இருக்கிறது. படிக்க ஆர்வமூட்டும் வகையில் கட்டமைக்கப்பட்டுள்ளது.

திராவிடக் கட்சிகள் தமிழ்நாட்டிற்கு என்ன செய்தன என்பதை அறிய இது சரியான நேரத்தில் வந்த நூல். காலத்திற்கு முன்னால் சிந்தித்த கருணாநிதியின் திட்டங்களைப் பற்றியும் இது பேசுகிறது.

வெறுக்க நூறு காரணங்கள் இருக்கலாம், ஆனால் இதைப் படித்தால் குறைந்தபட்சம் ஒரு காரணமாவது அவரை மதிக்கத் தூண்டும்.

திராவிடத்தால் வீழ்ந்தோம் என்று சொல்பவர்கள் இப்புத்தகத்தைப் படித்தால் திராவிடத்தால் வாழ்ந்தோம் என்று சொல்வார்கள். புத்தகத்தில் உள்ள கட்டுரைகளில் மட்டுமல்ல, நம் தமிழ்நாட்டில் சமூக நீதி, சமத்துவம், சமதர்மம் ஆகிய கொள்கைகளை நம் மனதில் பதித்ததே திராவிடக் கட்சிகள்தான்.

தமிழக அரசியலில் கலைஞர் தவிர்க்க முடியாத மாபெரும் தலைவர். திராவிடத்தால் வாழ்ந்தோம்!

திராவிட இயக்கத்தின் நோக்கம், அதன் வளர்ச்சி, கலைஞர் என்ற மிகப்பெரிய ஆளுமையின் பல்வேறு கோணங்கள் — இவை அனைத்தையும் இந்நூல் காட்டுகிறது.

முதற்பகுதி திராவிட இயக்கத்தைப் பற்றியும், இரண்டாம் பகுதி கலைஞரைப் பற்றியும் பேசுகிறது. கட்சித் தலைவர் என்ற நிலையிலிருந்து மட்டுமல்லாமல், ஒரு ஆளுமையாகவும் செயல்வீரராகவும் கலைஞரை நமக்கு இந்நூல் அறிமுகப்படுத்துகிறது.