Reviews for பிரபாகரன் வாழ்வும் மரணமும்

சமீபத்தில் நான் வாசித்த சிறந்த புத்தகங்களில் ஒன்று. இறுதிப் போரில் நடந்தவற்றைப் பற்றிய முழுமையான புரிதலை அளிக்கிறது. புத்தக ஆர்வலர்கள் அனைவரும் கட்டாயம் படிக்க வேண்டிய நூல்.

பா.ராகவன் எழுதிய புத்தகங்களில் நான் முதலில் வாசித்தது இதுதான். சிறுவயதில் அப்பா மூலம் தலைவர் பிரபாகரனைப் பற்றி அறிந்தேன். அவரைப் பற்றி மேலும் தெரிந்துகொள்ள வேண்டும் என்ற ஆர்வத்தால் இப்புத்தகத்தை வாசித்தேன் — என் ஆர்வத்திற்குத் தீனி போடுவதாக அமைந்தது இந்நூல்.

இலங்கை அரசும் அமைதிப்படை என்ற பெயரில் வந்த படைகளும் ஈழத் தமிழர்களுக்கு எதிராகச் செய்த கொடுமைகள் வார்த்தைகளால் விவரிக்க முடியாதவை. சிங்களர்களுக்கும் தமிழர்களுக்கும் இடையேயான பிரச்சனையில் தொடங்கி, வரலாற்றில் நடந்த முக்கிய சம்பவங்கள் அனைத்தையும் ஓரளவு விரிவாக விவரித்துள்ளார் ஆசிரியர். விடுதலைப் புலிகள் மற்றும் தலைவர் பிரபாகரன் பற்றி அறிய விரும்புவோருக்கு நிச்சயம் இந்நூல் பயனுள்ளதாக இருக்கும்.

சமூகத்தில் சமநிலையை அடைய ஆயுதம் எடுத்துப் போராட வேண்டும் என்ற உணர்வை ஒரு இயக்கமாக மாற்றி, கட்டுப்பாடுகளுடன் வழிநடத்திய பிரபாகரனின் போராட்ட வாழ்வின் துணுக்குகள் அடங்கிய பதிவு இது.

ஆயுதப் போராட்டத்தில் சந்திக்க நேரும் அரசியல் தலையீடுகள், துரோகங்கள், இழப்புகள், இடையூறுகள் என அனைத்தையும் சுருக்கமாகச் சொல்லியிருக்கிறார் பா.ராகவன்.

ஈழமும் விடுதலைப் புலிகளும் அரை நூற்றாண்டு வரலாறு. அவற்றை முழுமையாகத் தெரிந்துகொள்ள இந்தப் புத்தகம் மட்டும் போதுமா என்றால் இல்லை. ஆனால் ஒரு நல்ல புரிதலைப் பெறலாம். ஈழப் போராட்டத்தின் இறுதி நாட்களில் நடந்த நிகழ்வுகளையும் சிறுசிறு தகவல்களாக அளித்திருக்கிறார் ஆசிரியர்.

வரலாறு தான் என் வழிகாட்டி என்று சொன்ன உன்னதத் தலைவனின் வரலாற்றைச் சொல்லும் அருமையான நூல்.

தன்னிகரில்லா ஆற்றல் படைத்த மாமனிதன், எதிரிகள் கண்டஞ்சிய வீரன். ஒவ்வொரு தமிழனும் தெரிந்துகொள்ள வேண்டிய வரலாறு இது.

பிரபாகரனின் வாழ்க்கை எனக்கு மிகவும் உத்வேகம் அளிக்கிறது. அவரது தியாகமும் போராட்ட உணர்வும் ஒவ்வொருவரையும் ஊக்குவிக்கும்.

நல்ல தகவல்கள் இருக்கின்றன, ஆனால் ஆழமான விவரங்கள் இல்லை. இதை ஒரு தகவல் தொகுப்பாகக் கொள்ளலாமே தவிர, முழுமையான வரலாற்றுப் பதிவாக எடுத்துக்கொள்ள இயலாது.

பிரபாகரனின் ஆரம்பகால வாழ்க்கை பற்றிய நல்ல பதிவு. அவரது இளமைக் காலத்தையும் போராட்டத்தின் தொடக்கத்தையும் அழகாகப் படம்பிடிக்கிறது.

பிரபாகரன் பற்றிய மிக அடிப்படையான அறிதலுக்கும் தெளிவான புரிதலுக்கும் இப்புத்தகம் உதவும்.

புத்தகம் படிக்க மிகவும் சுவாரஸ்யமாக இருந்தது. அந்தப் போராட்ட காலகட்டத்தைப் பற்றிய பல அறியப்படாத உண்மைகளையும் விவரங்களையும் தெரிந்துகொள்ள முடிந்தது.