Reviews for உறுபசி

சம்பத்தின் மீது கோபம், வெறுப்பு, பரிதாபம் எனப் பல உணர்வுகளை எழுப்பும் நாவல். அவற்றையெல்லாம் மிஞ்சிப் பொறாமையே மேலோங்குகிறது.

தன் பயத்தை மறைக்க மனிதன் எடுத்துக்கொள்ளும் பல முகங்களை மிக இயல்பாகக் காட்டுகிறது. உண்மைக்கு நெருக்கமான கதை.

வாழும்போது வெறுத்து ஒதுக்கிய ஒருவரை, அவரது மறைவுக்குப் பின் எப்படிப் புரிந்துகொள்கிறோம் என்ற கேள்வியை உறுபசி எழுப்புகிறது. சம்பத்தின் வாழ்வைத் திரும்பிப் பார்க்கும்போது, உறவுகளின் பின்னுள்ள தேவைகளும் துக்கத்தின் பின்னுள்ள அச்சங்களும் சிந்தனைக்குரியவையாகின்றன. நமது மறைவுக்குப் பிறகு நம்மைப் பற்றி மற்றவர்கள் என்ன நினைப்பார்கள் என்ற கலக்கத்தையும் ஏற்படுத்துகிறது. மனதைக் கனக்கச் செய்யும் நாவல்.