Reviews for சூழலும் சாதியும்

சாதியம் சுற்றுச்சூழலைப் பாதித்த விதம், சாதியைப் பரப்பப் பிராமணியம் சூழலைக் கருவியாகப் பயன்படுத்திய விதம் ஆகியவற்றைத் தகவல்களின் அடிப்படையில் விவாதிக்கிறது இந்நூல். ஆரியக் குடியேற்றம், ஆரியத் திணிப்புக்குத் தென்னிந்தியாவில் எழுந்த எதிர்ப்பு ஆகியவற்றையும் பேசுகிறது. இயற்கைக்குச் சாதி இல்லாவிட்டாலும், மனிதர்கள் அதன்மீது சாதியை ஏற்றிச் சுரண்டியதாக நக்கீரன் எடுத்துரைக்கிறார். வாசிக்க வேண்டிய நூல்.

கட்டாயம் வாசிக்க வேண்டிய நூல்.

ஒவ்வொருவரும் வாசிக்க வேண்டிய புத்தகம்.

சாதிக்கும் சுற்றுச்சூழலுக்கும் உள்ள பின்னிப்பிணைந்த உறவை நியாயமாக எடுத்துரைக்கும் நூல். இருப்பினும், சூழலைவிடச் சாதிக்கே அதிக இடம் அளிக்கப்பட்டிருக்கிறது. அதனால் ‘சூழலும் சாதியும்’ என்பதற்குப் பதில் ‘சாதியும் சூழலும்’ என்ற தலைப்பு இன்னும் பொருத்தமாக இருந்திருக்கும்.

சாதியும் ஆரியமும் எவ்வாறு அறிமுகமாயின, யார் அவற்றைக் கொண்டுவந்தார்கள், எந்த அடிப்படையில் மக்கள் பிரிக்கப்பட்டார்கள் போன்ற கேள்விகளை இந்நூல் எடுத்துக்கொள்கிறது. சாதிப் பாகுபாடு மனிதர்களோடு நின்றுவிடுகிறதா, பிற உயிரினங்களுக்கும் நீள்கிறதா என்ற சுவாரசியமான கேள்விக்கும் பதில் தேடுகிறது.

தகவல்களையும் ஆழமான பார்வையையும் தருவதோடு, புனைவைப் போல ஆர்வமாக வாசிக்கவைக்கும் எழுத்து நக்கீரனுடையது. இந்த நூலிலும் அவரது விரிவான உழைப்பு தெரிகிறது. சூழலியலிலும் சாதியம் எவ்வாறு படிந்துள்ளது என்பதை எடுத்துரைக்கும், வாசித்துப் பார்க்க வேண்டிய படைப்பு.

அன்றாட நிகழ்வுகளிலும் சொற்களிலும் மறைந்திருக்கும் சாதியப் பாகுபாடுகளை அடையாளம் காண இக்கட்டுரைகள் உதவுகின்றன. இயற்கை, உணவு, உயிரினங்கள் ஆகியவற்றில் சாதி நிலைபெற்றிருப்பதை நூல் தெளிவாக விளக்குகிறது. சங்க இலக்கியம் முதல் பெரியார், தொ.பா., இராகுல் சாங்கிருத்தியாயன் வரையிலான மேற்கோள்களும் ஆராய்ந்து முன்வைக்கப்படும் கருத்துகளும் நூலுக்கு வலு சேர்க்கின்றன. சூழலியல் சார்ந்த புரிதலுக்காக அனைவரும் வாசிக்க வேண்டிய நூல்.

சாதியின் தாக்கம் நிலம், நீர், காற்று வரை பரவியிருப்பதை நக்கீரன் நுட்பமாக எடுத்துரைக்கிறார். குறிப்பாக, குடியிருப்புகளின் இடமும் வீடுகளின் அமைப்பும் சாதியால் தீர்மானிக்கப்பட்டதைப் பேசும் பகுதிகள் சிந்திக்கவும் வேதனைப்படவும் வைக்கின்றன. வரலாறு, நிலவியல், சமூக அமைப்பு சார்ந்த ஆதாரங்களுடன் உணர்வுபூர்வமாக எழுதப்பட்ட கட்டுரைகள் இவை. சாதியின் சூழலியல் தாக்கங்களைப் புரிந்துகொள்ளத் தவறவிடக் கூடாத நூல்.

ஆரியர்கள் தங்கள் கருத்துகளைப் பூர்வகுடிகளிடம் திணிப்பதற்குச் சுற்றுச்சூழலையும் அது சார்ந்த தகவல்களையும் எவ்வாறு பயன்படுத்தினர் என்பதை இந்நூல் விவாதிக்கிறது.

இயற்கையின் சமத்துவத்துக்கு மாறாகப் பார்ப்பனியம் ஏற்றத்தாழ்வுகளை உருவாக்கியதைச் சூழலியல் வழியாக நூல் விளக்குகிறது. நம்மைச் சுற்றியுள்ள பலவற்றிலும் சாதி படிந்திருப்பதைப் படிக்கையில் ஆச்சரியம் ஏற்படுகிறது.