Reviews for பேய் கதைகளும் தேவதை கதைகளும்

சாதாரண மனிதர்களின் எண்ணங்களைத் தொன்மையின் துணையோடு, எளிதில் புரியும் வகையில் வெளிப்படுத்தும் ஜெயமோகனின் எழுத்து நேர்த்தியானது. பிடாரிகள், நீலிகள், யட்சிகள், தேவதைகள் என உலவும் உருவங்கள் மனித மன உணர்வுகளின் வடிவங்களாக வருகின்றன. பல இடங்களில் பழமையின் சாயல் தெரிந்தாலும், அதை அழகாக எழுத்தாக்கியிருக்கிறார். பழமையும் விசித்திரமும் பேய்க் கதைகளும் பிடித்தவர்கள் தவறவிடக் கூடாத தொகுப்பு.

பேய்க் கதைகள் மனத்தில் ஒளிந்திருக்கும் அச்சத்தையும் வன்மத்தையும் வெளிக்கொணர்ந்து ஆசுவாசப்படுத்த முடியும் என்பதை இந்தத் தொகுப்பில் உணரலாம். இவை பயமுறுத்தும் கதைகள் அல்ல; அமானுஷ்ய உணர்வால் விழிப்படையச் செய்கின்றன. இமையோன், தம்பி, ரூபி ஆகியவை குறிப்பிடத்தக்கவை; மற்றவை சுமார்தான். விரைவாக வாசிக்க ஒரு நூலைத் தேடுபவர்களுக்கு ஏற்றது.

பத்துப் பேய்க் கதைகள் கொண்ட தொகுப்பு. மனநலச் சிக்கலை மையமாகக் கொண்ட ஒரு கதை நன்றாக இருக்கிறது. மொத்தத்தில் இரண்டரை நட்சத்திர அளவுக்கான தொகுப்புதான்.