Reviews for மலை வாசல்

இரு ராஜதந்திரிகளின் மோதல் எதிர்பாராத திருப்பங்களுடன் சுவாரசியமாக நகர்கிறது. அஜித் சந்திரன்–துர்காதேவி காதல் வளரும் விதமும் அவர்களின் உணர்வுகளும் கண்முன் நிகழ்வதுபோல் சித்தரிக்கப்பட்டுள்ளன. துர்காதேவி மனதில் நிற்கும் பாத்திரம்.

குப்த நாட்டைக் காக்க எதிரிகளிடையே இருந்து செயல்படும் அஜித் சந்திரனை மையமாகக் கொண்ட கதை. போருக்கு இணையாக அரசியல் சூழ்ச்சிகளும் அவற்றை முறியடிக்கும் புத்திக்கூர்மையும் இடம்பிடிக்கின்றன. நாட்டைக் காக்கும் முயற்சிகளுக்கிடையே அவனது காதலும் வளர்கிறது. பல தரப்பினரும் பின்னும் சதிகளும் அவற்றால் உருவாகும் நெருக்கடிகளும் நாவலைச் சுவாரசியமாக்குகின்றன.