Reviews for மலை வாசல்

அஜித் சந்திரன் மிகவும் பிடித்துப்போகும் பாத்திரம். அந்தக் காலகட்டத்தின் நிகழ்வுகளைப் பற்றிய புரிதலையும் நாவல் தருகிறது.

ராஜதந்திரத்தின் முக்கியத்துவத்தை உணர்த்துகிறது!

கற்பனைப் பாத்திரங்கள் முன்னிலை வகித்தாலும் வரலாற்று மனிதர்களும் நிகழ்வுகளும் சிதையாமல் இடம்பெறுவது சிறப்பு. வரலாற்றுக்கு முக்கியத்துவம் கொடுத்து, ஆதாரங்களையும் அறநெறிகளையும் கவனத்தில் கொண்டே சுவாரசியமான கதையைச் சாண்டில்யன் உருவாக்குகிறார். அவரது எழுத்துநடையும் ஈர்க்கிறது.

தங்கள் நிலப்பரப்பைக் காக்கவும் விரிவுபடுத்தவும் இரு வலிமையான தரப்புகள் வகுக்கும் அரசியல் வியூகங்களே கதையின் மையம். தொடக்கச் சித்தரிப்பு சித்ராதேவி முக்கியப் பங்கு வகிப்பார் என்ற எதிர்பார்ப்பை ஏற்படுத்துகிறது. ஆனால் அந்தப் பாத்திரத்துக்குப் போதிய செயல்பாடு இல்லாதது ஏமாற்றமளிக்கிறது.

சாண்டில்யனின் சிறந்த நாவல்களில் ஒன்று. திடுக்கிட வைக்கும் திருப்பங்களுடன் கதை வேகமாக நகர்கிறது. வர்ணனைகளை நீட்டிக்காமல் அளவோடு பயன்படுத்தியிருப்பதால் கதையோட்டத்தில் தொய்வில்லை. அஜித் சந்திரனின் பாத்திரப்படைப்பு மிகவும் சிறப்பாக அமைந்துள்ளது.

அருமையான கதை. தன் நாட்டைக் காக்க அஜித் சந்திரன் வகுக்கும் திட்டங்களும் வியூகங்களும் சிறப்பாக உள்ளன. சாண்டில்யன் எதிர்பார்ப்பை நிறைவேற்றுகிறார். வரலாற்றுக் கதைகளை விரும்புவோர் படிக்கலாம்.

தவறவிடாமல் படிக்க வேண்டிய நாவல்.

அஜித் சந்திரனின் சிறப்பான பாத்திரப்படைப்பு, கடல் புறாவின் இளைய பல்லவனை நினைவூட்டுகிறது. தொடக்கத்திலிருந்து எழும் கேள்விகளுக்கான முடிச்சுகளை இறுதியில் சாண்டில்யன் நன்றாக அவிழ்க்கிறார். அவரது மற்ற கதைகளைவிட வர்ணனைகள் குறைவாக இருப்பதால் வாசிப்பில் தொய்வில்லை. ஒருமுறை படித்துப் பார்க்க வேண்டிய நாவல்.

குப்த நாட்டைக் காக்கும் ராஜதந்திர முயற்சிகளும் அஜித் சந்திரனின் புத்திக்கூர்மையும் கதைக்கு விறுவிறுப்பூட்டுகின்றன. எதிரிகளை அவன் கையாளும் விதமும் ஆபத்திலிருந்து தப்ப ஒவ்வொரு பாத்திரமும் மேற்கொள்ளும் முயற்சிகளும் குறிப்பிடத்தக்கவை. இறுதி அத்தியாயம் இவ்வளவு எளிதாக முடியும் என்பது எதிர்பாராதது.

உளவு வேலைகளும் போர்த் திட்டங்களும் சேர்ந்த நல்ல கதைக்களம். அஜித் சந்திரன் விரும்பத்தக்க பாத்திரமாக அமைந்திருக்கிறான். அகதா கிறிஸ்டியின் நாவல்களை நினைவூட்டும் திருப்பம் கொண்ட இறுதி அத்தியாயமே கதையின் சிறப்பம்சம்.