Reviews for லாக்கப்

காவல் நிலையத்துக்குள் நடக்கும் அதிகார அத்துமீறல்களை மு. சந்திரகுமாரின் லாக்கப் எடுத்துக்காட்டுகிறது. அப்பாவிகள் தண்டிக்கப்படக்கூடாது என்ற நீதியின் அடிப்படைக்கும் நடைமுறைக்கும் இடையிலுள்ள முரண்பாட்டை நினைக்க வைக்கிறது. காவல்துறையைப் பாதுகாப்பின் அடையாளமாக மட்டுமே பார்க்க முடியாது என்பதையும், அதிகாரம் மனிதர்களின் நலனுக்கு உத்தரவாதமல்ல என்பதையும் முன்னிறுத்தும் பதிவு.

ஒரு நாட்டின் பின்தங்கிய நிலையைப் பொருளாதாரத்தால் மட்டும் அளந்துவிட முடியாது என்பதை உணர்த்தும் உண்மைச் சம்பவப் பதிவு. அடிப்படை மனித உரிமைகள்கூட பணம், சாதி சார்ந்த சலுகைகளைச் சார்ந்திருக்கும் அவலத்தை வெளிப்படுத்துகிறது. குடும்ப ஆதரவின்றி அலைந்து வாழும் உழைப்பாளிகளின் அரிதாகக் கேட்கப்படும் குரலை இந்தப் பதறவைக்கும் நூல் முன்வைக்கிறது. அது நூலாகவும் பின்னர் திரைப்படமாகவும் வெளிவந்தது முக்கியமானது.