Reviews for கோடுகள் இல்லாத வரைபடம்

பயணங்களால் ஈர்க்கப்படும் எஸ். ரா., தனக்கு முன்னோடிகளாக அமைந்த பயணிகளை இந்நூலில் அறிமுகப்படுத்துகிறார். துல்லியமான வரைபடங்களோ வழிகாட்டுதலோ இல்லாத காலத்தில் கடல்களையும் நாடுகளையும் கடந்து, வரலாற்றையே மாற்றியவர்களின் சாகசப் பயணங்களைப் பற்றிய நூல் இது.

வரலாற்றில் இடம்பெற்ற பல்வேறு பயணிகளைப் பற்றிச் சுருக்கமாகவும் தகவல்செறிவோடும் அறிமுகப்படுத்தும் நூல்.

இந்தியாவுக்கும் வெளிநாடுகளுக்கும் இடையிலான வணிகத்தைப் பற்றிப் பேசும் சுவாரசியமான நூல்.

பயணங்களை அழகாகவும் ஆழமாகவும் எழுதுவதில் எஸ். ரா. தனித்து நிற்கிறார். உலகை மாற்றிய பயணங்களை விவரிக்கும் விதம், அந்தப் பயணிகளுடன் சேர்ந்து செல்வது போன்ற அனுபவத்தைத் தருகிறது.

பயணங்கள் வரலாற்றை எவ்வாறு மாற்றின என்பதையும், அவை ஏற்படுத்திய தாக்கத்தையும் புரியவைக்கும் நூல். அரண்மனைகளைத் தாண்டி அன்றாடப் பொருட்களின் பின்னாலும் வரலாறு இருப்பதை உணர்த்துகிறது. பயண ஆசையைத் தூண்டும் இந்த நூல் அனைவருக்கும் பரிந்துரைக்கத்தக்கது. ‘நடையால் வென்ற உலகம்’, லுடேவிக் ஹப்ளர் பற்றிய அத்தியாயங்கள் குறிப்பாகக் கவர்கின்றன.

வரலாற்றுப் பயணிகளின் குறிப்புகளைக் கொண்டு அவர்களின் பயணங்களையும் சவால்களையும் அறிமுகப்படுத்துகிறார் எஸ். ராமகிருஷ்ணன். மார்க்கோ போலோ, இபின் பதூதா உள்ளிட்டோரின் அனுபவங்கள் வழியே அக்கால மக்களின் வாழ்க்கையையும் சமூக, அரசியல் சூழலையும் அறிய முடிகிறது. பயணிகளின் மனவுறுதி மட்டுமல்லாமல், அவர்களின் பதிவுகளை மீளாய்வு செய்யவும் தூண்டும் நூல். மேலும் வாசிக்க உதவும் மூலநூல் விவரங்களும் இடம்பெற்றுள்ளன.

பயணத்தை நேசிப்பவர்களுக்கு அருமையான நூல்.

உலகப் பயணிகளைப் பற்றிய சிறப்பான கட்டுரை.

பயணத்தையும் மனித வாழ்க்கையையும் பற்றிய அர்த்தமுள்ள நூல்.

பயணங்களின் மூலம் சாதித்த மனிதர்களைப் பற்றிய தொகுப்பு. கையில் பணமின்றி உலகைச் சுற்றிய சதீஷ்குமார், லுடோவிக் ஆகியோரின் பயணங்கள் பிரமிக்க வைக்கின்றன.