Reviews for கெட்ட வார்த்தை பேசுவோம்

தமிழ் இலக்கியத்தில் வசவுச் சொற்கள் இடம்பெறும் விதத்தையும் அவற்றின் சூழலையும் பயன்பாட்டையும் விளக்கும் நூல். சுவாரசியமான வாசிப்பு.

கெட்ட வார்த்தைகளைப் பற்றிப் பேசுவோம் என்பதே நூலுக்குப் பொருத்தமான தலைப்பாக இருக்கும். இழிவாகக் கருதப்பட்ட சொற்களுக்கான இலக்கியச் சான்றுகளை முன்வைத்து, நாகரிகத்தின் பெயரால் அவை எப்படி மறைக்கப்பட்டன என்பதை விளக்குகிறார் ஆசிரியர். இச்சொற்களைப் பேச ஊக்குவிப்பதல்ல நூலின் நோக்கம்; அவற்றின் இலக்கியப் பயன்பாட்டை ஆராய்வதே.

இழிசொற்களாகக் கருதப்படும் சொற்களின் பொருளை மட்டுமல்லாமல், அவற்றின் இலக்கியப் பின்னணியையும் பெருமாள்முருகன் அழகாக விளக்குகிறார். பண்பாட்டைக் காப்பதாகக் கூறிப் பதிப்பாசிரியர்களும் உரையாசிரியர்களும் செய்த மாற்றங்களை விரிவாகப் பதிவு செய்கிறார். இந்தச் சொல் மாற்றங்கள் ஆர்வெல்லின் 1984 நாவலை நினைவூட்டுகின்றன. பழைய இலக்கியங்களில் இயல்பாக இடம்பெற்ற சொற்கள் இன்று மறைக்கப்படுவதை எடுத்துரைக்கும், தமிழ் பேசுவோர் வாசிக்க வேண்டிய தொகுப்பு.

ஓலைச்சுவடிகளிலிருந்த தமிழ் இலக்கியங்கள் அச்சுக்கு வந்தபோது, காமம், பசலை, உடலுறவு, பெண்ணுறுப்பு தொடர்பான சொற்களும் பாடல்களும் நீக்கப்பட்டதை ஆராயும் நூல். அவ்வாறு விடுபட்ட பகுதிகளே இதன் ஆய்வுக்குரிய பொருள்.

ரசனைக்கு ஒத்துவராததால் முழுமையாக வாசிக்கத் தோன்றாத நூல்.