இந்திய நாத்திகமும் மார்க்சீயத் தத்துவமும்

Name: இந்திய நாத்திகமும் மார்க்சீயத் தத்துவமும்
Rating: 4.2 (4 reviews)
Author: நா. வானமாமலை

Indhiya Naathikamum Marxia Thathuvamum

நா. வானமாமலை

Buy Book

4.2/5 · 4 reviews

எங்கு வாங்கலாம்

Buy Book Buy Kindle Buy on Google Play

Indhiya Naathikamum Marxia Thathuvamum

நா. வானமாமலை

4.2/5 · 4 reviews

வடிவம்: Kindle Edition
ASIN: B07PPPNPH9

தூத்துக்குடியில் மார்க்சீயம் கற்க விரும்பிய படிப்பாளிகள் குழுவிற்காக நான் "இந்திய நாத்திகமும், மார்க்சீயமும்" என்ற தலைப்பில் குறிப்புகள் தயாரித்தேன். இந்திய நாத்திகம் பற்றிய விவரங்கள் (facts) முழுவதும் மார்க்சீயப் பேரறிஞர் தேபி பிரஸாத் சட்டோபாத்யாயாவின் 'Indian Atheism' என்னும் நூலில் இருந்து பெறப்பட்டவை. ஆனால் இந்நூல் அந்நூலின் சுருக்கமோ, மொழிபெயர்ப்போ அன்று. தேபி பிரஸாத் விளக்காமல் விட்டுவிட்ட பல கூறுகளை நான் விளக்கியுள்ளேன். மார்க்ஸ், எங்கெல்ஸ், லெனின் கூற்றுக்களை அவர்கள் நூல்களில் இருந்தே மேற்கோளாகக் கொடுத்துள்ளேன். பொதுவாக இதுவோர் மூலநூல். ⁠இது எழுதக் காரணமாயிருந்தது தூத்துக்குடி படிப்பாளிகள் குழுவும், தேபி பிரஸாத்தின் நூலும்.

இந்த புத்தகம் வாங்க Buy Book

Reviews

Jagan K

★ 5/5

மார்க்சிய நாத்திகத்தை அறிந்துகொள்ளச் சிறந்த அறிமுக நூல். ஆய்வுத் தகவல்களைக் கொடுப்பதோடு நிற்காமல், அவற்றிலிருந்து ஆசிரியர் வந்தடையும் முடிவுகளே இதன் தனிச்சிறப்பு. தனது பார்வையை முன்வைக்கும்போதும் பிறரை அவதூறு செய்வதைத் தவிர்க்கிறார்.

Dineshsanth S

★ 3/5

இந்திய நாத்திகத்தின் தோற்றத்தையும் பல்வேறு பிரிவுகளையும் சுருக்கமாகவும் எளிமையாகவும் விளக்கும் பகுதிகள் சிறப்பாக உள்ளன. ஆனால் பொருட்களின் இயல்புகள் வேறுபடுவதற்கான காரணங்களும், சுபாவவாதத்தை நிறுவும் ஆதாரங்களும் விளக்கப்படவில்லை. நாத்திகத்தை முழுமைப்படுத்துவதில் மார்க்சியத்தின் பங்கு குறித்த பகுதிகள் இன்னும் எளிமையாக இருந்திருக்கலாம். மார்க்சியம், பொருளாதாரம் சார்ந்த கலைச்சொற்களுக்கு இணையான ஆங்கிலச் சொற்களையும் கொடுத்திருந்தால் புரிந்துகொள்ள உதவியிருக்கும்.

Karthick

★ 4/5

கடவுள் மறுப்பைத் தர்க்கத்துடன் நிறுத்திவிடாமல், மத நம்பிக்கையைத் தாங்கும் சமூக அமைப்பையும் ஆராய வேண்டும் என்பதே இந்நூலின் முக்கியக் கருத்து. பண்டைய இந்திய நாத்திகத்தின் இந்த இடைவெளியை மார்க்சியம் எவ்வாறு நிரப்புகிறது என்பதைப் பேசுகிறது. உற்பத்திமுறை, பொருளாதார ஏற்றத்தாழ்வு, அரசு ஆகியவற்றுடன் மதத்தை இணைத்துப் பார்க்கும் அணுகுமுறையும், அறிவியல் அறிவோடு நாத்திகக் கருத்துகளை எடுத்துச் செல்ல வேண்டிய தேவையும் வலியுறுத்தப்படுகின்றன.

Vivek KuRa

★ 5/5

இந்தியத் தத்துவங்கள் அனைத்தும் கடவுள் நம்பிக்கையையே வலியுறுத்தின என்ற பொதுக்கருத்துக்கு மாறாக, பண்டைய நாத்திக மரபுகளை ந. வானமாமலை அறிமுகப்படுத்துகிறார். எதிர்க்கருத்துகளை ஆத்திக மரபுகள் தமக்கேற்ப மாற்றிக்கொண்ட விதமும், இந்திய மற்றும் மேற்கத்திய நாத்திகத்தின் ஒற்றுமை வேற்றுமைகளும் நூலில் ஆராயப்படுகின்றன. மார்க்சியப் பொருள்முதல்வாதம், மதத்தின் சமூகத் தேவை, அரசுக்கும் மதத்துக்குமான உறவு ஆகியவற்றைச் சிறப்பாக விளக்குகிறது. நாத்திகத்துக்கும் மார்க்சியத்துக்குமான தொடர்பை அறிய உதவும் சிறிய நூல்.