Reviews for கோபல்ல கிராமம்

மிகச் சிறந்த நூல்களில் ஒன்று!

கரிசல் மண்ணைப் பற்றிய சிறந்த நூல்.

கட்டபொம்மன் காலத்துக்கும் முந்தைய பின்னணியில் அமைந்த கதை. தகவல்கள் நிறைந்திருப்பதோடு வாசிக்கவும் நன்றாக இருக்கிறது.

கோபல்ல கிராமம் உருவான கதையும் அங்குள்ள மக்களின் பெயர்க்காரணங்களும் சொல்லப்பட்ட விதம் அருமை. கடினமான நேரத்தில் பிறருக்கு உதவ வேண்டும், பெண்களுக்கு எதிரான செயல்களில் ஈடுபடக் கூடாது என்ற கருத்துகளும் கவனத்தை ஈர்க்கின்றன.

சிறுவயதில் கேட்ட கதைகளைத் தொகுப்பாக வாசிப்பது போன்ற வித்தியாசமான அனுபவம். கதாபாத்திரங்களையும் நிகழ்வுகளையும் கண்முன்னே நடப்பதுபோல் விவரிக்கும் விதம் சிறப்பாக இருக்கிறது.

இன்னல்களால் இடம்பெயர்ந்த உழவர் சமூகம் காட்டைத் திருத்தி விளைநிலமாக்கி ஒரு கிராமத்தை உருவாக்குகிறது. அவர்களது இன்பதுன்பங்களையும் வாழ்வுநெறிகளையும் அக்கால வரலாற்று நிகழ்வுகளுடன் இணைத்துச் சொல்லும் நேர்த்தி சிறப்பாக இருக்கிறது.

ஒரே கதையாகத் தொடராவிட்டாலும் சில பகுதிகள் பிரமாதமாக இருக்கின்றன. குறிப்பாக அக்கையா கதாபாத்திரமும் அதன் நகைச்சுவையும் நன்றாக அமைந்துள்ளன. இன்னும் சில விஷயங்களை வெளிப்படையாகச் சொல்லியிருந்தால் சிறப்பாக இருந்திருக்கும்; அந்த எதிர்பார்ப்பை இரண்டாம் பாகம் நிறைவேற்றும் என்ற நம்பிக்கை இருக்கிறது.

கோபல்ல கிராமத்துக்கே சென்று வந்த மகிழ்ச்சியைத் தருகிறது கி.ரா.வின் அழகான மொழிநடை.

விடுதலைக்கு முந்தைய கிராம வாழ்வுக்குள் அழைத்துச் செல்லும் நாட்டார் கதை. கீழே வைக்க மனமில்லாத அளவுக்கு வாசிப்பில் பிடிப்பைத் தருகிறது. அவசியம் படிக்க வேண்டிய நாவல்.

இடம்பெயர்வின் வலியையும் சிரமங்களையும் உணரச் செய்கிறது இந்த நாவல். கரிசல் மொழியில் கோபல்ல கிராமத்தையும் அதன் வாழ்வையும் முழுமையாக உருவாக்கியிருக்கிறார் கி.ரா.