Reviews for சேரர் கோட்டை, பாகம் 1

காந்தளூர் சாலைப் போரை மையமாகக் கொண்ட கதை, தொடக்கம் முதலே விறுவிறுப்பாக நகர்கிறது. சேர, சோழ, பாண்டிய நாடுகளின் அரசியல் பற்றிய தகவல்களும் கிளைக்கதைகளும் வாசிப்புக்குச் சுவை சேர்க்கின்றன. வரலாற்றுச் சம்பவங்களை அடிப்படையாகக் கொண்டிருப்பது நாவலின் பலம். மர்மங்களுக்கான விடைகளை ஊகித்தபடியே படிக்க வைக்கும் இந்தப் பாகம், பல கேள்விகளுடன் முடிந்து அடுத்த பாகத்துக்கான ஆர்வத்தைத் தக்கவைக்கிறது.

தமிழ் வரலாற்றுப் புதினங்களில் கல்கி, சாண்டில்யன் வரிசையில் கோகுல் சேஷாத்ரிக்கும் இடமுண்டு என்று உணர்த்தும் படைப்பு. தலைப்பைப் பார்த்தால் சேரர்களைப் பற்றிய கதை எனத் தோன்றினாலும், இராஜராஜ சோழரின் காலத்தை மையமாகக் கொண்ட நாவல் இது. விறுவிறுப்பான இந்நூலை வாங்கி வைத்துக்கொள்ளத் தோன்றுகிறது.

மிகவும் அருமை. சிறப்பான எழுத்தாளர்.

காந்தளூர் சாலைப் போரை மையமாகக் கொண்டு, ஆழமான ஆய்வுடன் விறுவிறுப்பான வரலாற்று நாவலைத் தந்திருக்கிறார் கோகுல் சேஷாத்ரி. வரலாற்றுப் பின்னணியும் கிளைக்கதைகளும் கதையின் வேகத்துக்குத் துணை நிற்கின்றன. பழக்கமான கதாபாத்திரங்களுடன் நகரும் முதல் பாகம், அடுத்த பாகத்தை உடனே படிக்கத் தூண்டுகிறது. சோழர் வரலாற்றுப் புதினங்களில் ஆர்வமுள்ளவர்கள் தவறவிடக் கூடாத நூல்.