Reviews for ஆன்டன் செக்காவ்: ஆகச் சிறந்த கதைகள்

செக்காவின் கதைகள் சிந்திக்கவும் சிரிக்கவும் வைப்பதோடு, மனித உணர்வுகளையும் நெருக்கமாகக் காட்டுகின்றன. பயம், பொறாமை, பதவி வேறுபாடு போன்றவை மனிதர்களின் நடத்தையை மாற்றும் விதம் கவனிக்கத்தக்கது. மகனைத் திருத்த முயலும் தந்தையைப் பற்றிய வீட்டில் அனைவரும் வாசிக்க வேண்டிய கதை. மொழிபெயர்ப்பு எளிமையாகவும் சிறப்பாகவும் இருந்தாலும், ஆங்காங்கே உள்ள எழுத்துப் பிழைகளையும் சந்திப் பிழைகளையும் திருத்த வேண்டும்.

செக்காவின் சிறந்த கதைகள் அடங்கிய தொகுப்பு. மெல்லிய பகடி கலந்த இந்தக் கதைகள் நல்ல வாசிப்பனுபவத்தைத் தருகின்றன.

எளிமையும் அழகும் ஆழமும் கொண்ட கதைகள்.

ஒரு நூற்றாண்டைக் கடந்தும் செகாவின் சில கதைகள் இன்றைய மனிதர்களைப் பேசுவதுபோல் இருக்கின்றன. புகழுக்கான எதிர்பார்ப்பு, சூழலுக்கேற்ப மாறும் மனம், குழந்தை வளர்ப்பு போன்றவற்றை நுட்பமாகக் காட்டுகின்றன. தொடக்கத்திலேயே கவனத்தை ஈர்க்கும் விதமும் கச்சிதமான சொற்களும் அங்கதமும் தொடர்ந்து வாசிக்கத் தூண்டுகின்றன. மொழிபெயர்ப்பில் சிரத்தை தெரிந்தாலும், சில இடங்களில் அதன் போதாமை கதைகளை முழுமையாக உள்வாங்கத் தடையாகிறது.

சிறப்பான மொழிபெயர்ப்பு. கதைகள் எளிய நடையில் அமைந்திருந்தாலும் ஆழமான உட்கருத்தைக் கொண்டிருக்கின்றன. அக்கால மக்களின் வாழ்க்கைமுறையையும் அறிமுகப்படுத்துகின்றன. செக்காவின் பிற படைப்புகளையும் தொடர்ந்து வாசிக்க வேண்டும் என்ற ஆர்வத்தை ஏற்படுத்தும் தொகுப்பு.