Quotes from இட்லியாக இருங்கள்

குழந்தை ஒன்றை ஒரு பெண்மணி தூக்குகிறார். குழந்தை அந்தப் பெண்மணியைப் பார்க்கிறது. அந்தத் தகவல் கண்கள் வழியாக, தலாமஸுக்குப் போகிறது. தலாமஸ் அதனைக் கார்டெக்ஸுக்கு அனுப்ப, கார்டெக்ஸ் அதைத் தன்னிடம் ஏற்கனவே உள்ள கோப்புகளில் ஒப்பிட்டதில், அந்தப் பெண் தன் அம்மா என்று புரிந்துகொண்டு, அப்படியானால் இது உணர்வு சம்மந்தப்பட்டது என்று முடிவுசெய்து, அமிக்டலாவுக்குச் செய்தி அனுப்பும். உடன் அமிக்டலா, அம்மா என்று நெகிழவோ அல்லது அழவோ வைக்கும். எல்லாம் நொடிக்கும் குறைவான நேரத்தில் நடந்துமுடிந்துவிடும்.

அறிவு மிகுந்தால் ஆனந்தம். உணர்ச்சி மிகுந்தால் ஆபத்து. உணர்ச்சியை சமயோஜிதமாகப் பயன்படுத்தி அறிவைச் செழுமைப்படுத்த முடியுமானால் அதுதான் புத்திசாலித்தனம்.

கோபம், வெறுப்பு, காழ்ப்பு போன்ற உணர்ச்சிகளெல்லாம் எல்லா மனிதர்களுக்கும் இருக்கத்தான் செய்யும். அவற்றை அடக்கி, புத்திசாலித்தனமாக நடந்துகொள்வதன்மூலம் வெற்றியின் படிக்கட்டுகளின்மீது வேகமாக ஏறமுடியும்.

இனிஷியேடிவ் என்பது ஆர்வமுடன் முயற்சி மேற்கொள்வது, எதையும் எவரும் சொல்லாமலே தானே எடுத்துச் செய்வது - இந்த மூன்றும் இருந்தால் போதும் என்று தீர்மானித்திருக்கிறார்கள்.

கம்யூனிகேஷன் என்றால் தொடர்புகொள்வது. இன்டர் பர்சனல் ரிலேஷன்ஷிப் என்றால் ஒருவருக்கொருவர் உள்ளார்ந்த நல்லஉறவு பேணுவது.

நம்பகத்தன்மை, அனுசரித்துப்போகும் குணம், இணைந்து பணியாற்றும் திறன்.

வெற்றி பெற்றவர்களிடம் உள்ள ஒற்றுமை என்ன? அவர்கள் அனைவரிடமும் எந்த சில குணாதிசயங்கள் பொது அம்சமாக அமையப்பெற்று இருக்கின்றன?

அடித்து ஆடுங்கள். ஆனால், கவனமாக! பதறாத காரியம் சிதறாது.

மனத்துக்கும், ஒரு கதவும் அதற்கு ஒரு தாழ்ப்பாளும் போட வேண்டும். எல்லாவற்றையும் உள்ளே அனுப்பக்கூடாது. அது பிறகு எதிர்பாராத நேரத்தில் வார்த்தைகளாக வெடிக்கும்.

உங்கள் உள்ளுணர்வு ஒரு தகவலை உங்களுக்குத் தருகிறது. அது அதிர்ச்சியானதாக, அச்சமூட்டக்கூடியதாக, கலவரமூட்டக் கூடியதாக எப்படி வேண்டுமானாலும் இருக்கலாம். ஆனால், உள்ளுணர்வு என்ன சொன்னாலும் உடனே செய்துவிடாமல், ஒரு விநாடி ஒரே ஒரு விநாடி அதை எதார்த்த தளத்தில் வைத்து யோசித்து விட்டீர்களானால், நீங்கள் ஜெயித்துவிடுவீர்கள்.