Quotes from பாஸ்வேர்டு

வாழ்க்கையைப் பற்றி வாழ்க்கையைவிட யாராலும் அழகாகச் சொல்லித்தர முடியாது!

ஏனோதானோ என்று ஓடிக்கொண்டு இருக்கிற வாழ்க்கையில் காலம் ஏதோ ஒரு தருணத்தில் கல்லெடுத்து எறிகிறது. வாழ்க்கை முழுக்க இப்படியே இருந்துவிட முடியாது என்று எச்சரிக்கிறது.

உயிரற்றவைதான், உயிருள்ள மனிதர்களின் உணர்வுகளைச் சுமக்கின்றன. உயிருள்ள மனிதர்கள்தான் தொடர்புகளை இழந்து தொலைந்துபோகிறோம்!

அர்த்தம் உள்ள பேச்சுகளைவிட அர்த்தம் இல்லாத, ஒரு காரணமும் இல்லாத பேச்சுகள்தான் வீடுகளை, அதன் சுதந்திரத்தை அர்த்தம் உள்ளதாக ஆக்குகின்றன.

வாழ்தலின் நோக்கம் வாழ்தல்தான். மற்றது எல்லாம் அப்புறம்!

யார் ஒருவருக்கு எல்லாவற்றையும் முழுமையாகச் செய்ய நேரம் இருக்கிறதோ அவர்தான் பிஸியான மனிதர். அழுக்கு தேய்த்துக் குளிப்பதில் தொடங்கி, ஆற அமரச் சாப்பிடுவது வரை இதில் அடக்கம்.

நம் வீட்டுச் சாப்பாட்டு மேஜைகளில் இந்தத் திட்டத்தை அமல்படுத்தலாம்!

வேகத்தைக் குறைத்து, ஒரு செயலை நிதானமாக (கவனிக்க: மெதுவாக அல்ல... நிதானமாக!) திருப்தியாகச் செய்து முடிக்க வேண்டும் என்பதுதான் அந்த Slow Movement-ன் சாரம்.