Reviews for காஷ்மீர்: அரசியல் ஆயுத வரலாறு

சற்று ஏமாற்றம் அளித்தது - இந்திய-பாகிஸ்தான் போர்கள் பற்றிய தகவல்கள் போதுமானதாக இல்லை. ஆனாலும் படிக்கத் தகுந்த நூல்.

ஆழமான தகவல்களுடன் சிறப்பான நூல். எதிர்பார்த்தபடி ஆசிரியரின் அற்புதமான கதைசொல்லல் திறன். கட்டாயம் படிக்க வேண்டிய புத்தகம்!

காஷ்மீர் மோதல் குறித்த பக்கசார்பற்ற விவரங்களைத் தருகிறது.

காஷ்மீர் பிரச்சினையில் என்ன தவறு நடந்தது என்பதை அறிய நல்ல புத்தகம். பிரச்சினையின் தோற்றம் எளிமையாகவும் தெளிவாகவும் விளக்கப்பட்டுள்ளது.

காஷ்மீர் பிரச்சினையை ஆழமாகப் புரிந்துகொள்ள உதவும் சிறந்த நூல்.

பாகிஸ்தானின் தவறுகளையும் அதே நேரத்தில் இந்தியாவின் தவறுகளையும் தெளிவாகச் சுட்டிக்காட்டுகிறது. காஷ்மீர் ஏன் மிகவும் சர்ச்சைக்குரிய மாநிலம், சட்டப்பிரிவு 370, பாகிஸ்தான் மற்றும் சீனாவின் பங்கு என்ற என் கேள்விகளுக்கு இந்தப் புத்தகம் பதில் அளித்தது.

காஷ்மீர் மக்களின் மனநிலையையும் அறிய முடிந்தது - இதைப் பற்றி மேலும் தெரிந்துகொள்ள ஆர்வத்தைத் தூண்டுகிறது.

வழக்கம்போல் பா.ராகவனின் மற்றொரு புத்தகம் - ஆக்‌ஷன் திரைப்படத்தின் வேகத்தில் நகர்கிறது. சலிப்பூட்டும் வரலாற்று நூலை எல்லோரும் விரும்பிப் படிக்கும் புனைகதை போல மாற்றும் திறன் கொண்ட தமிழ் இலக்கிய உலகின் சிறந்த எழுத்தாளர்களில் ஒருவர்.

பா.ராகவனின் சிக்கல் என்னவென்றால், புனைகதை படிப்பது போன்ற உணர்வு தருவதால் தவறுகளைக் கண்டுபிடிக்கவே முடியாது. காஷ்மீர் வரலாறு அறிய கட்டாயம் படிக்க வேண்டிய நூல்.

பணமதிப்பிழப்பு காங்கிரஸ், GST காங்கிரஸ் என்று ஒவ்வொன்றுக்கும் காங்கிரஸை சுட்டிக்காட்டும் பிஜேபி, இந்தியா கூட்டமைப்பை நம்பிச் சேர்ந்த காஷ்மீரிகளை முதுகில் குத்தியதற்கும் காங்கிரஸையே காட்டலாம்.

காஷ்மீரிகளைக் கொஞ்சமும் மதிக்காமல் தில்லியில் உட்கார்ந்துகொண்டு தான்தோன்றித்தனமாகக் காங்கிரஸ் செய்த செயல்களை விவரிக்கிறது. அச்செயல்களால் வெறுப்படைந்தவர்கள் எதிர்வினையாற்றினால் தீவிரவாதிகள் என்று முத்திரை குத்திக் கொல்வார்கள்.

370 பற்றி எதிர்பார்த்தேன். பிறகுதான் தெரிந்தது - இந்தப் புத்தகம் அதற்கு முன்னமே வெளிவந்துவிட்டது.

காஷ்மீருக்கு ஏன் தனிக்கொடி? ஏன் தன்னாட்சி அந்தஸ்து? சட்டப்பிரிவு 370 என்ன? ஏன் எப்போதும் மற்ற மாநிலங்களிலிருந்து தனித்து நிற்கிறது? - இப்படி என் மனதில் நீண்டநாள் இருந்த சந்தேகங்களுக்கு இந்தப் புத்தகம் பதில் அளித்தது.

காஷ்மீர் மக்களின் பிரச்சினைகளையும் இந்திய-பாகிஸ்தான் அரசியலையும் சிறப்பாகச் சொல்கிறது. "காஷ்மீருக்கு வெளியே இருக்கும் இந்தியர்களால், காஷ்மீரிகளின் காஷ்மீர் தேசிய உணர்வைப் புரிந்துகொள்வது சிரமம்" என்ற வரி மிகவும் உண்மை.

வழக்கமான பா.ராகவன் நடையில் வேகமாக நகர்ந்தாலும், வெளிப்படையான காலகட்ட நிகழ்வுகளின் விரிப்பைக் கடந்து உள்ளார்ந்து பேசவில்லை.

காஷ்மீர் சிறப்பு அந்தஸ்து 370-ம் அதிலுள்ள தகிடுதத்தங்கள் பற்றிய விவரணைகள் இல்லாத 355 பக்கங்கள் வீண். JKLF இந்துக்களைக் கொன்று குவித்த பிறகும் அவர்களை மதச்சார்பற்றவர்கள் என எழுதிக்கொண்டு வருவது எழுத்தாளனின் அபத்தம்.

காஷ்மீர் சுய விடுதலை அடையும் பட்சத்தில் அந்த நாட்டால் சுயமாக இருக்க முடியுமா என்ற கேள்வி விவரிக்கப்படவில்லை. சீனாவும் பாகிஸ்தானும் காஷ்மீரிகளின் சுயநிர்ணயத்தை எவ்வளவு காலம் விட்டுவைப்பார்கள்?

370 நீக்கப்பட்டதற்கு முன்பான புத்தகமானதால் அதன் மொத்த வீரியமும் முடிந்துபோனதாகவே உணர முடிகிறது.