Reviews for செங்கிஸ்கான்

ஆடம்பரங்களுக்கு அடிமையாகிப் போன தலைவன், விரைவிலேயே எதிரிக்கும் அடிமையாகிவிடுவான்.

இந்தப் புத்தகத்தைப் படிக்க ஆவலாக இருந்தேன். அது என் எதிர்பார்ப்புகளை நிறைவேற்றியது.

போர்க்கள வீரன் செங்கிஸ்கான் பற்றி இப்போது நாமும் தெரிந்துகொள்ளலாம்!

போர்கள் பற்றிய விவரங்கள் இல்லை.

எதிரிகளுடன் எப்படிப் போரிட்டார் என்ற விவரங்களோ, போர்களில் வெற்றி பெற்ற உத்திகள் பற்றிய தகவல்களோ இந்தப் புத்தகத்தில் இல்லை.

புத்தக விமர்சனத்தை முழுமையாகக் கேளுங்கள்.

கண்டிப்பாகப் படிக்க வேண்டிய புத்தகம்.

அற்புதமான விவரணைகளும் சித்தரிப்புகளும். புத்தகத்தை முடிக்காமல் கீழே வைக்கவே முடியாது. அனைவரும் படிக்க வேண்டிய சிறந்த நூல்.

இது எனது முதல் புத்தகம். நான் வாசிப்பதில் சிறிது தடுமாற்றம் அடைவேன். ஆனால் இந்தப் புத்தகம் என்னை இதனுள் மூழ்கடித்தது. தொடக்க வாசகர்களுக்கு மிகவும் அற்புதமான புத்தகம். மங்கோலிய நாட்டுக்குள் உங்களை அழைத்துச் செல்லும்.

அருமை.

வரலாற்றுப் புத்தகம் என்றாலும், வெறும் சம்பவங்களாகச் சொல்லாமல், ஒவ்வொரு காட்சிகளையும் முழுமையாக விவரித்து, மிக அழகாகச் சித்தரித்து, ஒரு நாவல் படித்தது போலவும், திரைப்படம் பார்த்தது போலவும் இருந்தது.

ஒருவர் தன் கனவுகளை நிறைவேற்ற உண்மையான விருப்பமும் தேவையான முயற்சியும் இருந்தால் எதையும் சாதிக்க முடியும் என்பதற்கு செங்கிஸ்கான் ஒரு சிறந்த உதாரணம். இந்தப் புத்தகம் வெற்றிக்கான பாதையை அழகாக எடுத்துக்காட்டுகிறது. மிகவும் அருமையாக எழுதப்பட்டுள்ளது.

ஒரு இனக்குழுவின் தலைவரின் மகன், தன் தந்தையின் பெயரில் மற்றவர்களின் உதவி பெறுபவனை எப்படிச் சாமானியன் என்று சொல்வது?

தன் நண்பனின் கனவைத் தனதாக்கிக் கொள்வது, ஒரு நாட்டின் மேல் படையெடுத்துச் செல்பவரை அந்த நாட்டைச் சேர்ந்தவர் போரில் கொன்று விட்டால், செங்கிஸ்கான் இன்னொருவரைப் பழி தீர்த்து வா என்று அனுப்புவது — இவரின் மேல் எந்த ஈர்ப்பையும் தரவில்லை. அவ்வளவு பெரிய நிலப்பரப்பைக் கைப்பற்றி ஆண்டதைத் தவிர.