புராணங்களின் புதிய பார்வை by

Select a cover image

Searching for images...

No images found. Try again later.

Saving cover image...

Check Price on Amazon Get Kindle Edition View on Google Play

Puraanangalin puthiya paarvai

Author: ஸ்வாமி

இன்றளவும் உள்ள, உலகின் பழைமையான நாகரிகத்துக்குச் சொந்தக்காரர்களான நம்மிடம், நம் முன்னோர் கொடுத்துச் சென்றுள்ள இலக்கியப் பொக்கிஷங்கள் அளவற்றவை. நம்மை நல்வழிப்படுத்த உருவகக் கதைகள், பெரியோர்களின் வாழ்க்கைச் சம்பவங்கள் ஆகியன இன்று பரவலாக இருப்பதுபோல், அந்தக் காலத்தில் எழுந்தவையே புராணங்களும் இதிகாசங்களும். காலச் சூழலுக்கு ஏற்ப அவற்றில் மக்களின் வாழ்க்கை முறைகளும், பழக்க வழக்கங்களும் வெளிப்படுத்தப்பட்டிருக்கும். விஞ்ஞான அறிவு பெற்றுள்ள இன்றைய சூழலில், அந்தப் புராணங்களில் பெரும்பாலானவற்றை அப்படியே ஏற்க நமக்குத் தயக்கம் இருக்கும். ஆனால் அவை காட்டும் நீதியை நம்மால் தள்ளிவிட முடியாது. அக்கருத்துகள் எக்காலத்துக்கும் பொருந்தும் கருத்துகள். ராமாயணம், மகாபாரதம் ஆகிய இரண்டும் நம் நாட்டில் தோன்றியனவாயினும், கிழக்கத்திய சிந்தனைகளில் தோய்ந்த நாடுகளில், குறிப்பாக தென்கிழக்காசிய நாடுகள், தாய்லாந்து, மியான்மர் போன்ற நாடுகளில் இவை இரண்டின் தாக்கம் சற்றே அதிகம்! அங்கெல்லாம், அந்தந்த நாடுகளின் சூழலுக்கு ஏற்ப இவ்விரு இதிகாசங்களும் மாற்றம் பெற்று செல்வாக்குடன் திகழ்கின்றன. பெரியவர்கள், தங்கள் பிள்ளைகளுக்கோ பேரன் பேத்திகளுக்கோ இந்தப் புராணக் கதைகளைச் சொன்னால், பழம் பஞ்சாங்கம் என்று கேலி பேசிச் சென்றுவிடுகின்றனர். இவற்றில் என்ன இருக்கிறது என்ற கேள்வியையும் எழுப்புகின்றனர் இந்தத் தலைமுறையினர். ஆனால் இவற்றில் உருவகமாக பல அறிவியல் உண்மைகள் ஒளிந்துள்ளன என்று சொல்லி, அவற்றை இந்தக் கால அறிவியல் நடைமுறைகளுக்கு ஒப்புமைப்படுத்தி எளிமையாகப் புரிய வைத்திருக்கிறார் இந்த நூலாசிரியர். இவற்றில் உள்ள விளக்கங்கள், புதிய கோணத்தில் நம் நாட்டின் புராண இதிகாசங்களைப் பார்க்கும் பார்வையை நமக்கு அளிக்கும். புராண இதிகாசங்களில் சொல்லப்பட்டுள்ள எந்திர தந்திர வித்தைகள் எப்படி இன்றைக்கு நாம் காணுகின்ற அறிவியல் ஆயுதங்களாகவும் கருவிகளாகவும் ஆகியிருக்கின்றன என்கின்ற கருத்தோடு, எதிர்கால அறிவியல் கண்டுபிடிப்புகளுக்கு ஏற்ப நம் புராண இதிகாசங்களை நாம் பார்க்கும் விதத்தையும் இந்நூலில் ஆசிரியர் காட்டியுள்ள பாங்கு, ஒரு வழிகாட்டி.