Reviews for அபிதா

அபிதா — கொண்டாட்டங்களின் உச்சம்! உவமைகளின் பூர்விகம்!

லா.ச.ராவை விளக்க இயலாது — அவரது படைப்புகளை உணரத்தான் வேண்டும்.

லா.ச.ராவின் இலக்கிய மேதைப் படைப்பு. நல்ல புத்தகம்.

காதலாகி கசிந்துருகி... கதையை முடித்த விதம் அற்புதம்.

லா.ச.ரா. சொற்களை வைத்து விளையாடியிருக்கிறார்... உள்ளுணர்வுகளின் அற்புதமான வெளிப்பாடு.

ஆனால் சில இடங்களில் கற்பனை செய்து பார்ப்பது சிரமமாக இருந்தது.

அற்புதமான பயணம். மனிதனின் நுட்பமான உணர்வுகளை சிறப்பான சொற்களால் சித்தரிப்பதில் லா.ச.ரா தனது உச்சத்தில் இருக்கிறார்.

இது உரைநடையா கவிதையா என்ற சந்தேகம் வாசிக்கும்போது எழுகிறது. ஒவ்வொரு கணத்தையும் ஒவ்வொரு அனுபவத்தையும் இவ்வளவு விரிவாக எப்படி வர்ணிக்க முடியும்! லா.ச.ரா உங்கள் முழுமையான கவனத்தைக் கோருகிறார், அதற்குத் தகுதியானவர். முதல் வாசிப்பில் புரிந்துகொள்வது கடினம், ஆனால் உள்வாங்கியபின் அழகு.

அபிதா — மேலோட்டமாகப் படிப்பவர்களுக்கு மனதுக்குள்ளேயே பேசிக்கொள்ளும் பித்தனின் கதையாகத் தெரியலாம். ஊன்றிப் படித்தவர்களுக்கு, சமூகத்தின் ஒழுக்கக் கோட்பாடுகளைக் கடைபிடிப்பவர்களுக்கு, இது அபத்தமான கதையாகத் தெரியும். ஆனால் அந்தக் கோட்பாடுகளைத் தாண்டி சிந்தித்தால் ஒரு சிறந்த கலந்துரையாடலை நிகழ்த்தலாம்.

மு. வரதராசனாருக்குப் பின்னர் மிகவும் தேர்ந்த தமிழ் நடையில் இப்போதுதான் வாசிக்கிறேன். எளிய மனிதர்களின் வாழ்வைப் பேசும் சமூக நாவல் இது. நான் படிக்கும் முதல் லா.ச.ரா. புத்தகம்.

லா.ச.ராவின் மாஸ்டர்பீஸ் என்று போற்றப்படும் அபிதா, கடந்த காலத்தின் நினைவுகளால் வாட்டப்படும் ஒரு மனிதனின் சிக்கலான உணர்வுகளைப் பேசுகிறது. பல ஆண்டுகளுக்குப் பிறகு தான் விட்டுச் சென்ற இடத்திற்குத் திரும்பும் அவன், அபிதாவைச் சந்திக்கிறான் — தன் பழைய காதலியின் மகள், அவளைப் போலவே தோற்றம் கொண்டவள்.

கட்டுப்படுத்த முடியாமல் அவள் மீது உணர்வுகள் வளர்கின்றன. அவனது உள்ளத்தில் நடக்கும் போராட்டத்தை லா.ச.ராவின் மொழி அழகாகச் சித்தரிக்கிறது. மொழி கையாளுதலே இந்தப் படைப்பை ஒரு இலக்கிய மேதைப் படைப்பாக உயர்த்துகிறது.

காதல் தோல்வி கதை எனவும் சொல்லலாம், மனித மனதின் கலங்கங்களின் பிரதி என்றும் சொல்லலாம். மனம் லயிக்காத மணவாழ்க்கை கொண்ட ஒருவன் தன் முதல் காதலின் சிதறல்களைத் தேடிச் செல்கிறான். பழைய சுவடுகளை அசைபோடும் அம்பிக்கு ஏற்படும் மன எழுச்சிகள் — காதல் தோல்வியால் ஏற்படும் குமுறல்களா? புதுக்காதலா? மனப்பிறழ்வா?

மணிக்கொடி காலத்தில் கொடிநாட்டிய முக்கிய எழுத்தாளர் லா.ச.ராமாமிர்தம். ஒரு காதல் தோல்வியை இவ்வளவு அழகாக எழுதி விட முடியுமா என்று வியக்க வைக்கிறது. சிறிய புத்தகமேயாயினும் ஒரு வார்த்தையை விட்டாலும் முழு கதையும் புரியாமல் போகுமோ என பயந்து கூர்ந்து படிக்க வேண்டிய நடை.

சகுந்தலை இறந்த பின்பும் அவளின் பிரதியாக நிற்கும் அபிதாவின் மேல் காதலைப் புதுப்பித்துக் கொள்கிறான் அம்பி. தள்ளாத வயதிலும் இப்படிப்பட்ட கண்ணோட்டம் — நிகழ் வாழ்க்கையில் நாம் கடக்கும் பல 'பெரியவர்களை' நினைவுபடுத்துகிறது. அனைவரும் வாசிக்க வேண்டிய அசாதாரண நாவல்.