Reviews for நிலமெல்லாம் ரத்தம் [Nilamellam Raththam]

ஆபிரகாமிய மதங்களைப் புரிந்துகொள்ள சிறந்த புத்தகம்.

நீண்டகால மோதலுக்கான சுருக்கமான வரலாறு. கச்சிதமாக எழுதப்பட்ட நூல்.

இஸ்ரேல்-பாலஸ்தீனப் பிரச்சினையின் சுருக்கமான வரலாறு. மூன்று மதப் புத்தகங்களையும் சிலுவைப்போர்களையும் உள்ளடக்கிய நூல்.

மத்திய கிழக்குப் பிரச்சினை குறித்த சுவாரசியமான மற்றும் தெளிவான வரலாறு.

நிலமெல்லாம் இரத்தம் — தமிழில் இது ஒரு அரிய படைப்பு. சண்டை எப்போதும் ஒரு பிரச்சினைக்கு முடிவைத் தராது என்பதை உணர இஸ்ரேல்-பாலஸ்தீனப் பிரச்சினை ஒரு சிறந்த எடுத்துக்காட்டு.

படிக்கச் சுவாரசியமான, உற்சாகமூட்டும் நூல். இஸ்ரேல்-பாலஸ்தீனப் பிரச்சினையை அதன் வேரிலிருந்து தற்போதைய நிலை வரை விரிவான விவரங்களுடன் அற்புதமாக எழுதப்பட்ட புத்தகம்.

இஸ்ரேல்-பாலஸ்தீனத்தில் நிலவும் பிரச்சினைகளைப் புரிந்துகொள்ளவும், யூதர்கள், இஸ்லாம், கிறிஸ்தவம் ஆகியவற்றின் வரலாற்றை அறிந்துகொள்ளவும் உதவும் மிகச் சுவாரசியமான புத்தகம். இதைப் பரிந்துரைத்துப் பரிசளித்த நண்பருக்கு நன்றி.

மதம், அரசியல், உணர்ச்சி — சேரக்கூடாத மூன்று அம்சங்கள் சேர்ந்த காரணத்தால்தான் இன்றுவரை தீர்க்க முடியாத சிக்கலாக இருந்து வருகிறது.

மத, இன அடையாளங்கள் பின்தள்ளப்பட்டு, திறமை இருப்பவன் பிழைத்துக்கொள்வான் என்கிற பொதுவான சாத்தியத்தில் உலகம் இயங்கத் தொடங்கிவிட்டது. ஆயுதங்களைக் காட்டிலும் பேச்சுவார்த்தைகள் வலிமைமிக்கவை என்பதை சரித்திரம் தொடர்ந்து நிரூபித்து வந்திருக்கிறது.

ஜெருசலேம் — இதை விலக்கிவிட்டுப் பாலஸ்தீனப் பிரச்சினை குறித்துப் பேசவே முடியாது என்பது எத்தனை உண்மையோ, அதே அளவு உண்மை ஜெருசலேம் குறித்த பிரச்சினையைத் தீர்க்கவும் முடியாது.

இஸ்ரேல்-பாலஸ்தீனப் பிரச்சினையை ஆபிரகாமிய மதங்களின் தோற்றத்திலிருந்து யாசிர் அராபத்தின் மரணம் வரை விரிவாக அலசுகிறது இந்நூல்.

இஸ்ரேல்-பாலஸ்தீனப் பிரச்சினைக்கு மேலதிகமாக யூதர்களின் வரலாற்றையும், இஸ்லாத்தின் தோற்றம்-வளர்ச்சியையும், ஜெருசலேம் தொடர்பான மூன்று ஆபிரகாமிய மதங்களிடையேயான வரலாற்றுப் பிரச்சினைகளையும் விரிவாக விளக்கியுள்ளார் பா.ரா.

நூலாசிரியரின் தேடல் பாராட்டத்தக்கது. எனினும் ஆபிரகாமிய மதங்கள் பற்றிய பகுதிகளை சற்றுச் சுருக்கமாக எழுதியிருப்பின் மேலும் சிறப்பாக இருந்திருக்கும். முழுமையாக நோக்கும்போது யூதர்களின் வரலாற்றையும் இஸ்ரேல்-பாலஸ்தீனப் பிரச்சினையின் ஆரம்பத்தையும் 2005 வரையிலான வளர்ச்சியையும் அறிந்துகொள்வதற்கு நல்லதொரு நூல்.

இருபதாம் நூற்றாண்டில் உலகம் சந்தித்த மிகப்பெரிய சிக்கல் இஸ்ரேல்-பாலஸ்தீனம் தொடர்பானது. தனித்துவமிக்க இரண்டு மதங்களின் வலுவான முரண்பாட்டுப் பின்னணியில் திறமைமிக்க அரசியல்வாதிகளால் முன்னெடுத்துச் செல்லப்பட்ட மக்களின் உணர்வு சார்ந்த பிரச்சினை.

இன்று வரை இது தீராதிருக்க என்ன காரணம்? சொந்த மண்ணில் அகதிகளாக வாழும் பாலஸ்தீனிய அரேபியர்களுக்குப் பிற அரபு தேசங்கள் ஏன் கைகொடுப்பதில்லை? மத்தியக் கிழக்கின் வளமை பாலஸ்தீனியர்களுக்கு மட்டும் ஏன் எப்போதுமே இல்லாமல் போகிறது?

ஒதுங்க ஓரிடமில்லாமல் உலகெங்கும் உயிருக்கு அஞ்சி ஓடியவர்கள் யூதர்கள். அப்படிப்பட்டவர்கள் தமக்கு வாழ இடமளித்த பாலஸ்தீன அரேபியர்களை வஞ்சிக்க நினைப்பது எதனால்?

பாலஸ்தீன போராளி இயக்கங்களின் தோற்றம் முதல் செயல்பாடுகள் வரையிலான விரிவான அறிமுகத்தை இந்நூல் தருகிறது. யாசிர் அரஃபாத்தின் ஆயுதப் போராட்டம், அமைதி முயற்சிகள், அவற்றின் விபரீத விளைவுகள், இஸ்ரேலிய ஆட்சியாளர்களின் கண்ணோட்டம், உலக நாடுகளின் கருத்துகள் என்று விரிவான களப் பின்னணியுடன், ஆதாரபூர்வமான அரசியல் சரித்திரமாக எழுதப்பட்ட நூல் இது.