Reviews for அணிலாடும் முன்றில்

தன்னைப் பெற்றெடுத்த தாயிலிருந்து தன்னால் உதித்த சேய் வரைக்குமான காலகட்டத்தில் வாழ்ந்து, பார்த்து கடந்துவந்த குடும்ப உறவுகளை எல்லாம் உள்ளடக்கியுள்ளார்.

இதில் காணும் உறவுகள் ஒன்றேனும் வாசகர்கள் தத்தம் வாழ்வில் அனுபவித்திருப்பர். தன் உதிரம் கொண்ட உறவுகளையும், வாழ்வில் வழித்துணையாய் வந்த உறவுகளையும் சேர்த்து தொடுத்த ஓர் அழகிய பூச்செண்டு.

அப்பா பற்றிய அத்தியாயத்தில் தந்தை சொன்ன வரிகள், மனைவி பற்றிய அத்தியாயத்தின் கவிதை வரிகள், மகனுக்கான கடிதம் — ஒவ்வொன்றும் மனதைத் தொடுகின்றன.

வாசிப்பை நேசிக்கும் அனைவரும் கட்டாயம் படிக்க வேண்டிய புத்தகம்.

நம்பமுடியாத அளவு அற்புதமான எழுத்து! கண்ணீர் வரவழைக்காத ஒரு அத்தியாயம் கூட இல்லை. ஒரு சிறந்த எழுத்தாளரின் இழப்பை முன்பை விட அதிகமாக உணர வைக்கிறது.

ஒவ்வொரு வரியும் அடிக்கோடிட வேண்டியது. இந்தப் புத்தகத்தை வாங்கியதில் மிகவும் மகிழ்ச்சி. அவ்வப்போது திரும்பிப் படித்து, ஓரிரு கண்ணீர் சிந்துவேன்.

கவிஞர் வெவ்வேறு சொந்தங்களைப் பற்றி தனது அனுபவங்கள் மூலம் அழகாக விவரித்திருக்கிறார். அவரது எழுத்துக்கள் எத்தகைய அற்புதமான ஆன்மாவும் இதயமும் கொண்டவர் என்பதை வெளிப்படுத்துகின்றன.

மோசமான மனநிலையில் இருக்கும்போது உறவினர்களின் கெட்ட அனுபவங்கள் மட்டுமே நினைவுக்கு வரும். நல்ல நாளில் நல்ல அனுபவங்கள் நினைவுக்கு வரும். இந்தப் புத்தகத்தை வாசிக்கும்போது உறவினர்களோடு கழித்த நல்ல நேரங்களை நினைவுகூர்ந்தேன்.

எதிர்மறையான அம்சங்கள் இருந்தாலும் நகைச்சுவையாக விவரித்திருப்பது பிடித்தது. ஒவ்வொரு உறவைப் பற்றிய தொடக்கத்தில் ஒரு கவிதை அல்லது சிறுகதை மேற்கோள் காட்டியிருப்பதும் சிறப்பு.

சுட்டும் விழிச்சுடரில் அவரது ரசிகனானேன். வேலையை துறந்த பிறகு வாசிப்பின் மீதான நட்பு மீண்டும் மலர்ந்தது. தொடக்க வாசகனிலிருந்து தீவிர வாசகனாக மாறிய பயணத்தில் இந்தப் புத்தகம் ஒரு முக்கிய நிகழ்வு.

ஒரு மரணத்தின் நினைவில் வாங்கப்பட்ட இந்தப் புத்தகம், கட்டுரைத் தொகுப்பு என்பதை கவனித்தபோது ஆச்சரியமாக இருந்தது. வாசிக்கத் தொடங்கியவுடன் என் நினைவுகளும் புதைந்துகொண்டன.

நினைவுகளை மீட்டெடுக்கும் மந்திரம் இந்தப் புத்தகத்தின் வரிகளுக்குண்டு. எளிய வாசகனையும் ஈர்க்கும் எளிய நடை. படிக்கப் படிக்க பரவசமூட்டும் இரத்த உறவுகளின் உணர்வு வெளிப்புகள் நம்மை கடைசி வரை குளிர்வித்துக் கொண்டேயிருக்கின்றன.

இனி வரும் காலத்தில் புதிய இளம் வாசகர்களுக்கு இந்த உறவுகளின் நினைவுகள் ஒரு அரிய பொக்கிஷமாக மாறும்.

நா. முத்துக்குமார் தான் கடந்து வந்த உறவுகளையும் உணர்வுகளையும் சிறப்பாக படைத்து நம் நினைவலைகளை வருடிச்செல்கிறார்.

எழுத்து வடிவம்: கவிதை + கட்டுரை + கடிதம்! மற்றவர்களுக்கு பரிசாக அளிக்க சிறந்த புத்தகம்.

உறவுகளின் மேன்மையை அவரது பால்யம் வாயிலாக சொல்லும் ஒரு அழகிய படைப்பு!

கண்டிப்பாக நாம் நம் உறவுகளை திரும்ப பார்த்து அசை போடுவோம்! நாம் நேசித்த பக்கத்து வீட்டு அக்காக்கள், நமது நண்பர்களின் தங்கைகள் தமது தங்கைகள் ஆனது, மாமாக்கள் நமக்கு சொல்லாமல் சொன்ன பாடங்கள் — பால்யம் உறவுகளால் விரவி கிடக்கின்றது.

எளிமை என்றுமே இளமையோடும், முத்துக்குமாரின் வரிகளில் இவையும் அப்படியே! இளைப்பாறல் தரும் வரிகள்!

கண்ணீர் மட்டுமே எஞ்சியுள்ளது... நா.முத்துக்குமார் வாழ்ந்து கொண்டே இருப்பார் கவிதைகளாகவும் பாடல்களாகவும்.

இந்நூலில் வரும் உறவுகளைப் பற்றிய ஒவ்வொரு அத்தியாயமும் நம்மை பழைய நினைவுகளுக்கு இட்டுச்செல்கிறது. உறவுகளை கொண்டாட வைக்கும் அருமையான படைப்பு!

அணிலாடும் முன்றில் நினைவுகளின் பாதையில் நடத்திச் செல்லும் மிக அழகான புத்தகங்களில் ஒன்று. நெகிழ்ச்சியும், நகைச்சுவையும், முழுமையான ஏக்கமும் நிறைந்த படைப்பு.

பெரிய குடும்பத்தில் உறவுகளோடு வளர்ந்த குழந்தையாக, இந்தப் புத்தகம் உடனடியாக என்னோடு இணைந்தது. ஒவ்வொரு உறவும் அதன் தனித்துவத்தோடு அழகாக சித்தரிக்கப்பட்டுள்ளது — மாமா எப்போதும் நாம் பின்பற்ற நினைக்கும் நாயகன், சித்தப்பா நண்பன், பெரியம்மா அக்கறையானவர், அத்தை அதிகம் செல்லம் கொடுப்பவர்.

கடைசி இரண்டு அத்தியாயங்கள் — மனைவிக்கும் மகனுக்கும் எழுதிய கடிதங்கள் — மிகவும் நெகிழ்ச்சியானவை. நா.முத்துக்குமாரின் சொற்களின் ரசனை தனிச்சிறப்பானது.

இன்றைய உலகில் குடும்பமும் உறவுகளும் வாட்ஸ்அப் குழுக்களாக சுருங்கிவிட்ட நிலையில், இந்தப் புத்தகம் நம்மை பழைய நினைவுகளுக்கு அழைத்துச் செல்கிறது. கடவுள் அவரை சீக்கிரம் அழைத்துக்கொண்டிராவிட்டால் இன்னும் எத்தனை அற்புதங்களை படைத்திருப்பார்!

இரண்டே மணி நேரத்தில் வாழ்ந்த குடும்பத்தையும் பழைய உறவுகளையும் எண்ணி ஏங்கி தவிக்க செய்தது. உறவுகளைப் பற்றிய அற்புதமான புத்தகம்!

கூட்டுக் குடும்பத்திற்காக ஏங்கும் அனைவரையும் சின்ன வயது வாழ்க்கையை நினைவுபடுத்திக்கொள்ள செய்கிறது.

அம்மா-அப்பா, அத்தை-மாமா, பெரியம்மா-பெரியப்பா, சித்தி-சித்தப்பா, பாட்டி-தாத்தா, அக்கா-தங்கை, ஒன்று விட்ட அண்ணன்-தம்பி, உடன் பிறந்த அண்ணன்-தம்பி, அண்ணி, முறைபெண்களென அணிலாடும் முற்றத்தில் கூட்டுக்குடும்பமாய் வாழ்ந்த நினைவுகளை திரும்ப தருகின்றது.