புருஷன்: purushan (Tamil Edition)

புருஷன்

பொண்டாட்டி ஒன் சைடாக பெண்களின் தரப்பை , அவர்களின் உலகைப் பேசியது என பல ஆண்கள் குறைபட்டுக்கொண்டனர். புருஷன் முழுக்க முழுக்க ஆண்கள் , அவர்களின் காதல் , அவர்களின் திருமணம் மற்றும் திருமண வாழ்வை பச்சை பச்சையாகப் பேசப்போகும் நாவல்.

தமிழில் இன்றும் யதார்த்தவாத எழுத்துக்களும் , ரொமாண்டிசைஸ் செய்யப்படும் கதைகளே கோலோச்சுகின்றன. இன்னும் கேட்டால் உலகம் முழுக்கவும் இதே போக்குகளே தென்படுகின்றன.

புது கண்டெண்ட் , புது நெரேஷன் , பரிசோதனை முயற்சி இதற்கெல்லாம் வெளியே இல்லை.

மீண்டும் மீண்டும் அன்பு , காதல் , பாசம் , கருணை , நீதி , ஆன்மீக தரிசனம் , ஏழ்மை , நோய்மை இதைப்பற்றிய நாவல்களே தொடர்ந்து வருகின்றன.

உலகமயமாக்கலுக்குப் பிறகு இலக்கியம் பன்னாட்டு நிறுவனங்களின் கைகளில் சென்றடைந்ததின் வெளிப்பாடு இது. அனைத்து மக்களையும் ஸ்டேண்டடைஸ் ஆக்குவதன் (ஒரே மாதிரி பன்றிக்குட்டிகள்) ஒரு பகுதியாக எழுத்தாளர்களையும் ஒரு குறிப்பிட்ட நான்கைந்து டெம்ப்ளேட்டுக்களில் மட்டுமே எழுதும்படி கொண்டு வந்து நிறுத்தியுள்ளார்கள்.

வாசகர்களுக்கும் அந்த டெம்ப்ளேட்டே பழகி விட்டது. அந்த டெம்ப்ளேட்டில் இருத்நால்தான் எந்த நாவலும் பெஸ்ட் செல்லர் ஆக முடியும். உலக அளவிலான போக்கைச் சொல்லும் அதே வேளையில் , இங்கே தமிழ்நாட்டில் இலக்கியமும் , புத்தக விற்பனையும் அதள பாதாளத்தில் கிடக்கும் சூழலில் இங்கேயும் எந்த புது முயற்சியும் இல்லை , அதே பழைய கஞ்சிதான்.

உலக அளவிலாவது விற்பனைக்காகச் செய்கிறார்கள். இங்கே செய்வதற்கு வழி தெரியாமல் கிரியேட்டிவிட்டி , முனைப்பு இல்லாமல் , செக்கு மாட்டை மட்டும் மாற்றி விட்டு அதே செக்கை சுத்திக்கொண்டு இருக்கிறார்கள்.

புருஷன் இந்த எந்த வரையறைக்குள்ளும் மாட்டிக்கொள்ளாது.

உலகம் மாறுகிறது. மனிதர்களின் மனங்கள் , உணர்ச்சிகள் , தேவைகள் , எதிர்பார்ப்புகள் , நீதி , நேர்மை என எல்லாம் மாறி வருகிறது.

கற்புக்கான இலக்கணமும் மாறி விட்டது. இதையெல்லாம் தமிழிலக்கிய உலகம் இதுவரை தொட்டுக்கூட பார்க்கவில்லை. விர்ஜின் பெண் தான் வேண்டும் என்னும் இளைஞர்கள் கூட்டம் குறைந்துள்ளது. சரி , இன்றைய இளைஞர்கள் புருஷர்களாகப் போகையில் அவர்களின் எதிர்பார்ப்பு என்ன ?

நாவலில் பலதரப்பட்ட புருஷன்கள் வருவார்கள். பல புருஷன்கள் இருந்தால் பல பொண்டாட்டிகளும் இருப்பார்கள் தானே ? இருப்பார்கள். ஆனால் நாவல் புருஷன் பாயிண்ட் ஆஃப் வியூவில் சுழலும்.

கெட் ரெடி ஃபார் தி ரா அண்ட் ப்ளடி பர்வெர்டட் Ride!