AANAAL..: ஆனால்.. (Tamil Edition)

“ஸாரி மிஸ்டர் செல்வா. உங்களுக்கு ஒரு கெட்ட செய்தி சொல்லப் போகிறேன்...” அஸிஸ்டென்ட் கமிஷனரின் குரல் போலீஸ் தோரணையில் இருந்து சுடுகாட்டுக் குரலாக மாறியது. “பெருங்களத்தூரில் இருந்து மதுரவாயல் செல்லும் ஹைவேயில் அந்தக் கார் பாலத்தை இடித்துவிட்டுக் கீழே உருண்டு விழுந்து இருக்கிறது. போரூருக்குக் கொஞ்சம் முன்னால். அந்த இடம் ஆக்ஸிடென்ட்-புரோன் ப்ளேஸ் என்று குறிப்பிடப்பட்டிருக்கும் இடம். மோசமாக வழுக்கும் சாலை. அபாயமான வளைவு. நிறைய விபத்துகள் நடக்கும் பகுதி.” “அந்த இடம் எனக்குத் தெரியும்...” என்றேன். “காரில் யார் இருந்தது?” “மிஸ் ஷீதளா யார்? உங்களுக்கு என்ன வேண்டும்?” “யூ ஸீ கமிஷனர். ஷீதளா என் உயிர் அவளைக் கல்யாணம் பண்ணிக்கொள்ள இருக்கிறேன். என் காதலி.