பண்டைய தமிழர் பண்பாட்டின் மறக்கப்பட்ட அல்லது மறைக்கப்பட்ட உண்மைகளை ஏழு தலைப்புகளின் கீழ் இந்த நூல் விளக்குகிறது. தமிழர்களின் அன்றாட வாழ்க்கையில் பின்பற்றப்படும் சடங்குகளின் பின்னணி, பல்லாங்குழி விளையாட்டினூடே வந்த சொத்துரிமை நியாயப்படுத்தல், தமிழகத்தில் பெளத்தமும் சமணமும் ஏற்படுத்திய தாக்கங்கள் ஆகியவை இதில் இடம்பெற்றுள்ளன. தென்னிந்திய பக்தி இயக்க மரபில் 'இறைவன் ஒருவனே ஆண், மனித உயிர்கள் எல்லாம் பெண்' என்று கூறும் பதிவு ஆச்சரியமூட்டுகிறது.

எளிய மக்களின் அன்றாடங்களின் பண்பாட்டு விளக்கங்கள் வியக்க வைக்கின்றன. தமிழ் மொழியின் மீதும், தமிழர் பண்பாட்டின் மீதும் அன்பும் நேசமும் கொண்டவர்கள் அனைவரும் படிக்க வேண்டிய முக்கியமான நூல் இது. மகாபாரதம், ராமாயணம், சிலப்பதிகாரம் ஆகியவற்றைப் படிக்கும் முன் இந்த நூலைப் படித்தால் தமிழ் வரலாறு மற்றும் பண்பாட்டின் உண்மையான பரிமாணம் புரியும்.