அன்பில் விளைந்த அமுதே/Anbil vilaindha amudhe (Tamil Edition)

அன்பில் விளைந்த அமுதே காவல் அதிகாரியாகி சாதிக்க வேண்டும் என்ற லட்சியத் துடிப்பில் இருக்கும் நமது நாயகன் வெற்றி மாறனைத் துரத்தித் துரத்தி காதலிக்கிறாள் அவன் மாமன் மகள் பவித்ரா. நமது நாயகி!!

ஆனால் அவள் தந்தையை வெறுக்கும் மாறன் அவள் காதலை ஏற்க மறுக்கிறான்.மாறன் தான் உயிர் என்று வாழும் பவித்ரா வாழ்விலோ விதி விளையாடத் துவங்குகிறது.மாறன் அவள் தந்தையைப் பழி வாங்குவதாக நினைத்து பவித்ராவை அவள் அனுமதியின்றி தனக்கு சொந்தமாக்கி கொள்கிறான். காதல் இல்லாத அவன் தொடுகை பவித்ராவை நெருப்பை விடவும் கொடியதாக சுட்டெரித்தது.

பவித்ராவின் வாழ்வே அதன் பின் திசை மாறிப் போகிறது. ஆறு வருடங்களுக்கு பின் இருவரும் சந்திக்க.. பவித்ரா மாறனை மன்னித்தாளா?? இருவரும் சேர்ந்தார்களா??.. மாறனின் லட்சியம் நிறைவேறியதா?? தெரிந்து கொள்ள முழுக் கதையையும் படியுங்கள் .கதையில் இருந்து சில துளிகள்.. அந்த சின்ன வீடு இப்போது மாளிகையாக மாறி இருக்க.. அந்த பெரிய வீட்டின் அழகிய படுக்கை அறையில் குளிர் ஊட்டப் பட்டு.. பூக்கள் மனம் சேர்க்க.. கொசு வலை தடை இல்லா தூக்கத்தை கொடுக்க.. மாறன் அயர்ந்து உறங்க.. அப்போது பஞ்சினும் மெதுவான கரம்.. அவன் படிக்கட்டு தேகத்தை மெல்ல வருடி அவனைப் பின் இருந்து அணைத்துக் கொள்ள.. அந்த தேவ மங்கையின் ஸ்பரிசமும் மணமும் அவனை சொர்க்கத்துக்கே அழைத்துச் செல்ல.. அவள் புறம் திரும்பி அணைக்கும் ஆசை தலைக்கேற.. மாறன் மெல்ல திரும்ப.. ஆசையுடன் அவள் முகம் பார்த்தவனுக்கு கனவு கலைந்தது.

“ஏய்.. எப்ப டீ நீ வீட்டுக்குள்ள வந்த.. விடு டீ என்ன!!” என்று அவள் அணைப்பில் இருந்து திமிறி மாறன் எழுந்து அமர.. “எதுக்கு மாமா இப்படி மீன் போல துள்ளுற.. நான் தான கட்டி பிடிச்சேன். என் அத்தை மவனைக் கட்டிக்கிற உரிமை எனக்கு இல்லையாக்கும்.” என்று தன் சுடிதாரை சரி செய்து எழுந்து அமர்ந்தாள் பவித்ரா. . <><> “நான் போலீஸ் டிரஸ் போட்டா.. கெத்தா கம்பீரமா தான் இருப்பேன். ஆனா அதை ரசிக்க வேண்டியது என் பொண்டாட்டி!!.. நீ இல்ல”.. பவித்ராவின் முகம் சட்டென மாற..

“மாமா.. இந்த சிறுக்கி கன்னாலம்னு ஒண்ணு கட்டுனா.. உன்னைத் தான் கட்டுவேன். அதே போல என்னை விட்டுட்டு நீ வேற எவள் கழுத்துலயாவது தாலியைக் கட்டுன.. அவள் சங்கை அறுத்திடுவேன்.” என்று சொன்னவள் ஆவேசமாக அங்கிருந்து செல்ல.. “இவளுக்கும் இவங்க அப்பனுக்கும் யாரையாவது அறுக்கிறதே வேலையா போச்சு..” என்று மாறனின் உதடுகள் முணுமுணுக்க..