எந்நாளும் நீதானடி என்னோட ராசாத்தி (Tamil Edition)

கண் விழிப்பதும், மயங்குவதுமாக மூன்று நாட்கள் ஆட்டம் காட்டியவள் அன்று நன்றாக கண்விழித்து, எழு.. மெதுவாம்மா என்று சொன்ன நர்ஸ் அவளை வசதியாக தலையணை வைத்து அமரவைத்துக் கொண்டிருக்க.. மகள் எழுந்துவிட்ட செய்தி கேட்டு வேகமாக அறைக்குள் வந்த வடிவழகி, அம்மாடி தேனு, என்று அழைத்தபடி ஆசையாக அவளை நெருங்க.. என்ன தேனா? யார் நீங்க என்ன ஏன் தேனுனு கூப்பிடறீங்க என்று கேட்க பயந்து போனார் வடிவழகி… என்னம்மா பேசற இங்க உன்னோட அம்மா அவங்கள பாத்து யாருனு கேக்கற? இல்ல சிஸ்டர் இவங்கள யாருனு எனக்கு தெரியல என்று சின்னவள் பயந்தபடி சொல்ல… நான் என்ன பண்ணுவேன்… யார்கிட்ட சொல்லுவேன்.. பத்து மாசம் சொமந்து பெத்த தாயப் பாத்து, யாருனு கேக்கறாளே, இந்த அநியாயம் எங்க நடக்கும்… என்று ஒப்பாரி வைக்க ஆரம்பித்துவிட்டார் வடிவழகி……. அவரின் அழுகுரல் கேட்டு உள்ள வந்த செந்தமிழ் பாண்டியன்… என்ன அத்த? என்ன ஆச்சு? என்று பதட்டத்துடன் கேட்க.. நான் என்னனு சொல்லுவேன் மருமவனே, உம்மட மாமன் மக என்ன பாத்து யாருனு கேக்குதா என்று சொன்னவர் தன் ஒப்பாரியை தொடர…

என்னடி? ஏன் அத்தைய அப்படி பேசற? என்று கேட்டவன் கோபத்துடன் சின்னவளை நெருங்க… அவனின் உயரமும், முறுக்கேரிய புஜமும், அவனின் தோற்றமும் பெண்ணவளை பயமுறுத்த, அய்யோ அம்மா, என அலறியவள்… கட்டிலில் இருந்து இறங்கி அங்கிருந்து ஓடப்பார்த்தாள்… தன்னை கண்டு பயந்து அலறுபவளை கண்டு கோபம் கொண்டவன், துள்ளி ஓடியவளின் இடையை வளைத்து பிடித்து, அவளை தன்னுடன் சேர்த்து இறுக்கி பிடித்துக் கொண்டான்.. அவனின் முரண்டு தனமான அணைப்பு பெண்ணவளை மேலும் பயமுறுத்த, அவனிடமிருந்து விடுபட நினைத்தவள் கத்தியபடி அவன் கையில் துள்ளி துடித்தாள்…

சார் “பிளீஸ்” அவங்களுக்கு ஒடம்பு சரியில்ல நீங்க ரொம்ப மொரட்டுதனமா அவங்கள ஹாண்டில் பண்றீங்க… அவங்கள விடுங்க… நான் டாக்டர் வரசொல்றேன்… அத மொத செய்ங்க நர்ஸம்மா.. என்ன ஆச்சு இவளுக்கு பெத்த தாய யாருனு கேக்கற? கட்டிக்க போற புருஷன தெரியல என்று செந்தமிழ் சொல்ல.. என்ன புருஷனா என அதிர்ந்தவள் பயந்தபடி, தன்னை பிடித்திருந்த செந்தமிழின் முகம் பார்க்க… என்ன என்னையும் யாருனு கேக்கப்போறியா? கேட்டு பாரு அப்பறம் தெரியும் சேதி என்று மிரட்டியவன் பாவனையில் பயந்து போனவள் என்ன விடு… என்றபடி அவன் கையில் அடிக்க ஆரம்பித்தாள்…

அதற்குள் மருத்துவர் வந்துவிட, என்ன ஆச்சு என்னம்மா ஏன் சத்தம் போடற?.. என்று கேட்க டாக்டர் சார் இவங்க எல்லாம் யாருனே எனக்கு தெரியல, பிளீஸ் இவங்கிட்ட இருந்து என்ன காப்பாத்துங்க… இவர என்ன விட சொல்லுங்க என்று சின்னவள் சொல்ல… பாருங்க டாக்டர் இத்தன நாளா ராத்திரி பகல்னு பாக்காம இந்த ஆஸ்பத்திரியே கதினு கெடையா கெடக்குறோம் எங்கள பார்த்து யாருனு கேக்கறா..

மிஸ்டர் தமிழ் பிளீஸ் அவங்கள விடுங்க நான் என்னனு பாக்கறேன் என்று மருத்துவர் சொல்ல பெண்ணவள் இடையில் இருந்த தன் கையை அவன் விலக்கவும் ஒடி வந்து டாக்டர் முன்பு நின்றவள்… சார் பிளீஸ் சார் என்ன இவங்ககிட்ட இருந்து காப்பாத்துங்க, இவங்க எல்லாம் யாருனே எனக்கு தெரியல என்று பதறியபடி பெண் சொல்ல.. பயப்படாதீங்க தேன்மொழி… நாங்க இருக்கோம்.. வாங்க முதல்ல உக்காருங்க என்று அவளை பெட்டில் உட்கார சொல்ல… இல்ல நான் தேன்மொழி இல்ல.. முதல்ல உக்காருங்க அப்பறம் நீங்க யாருனு சொல்லுங்க… என்றவர் அவள் உட்காரவும்.. ம்ம் இப்ப சொல்லுங்க… அ.. அது… நான் தேன்மொழி இல்ல ம்ம்.. ஒகே நான் நம்பறேன் நீங்க தேன்மொழி இல்ல.. அப்ப நீங்க யாரு உங்க பேர் என்ன என்று மருத்துவர் கேட்க.. பதில் தெரியவில்லை பெண்ணுக்கு.. ஆமாம் இல்ல எம்பேர் தேன்மொழி இல்லனா?.. அப்ப என்னோட பேர் என்ன? நான் யாரு என குழம்பி போனவள் அப்படியே தலையில் கைவைத்துக் கொண்டாள்