பெண் (18368354)

read

பெண்.. திரு அகிலனின் முதல் நாவல் சந்தானம்-வத்ஸலாவின் வாழ்கையில் நடக்கும் செயல்களைக் கூறும் கதை. நாடு அப்போது அடிமைப்பட்டிருந்த காலக் கட்டத்தில் எழுதப்பட்ட கதை. ஆங்கில ஆதிக்கம் தன் கடைசிச்சுடரை மிக ஆவேசமாக எரியவிட்டுக் கொண்டிருந்த காலம் 1942~1945. அடக்குமுறை இருந்த காலகட்டம், எப்படி மக்கள் குரல் கொடுத்தார்கள் என்பதையும், கதையின் நாயகன் (சந்தானம்) எப்படிப் பேராசிரியராப் பணியாற்றிப் பிறகு எப்படித் தன்னை மாற்றிக்கொண்டு வெள்ளையர்களை எதிர்த்து முழக்கமிடுகிறார் என்பதை அழகாகக் கூறியிருப்பார். சந்தானம் தன் தந்தை மற்றும் மனைவியின் ஆசையை நிறைவுச் செய்வதற்காக இங்கிலாந்துச் சென்று, அங்குஅவர் மேற்கொண்ட படிப்பை (ஐ.ஸி.எஸ்) அஃதாவது ஆட்சியராக ஆக்குவதற்கு மேற்கொண்டதை அவர் முழுவதுமாகப் படித்து முடித்தாரா? அல்லது இடையில் விட்டாரா? என்ன செய்தார்? படித்துத் தெரிந்துகொள்ளுங்கள். அவரது குடும்ப வாழ்வில் ஆனந்தமான காலம் துடங்கிப் பின் மனைவி கணவனிடம் ஏற்பட்ட மனக் கசப்பு அவளுக்கு இருந்த ஆதங்கத்தை எழுத்தாளர் அவருக்கே உரித்தான பாணியில் கதையை எடுத்துச் சொல்லியிருப்பார். கணவன் மனைவியிடையே நிலவியக் கருத்து வேறுபாடு எப்படிச் சுமுகமாக முடிகிறதா?. பெண் தீடீரென்று ஒரு நல்ல காரியத்துக்காகப் (மது) விலக்குப் போராட்டத்தில் ஈடுபட்டால் என்னவாகும் என்பது போன்றதைக் கதையின் ஓட்டத்துடன், சிறு தளர்வில்லாமல் கூறியிருப்பார். கடைசியாகக் சந்தானம்-வத்ஸலா(கணவன்-மனைவி) ஒன்று சேர்ந்தார்களா? என்பதுதான் இந்தக் கதை. பாலமுருகன்.லோ