None

Author: Devan

3.83/5 · 6 ratings

N/A

Reviews

user_21111

★ 5/5

"சீனுப்பயல்" - தேவன் ================= தேவன் எனும் மகாதேவன் அவர்கள் ஆனந்த விகடன் பத்திரிக்கையில், 1930 மற்றும் 1940 களில் எழுதிய, ஹாஸ்ய கதைகளும் கட்டுரைகளும் கொண்ட இத்தொகுப்பை 1993ம் ஆண்டு வாக்கில் முதற்பதிப்பாக வெளியிட்டுள்ளனர். மொத்தம் 34 கதை கட்டுரைகளை கொண்டுள்ள இப்புத்தகத்தில், அந்தந்த கதை/கட்டுரைகளுக்கேற்ப நகைச்சுவை ததும்பும் ஓவியங்களும் வரையப்பட்டுள்ளது. 'சாரதி பிள்ளை' என்பவர் அதனை வரைந்துள்ளார். சீனுப்பயல் என்பது இப்புத்தகத்தின் முதல் கதையின் பெயர். அதுவே இத்தொகுப்பிற்கும் பயன்படுத்தப்பட்டுள்ளது. முதலில், ஜனரஞ்சகமாக குடும்பம், பத்திரிகை அலுவலகம், பள்ளி, கல்லூரி, நாடகம், ரயில் டிக்கெட் வரிசை என நகைச்சுவை துணுக்கும் கதையுமாக செல்கிறது. அடுத்து, நகைச்சுவையுடன் ஆரம்பித்து எதிர்பாராத, ஆனால் அழுத்தம் மிகுந்த முடிவை கொண்ட கதைகளும் வருகிறது. உதாரணமாக, 'வீரபத்திரன் பஸ் சர்வீஸ்'. பின்பு, நம்மை சுயபரிசோதனைக்கு உள்ளாக்கும் விதமாக 'கோபம் வருகிறது', 'நானும் இருக்கிறேனே', 'என்ன அவசரம்', 'யோசித்துப் பாருங்கள்', 'வேகம் வேண்டுமா', 'என்ன வயசு' போன்ற கட்டுரைகள் எழுதப்பட்டுள்ளது. 1930-40களில் எழுதப்பட்ட கட்டுரைகளாதலால் ஸ்பெயின் உள்நாட்டு போர், இரண்டாம் உலகப் போர் போன்ற நிகழ்வுகளை அரசியல் நய்யாண்டி பார்வையில் எழுதப்பட்டுள்ளது. உலக நாடுகளின் போர் பற்றிய பார்வையும், உள்ளுர்வாசிகள் அதனை அணுகும் விதமும் கேலியும் கிண்டலுமாக எழுதியிருக்கிறார் திரு தேவன் அவர்கள். அவற்றுக்கு சான்று, 'போனதும் வந்ததும்' , 'ஒரு யுத்த ஜோஸ்யம்', 'நிருபர் செய்த வேலை' , 'ஸ்பெயின் யுத்தம்' போன்ற கட்டுரைகள். அந்த காலத்திலேயே முற்போக்கு வீச்சும் அரசியல் சிந்தனைகளையும் கொண்டு, அதையும் நகைச்சுவை ரசம் ததும்பும் வகையில் கட்டுரைகளாக எழுதியிருப்பது ஆச்சரியமளிக்கிறது. திரு தேவன் அவர்களை, திரு சோ அவர்களுக்கு முன்னோடி எனக் கூறலாம் அவ்வளவு ஒற்றுமையை காணமுடிகிறது இவரது எழுத்தில். முற்போக்கும் விகடமும் கலந்த பாணியில் எழுதப்பட்ட இத்தொகுப்பு காலம் கடந்தும் நம்மை சிரிக்கவும் சிந்திக்கவும் வைக்கிறது. எண்பது ஆண்டுகளுக்கு முன் எழுதப்பட்டதால் சமஸ்கிரத கலப்பு தமிழ் நடையில் உள்ளது. இருப்பினும் ஒரே வீச்சில் வாசித்து விட கூடியது.

Shelves

3.83/5 · 6 ratings

கோமதியின் காதலன் [Gomathiyin Kadhalan]

Author: Devan

கோமதியின் காதலனும் இந்த இலக்கணத்தை ஒட்டி எழுதப்பட்ட நாவல்தான். ஆனால், இதற்கு ஈடாக இன்னொரு காதல் கதையை முன்வைப்பது கடினம். எழுதப்பட்ட காலம் தொடங்கி இன்று வரை சிரஞ்சீவியாக…

3.83/5 · 6 ratings