ரகசிய விதிகள்

பொக்கிஷங்கள் என்று போற்றப்படும் பொருளுக்கான ஆபத்து எப்பொழுதும் அதைச் சூழ்ந்து கொண்டே இருக்கும். கவனிப்பார் அற்றுகிடக்கும் பழங்காலக் கோவில்களை மக்கள் தெரிந்து கொள்வதற்காக கேஜி டிவியில் இருந்து விஜய்,கல்யாணி இருவரும் திருக்கோவிலூர் பக்கத்தில் இருக்கும் அரவமணி நல்லூர் கோவிலுக்கு வருகின்றனர். அரவமணி நல்லூர் கோவிலில் இருந்த நடராஜ் சிற்பத்தைத் திருடியவர்களால் தாக்கப்பட்டுக் கல்யாணி இறந்துவிடப் பழி விஜய் மீது விழுகிறது. சிலை திருட்டு ஒருபக்கம் அடுத்து அடுத்து நிகழும் கொலைகள் மறுபக்கம் என்று போலீஸ் சந்தேகம் முழுவதும் விஜயின் பக்கம் திரும்புகிறது, அதற்கேற்றார் போல் விஜய்க்கு நடப்பவைகள் எல்லாம் மர்மமாகவே இருக்கிறது. அரசாங்க வேலையில் சேர வந்த நபரை கொன்று அவன் இடத்தில் தன்னைப் பொருத்திக் கொண்டு பதினைந்து ஆண்டுகளில் சட்டத்திற்கு எதிரான அனைத்துவகையான குற்றங்களையும் செய்து கேஜி டிவியின் உரிமையாளராக உயர்ந்த கிரிதரே சிலை கடத்தலில் ஈடுபட்டது என்று தெரியவருகிறது.கல்யாணி உடனான தொடர்புக்கு அவள் அங்கீகாரம் கேட்டதால் கிரிதர் அவளைக் கொலை செய்ததும் சாட்சியங்கள் மூலம் கண்டுபிடிக்கின்றனர். போலீஸ் அதிகாரி துரை அரசன் துணையால் தனக்கு வந்த நெருக்கடியில் இருந்து விஜய் தப்பித்து வருகிறான்.